Defeat of the Constitution (131st Amendment) Bill, 2026

📚 Subject : GS - राज्यशास्त्र - घटनादुरुस्ती, कायदे, विधेयक

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महिलांना लोकसभा आणि राज्य विधानसभांमध्ये 33% आरक्षण देणारा ‘नारी शक्ती वंदन अधिनियम’ कोणत्या घटनादुरुस्तीशी संबंधित आहे ?

1. 101 वी घटनादुरुस्ती

2. 103 वी घटनादुरुस्ती

3. 106 वी घटनादुरुस्ती

4. 109 वी घटनादुरुस्ती

उत्तर : 106 वी घटनादुरुस्ती

📰 बातमी काय ?

• लोकसभेत सादर करण्यात आलेले संविधान 131 वी घटनादुरुस्ती विधेयक, 2026 नामंजूर झाले.

• हे विधेयक महिलांसाठी लोकसभा व विधानसभांमध्ये 33% आरक्षणाची अंमलबजावणी लवकर करण्यासाठी आणण्यात आले होते.

• मात्र आवश्यक विशेष बहुमत न मिळाल्याने हे विधेयक फेटाळले गेले.

👩‍⚖️ आधी 106 वी घटनादुरुस्ती (नारी शक्ती वंदन अधिनियम, 2023) काय आहे ते समजून घेऊ - 

• 106 व्या घटनादुरुस्तीमुळे - लोकसभा आणि राज्य विधानसभांमध्ये महिलांना 33% आरक्षण देण्याची तरतूद करण्यात आली.

• ही घटनादुरुस्ती महिलांच्या राजकीय प्रतिनिधित्वात वाढ करण्यासाठी महत्त्वाची मानली जाते.

🤔 मग समस्या काय निर्माण झाली ?

• महिलांसाठीचे हे 33% आरक्षण लगेच लागू होणार नव्हते.

• घटनादुरुस्तीतील कलम 334A नुसार महिला आरक्षण पुढील जनगणनेनंतर आणि मतदारसंघ पुनर्रचनेनंतर (Delimitation) लागू होणार आहे.

• त्यामुळे हे आरक्षण प्रत्यक्षात 2034 च्या आसपास लागू होण्याची शक्यता व्यक्त केली जात होती.

🏛️ मग 131 वी घटनादुरुस्ती का आणली ?

1) मुख्य उद्देश - महिला आरक्षणाची अंमलबजावणी लवकर करण्यासाठी हे विधेयक आणण्यात आले.

👉 यामध्ये - 

• 2011 च्या जनगणनेच्या आधारे मतदारसंघ पुनर्रचना (Delimitation) करण्याचा प्रस्ताव होता.

• त्यामुळे 2027 नंतरच्या जनगणनेची वाट पाहावी लागली नसती.

• महिला आरक्षण 2029 च्या निवडणुकांपासून लागू होऊ शकले असते.

2) संसदीय विस्तार - संसदेच्या सदस्यसंख्येत वाढ करणे आणि मतदारसंघांच्या सीमांचे गोठवलेले (Freeze) स्वरूप संपवणे हे देखील या विधेयकावर अवलंबून होते.

🏛️ विधेयक नामंजूर झाले (Technical Reasons)- 

• विशेष बहुमताची अट पूर्ण झाली नाही.

• भारतीय संविधानाच्या कलम 368 नुसार घटनादुरुस्ती मंजूर करण्यासाठी विशेष बहुमत आवश्यक असते.

👉 यासाठी:

1) सभागृहाच्या एकूण सदस्यसंख्येचे बहुमत आवश्यक असते. आणि 

2) उपस्थित व मतदान करणाऱ्या सदस्यांपैकी किमान 2/3 बहुमत आवश्यक असते.

👉 आकडेवारी समजून घ्या - 

• लोकसभेची एकूण सदस्यसंख्या → 528

• विधेयकाच्या बाजूने मिळालेले मते → 298

• विधेयक मंजुरीसाठी आवश्यक मते → 352

म्हणून आवश्यक विशेष बहुमत न मिळाल्याने विधेयक मंजूर होऊ शकले नाही.

🤔 सहयोगी विधेयके मागे घ्यावी लागली -

• '131 वे घटनादुरुस्ती विधेयक, 2026' हे मुख्य घटनादुरुस्ती विधेयक नामंजूर झाल्यामुळे यावर अवलंबून असलेली इतर दोन वैधानिक विधेयके —

1) केंद्रशासित प्रदेश कायदे (सुधारणा) विधेयक, 2026 आणि 

2) मतदारसंघ पुनर्रचना विधेयक, 2026 — सरकारला तातडीने मागे घ्यावी लागली.

🧐 विधेयक नामंजूर होण्यामागील प्रमुख कारणे -

👉 मतदारसंघ पुनर्रचना आणि लोकसंख्या वाद (North-South Divide) हा आहे.

1) ऐतिहासिक पार्श्वभूमी - 

• 42 व्या घटनादुरुस्तीने (1976) मतदारसंघांच्या सीमा 1971 च्या जनगणनेनुसार गोठवल्या होत्या. 

• त्यानंतर 84 व्या घटनादुरुस्तीने (2001) ही मर्यादा 2026 नंतरच्या पहिल्या जनगणनेपर्यंत वाढवली.

2) विरोधकांचा युक्तिवाद - 

• दक्षिण भारतातील राज्यांनी प्रभावीपणे लोकसंख्या नियंत्रण केले आहे. 

• लोकसंख्येच्या आधारावर मतदारसंघांची संख्या वाढवल्यास दक्षिण भारताचे संसदेतील प्रतिनिधित्व कमी होऊन उत्तर भारताचे वाढेल, अशी भीती विरोधकांनी व्यक्त केली.

3) मागणी - 

• महिला आरक्षण हे मतदारसंघ पुनर्रचनेशी (Delimitation) जोडू नये, अशी प्रमुख मागणी विरोधी पक्षांनी केली.

🔑 परीक्षेच्या दृष्टीने IMP रिव्हिजन पॉईंट्स : 

• विधेयक → 131 वे घटनादुरुस्ती विधेयक, 2026.

• आधारभूत जनगणना → 2011 वापरण्याचा प्रस्ताव होता.

• निकाल → लोकसभेत नामंजूर.

• मते → 298 मते मिळाली (गरज 352 ची होती).

• सद्यस्थिती → 131 वे विधेयक पडल्यामुळे

1) केंद्रशासित प्रदेश कायदे (सुधारणा) विधेयक, 2026 आणि 

2) मतदारसंघ पुनर्रचना विधेयक, 2026 - देखील सरकारला मागे घ्यावी लागली.

India’s First Water-Neutral Railway Depot

📚 Subject : GS - पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) नियमित रेल्वे डबे धुणे आणि देखभाली दरम्यान निर्माण होणाऱ्या सांडपाण्यावर प्रक्रिया करून जल तटस्थता प्राप्त करणारा, भारतातील पहिला ‘जल-तटस्थ’ (Water-Neutral) रेल्वे डेपो कोणता ठरला आहे ?

1. वाडीबंदर कोचिंग डेपो, मुंबई

2. कांकरिया कोचिंग डेपो, अहमदाबाद

3. निझामुद्दीन कोचिंग डेपो, दिल्ली

4. पेरांबूर कोचिंग डेपो, चेन्नई

उत्तर : कांकरिया कोचिंग डेपो, अहमदाबाद

📰 बातमी काय ?

• गुजरातमधील अहमदाबाद येथे असलेले कांकरिया कोचिंग डेपो (Kankaria Coaching Depot) हे भारतातील पहिले ‘जल-तटस्थ’ (Water-Neutral) रेल्वे डेपो ठरले आहे.

• हा उपक्रम भारतीय रेल्वेच्या शाश्वत विकास (Sustainable Infrastructure) आणि जलसंवर्धन धोरणाच्या दृष्टीने महत्त्वाचा मानला जात आहे.

🤔 जल-तटस्थ (Water-Neutral) प्रणाली म्हणजे काय ?

• एखादी संस्था किंवा प्रकल्प जितके पाणी वापरतो, तितकेच पाणी पुनर्प्रक्रिया, पुनर्वापर किंवा संवर्धनाद्वारे परत उपलब्ध करून देतो, अशा व्यवस्थेला जल-तटस्थ प्रणाली म्हणतात.

🚆 कांकरिया डेपो ‘जल-तटस्थ रेल्वे डेपो’ कसा ठरला ?

• कांकरिया डेपोमध्ये रेल्वे साफसफाईसाठी वापरलेले पाणी वाया न घालवता पुन्हा प्रक्रिया केले जाते.

• प्रक्रिया केलेले पाणी पुन्हा साफसफाईसाठी आणि देखभालीसाठी वापरले जाते.

• त्यामुळे ताज्या (Freshwater) पाण्यावरील अवलंबित्व मोठ्या प्रमाणात कमी झाले आहे

• यामुळे, डेपोची दैनंदिन पाण्याची गरज ही बाहेरील ताजे पाणी न घेता पुनर्चक्रित पाण्याद्वारेच पूर्ण केली जाते, यालाच ‘जल-तटस्थ रेल्वे डेपो’ म्हणतात.

🌿 फायटोरेमेडिएशन (Phytoremediation) म्हणजे काय ?

• हे एक पर्यावरणपूरक जलशुद्धीकरण तंत्रज्ञान आहे.

• कांकरिया डेपोमध्ये सांडपाणी शुद्ध करण्यासाठी फायटोरेमेडिएशन तंत्रज्ञान वापरण्यात आले आहे.

👉 या प्रक्रियेत - 

• विशेष प्रकारच्या वनस्पती पाण्यातील प्रदूषक आणि हानिकारक घटक शोषून घेतात.

• नैसर्गिक पद्धतीने पाणी शुद्ध केले जाते.

• रासायनिक प्रक्रिया कमी वापरली जाते, त्यामुळे पर्यावरणावर कमी परिणाम होतो.

💧 पाणी शुद्धीकरणाची बहु-स्तरीय प्रक्रिया : 

• कांकरिया डेपोमध्ये सांडपाणी खालील टप्प्यांतून प्रक्रिया केले जाते :

1) वेटलँड ट्रिटमेंट (Wetland Treatment) - वनस्पती आणि नैसर्गिक गाळ प्रणालीद्वारे पाण्याचे प्राथमिक शुद्धीकरण केले जाते.

2) कार्बन फिल्टरेशन (Carbon Filtration) - कार्बन फिल्टरद्वारे दुर्गंधी आणि सेंद्रिय घटक कमी केले जातात.

3) सँड फिल्टरेशन (Sand Filtration) - यात सूक्ष्म अशुद्धता व घनकण काढून टाकले जातात.

4) अल्ट्राव्हायोलेट निर्जंतुकीकरण (UV Disinfection) - अतिनील किरणांद्वारे (Ultraviolet Rays) जीवाणू आणि सूक्ष्मजीव नष्ट केले जातात.

या प्रकल्पाचे महत्त्व काय ?

💧मोठ्या प्रमाणात जलसंवर्धन - 

• दररोज सुमारे 1.60 लाख लिटर पाण्याची बचत

• वर्षभरात सुमारे 5.84 कोटी लिटर पाण्याची बचत

🚱 ताज्या पाण्यावरील दबाव कमी - 

• शहरी भागात वाढत्या जलटंचाईच्या पार्श्वभूमीवर हा प्रकल्प महत्त्वाचा ठरतो.

🌳 भारतीय रेल्वेचा हरित उपक्रम - 

• हा उपक्रम भारतीय रेल्वेच्या हरित पायाभूत सुविधा (Green Infrastructure), पर्यावरणीय शाश्वतता, हवामान बदल अनुकूलन (Climate Adaptation) यांना चालना देतो.

🚉 इतर डेपोंसाठी आदर्श मॉडेल - 

• भविष्यात इतर रेल्वे डेपोमध्येही अशी प्रणाली विकसित करण्यासाठी हा प्रकल्प मार्गदर्शक ठरू शकतो.

भारतात जलसंवर्धनाची गरज का वाढत आहे ?

• शहरीकरण आणि वाढती मागणी - लोकसंख्या वाढ आणि शहरीकरणामुळे पाण्याचा वापर वेगाने वाढत आहे.

• हवामान बदलाचा परिणाम - अनियमित पाऊस, दुष्काळ आणि भूजल पातळी घटणे यामुळे जलव्यवस्थापन महत्त्वाचे बनले आहे.

• पुनर्वापरित पाण्याचे महत्त्व - औद्योगिक आणि पायाभूत क्षेत्रांमध्ये पुनर्प्रक्रिया केलेले पाणी वापरणे ही भविष्यातील गरज मानली जाते.

🔑 परीक्षेच्या दृष्टीने IMP रिव्हिजन पॉईंट्स : 

• भारतातील पहिले जल-तटस्थ रेल्वे डेपो → कांकरिया कोचिंग डेपो

• ठिकाण → अहमदाबाद (गुजरात)

• मुख्य तंत्रज्ञान → फायटोरेमेडिएशन (Phytoremediation)

• जलशुद्धीकरण प्रक्रिया → Wetland + Carbon Filter + Sand Filter + UV Disinfection

• दररोज पाणी बचत → 1.60 लाख लिटर

• वार्षिक पाणी बचत → 5.84 कोटी लिटर

India’s First Chip Fabrication Plant

📚 Subject : GS - अर्थशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) टाटा समूहाच्या नेतृत्वाखाली उभारण्यात येत असलेला भारताचा पहिला सेमीकंडक्टर फॅब्रिकेशन (चिप निर्मिती) प्लांट खालीलपैकी कोणत्या ठिकाणी अधिसूचित करण्यात आला आहे ?

1. धोलेरा, गुजरात

2. बंगळुरू, कर्नाटक

3. पुणे, महाराष्ट्र

4. हैदराबाद, तेलंगणा 

उत्तर : धोलेरा, गुजरात

📰 बातमी काय ?

• भारत सरकारने गुजरात मधील धोलेरा SEZ येथे देशातील पहिल्या सेमीकंडक्टर फॅब्रिकेशन प्लांटला (Fab) अधिकृत मान्यता (Notification) दिली आहे.

🧐 Semiconductor Fab म्हणजे काय ?

• Semiconductor Fab म्हणजे "सेमीकंडक्टर फॅब्रिकेशन प्लांट" ('Semiconductor Fabrication Plant'). 

• याला सोप्या भाषेत 'चिप मेकिंग फॅक्टरी' (Chip Making Factory) किंवा 'फाउंड्री' (Foundry) असे म्हणतात.

• हे एक अत्यंत प्रगत आणि हाय-टेक कारखाने असतात, जिथे मोबाईल, कॉम्प्युटर, गाड्या आणि विमानांमध्ये वापरल्या जाणाऱ्या 'सेमीकंडक्टर चिप्स' (Microchips/Semiconductors) बनवल्या जातात.

✅ देशातील पहिला सेमीकंडक्टर फॅब्रिकेशन प्लांट कोण विकसित करत आहेत ?

• हा प्रकल्प टाटा सेमीकंडक्टर मॅन्युफॅक्चरिंग प्रायव्हेट लिमिटेडच्या (Tata Semiconductor Manufacturing Private Limited) यांच्या नेतृत्वाखाली विकसित केला जात आहे.

• गुंतवणूक आणि रोजगार - या महाप्रकल्पात सुमारे 91,000 कोटी रुपयांची गुंतवणूक केली जाणार असून, याद्वारे 21,000 पेक्षा जास्त रोजगार निर्माण होण्याचा अंदाज आहे.

📍 हा प्रकल्प कुठे उभारला जात आहे ?

• हा प्रकल्प गुजरातमधील धोलेरा स्पेशल इन्व्हेस्टमेंट रिजन (Dholera Special Investment Region) येथे उभारला जात आहे.

• हा प्रकल्प इलेक्ट्रॉनिक्स, IT आणि सेमीकंडक्टर उत्पादनासाठी 'विशेष आर्थिक क्षेत्र' (Sector-specific SEZ) म्हणून विकसित केला जात आहे.

• विस्तार - हा प्रकल्प 166 हेक्टर क्षेत्रावर पसरलेला असेल.

🎯 या प्रकल्पाचा मुख्य उद्देश काय आहे ?

• आयात अवलंबित्व कमी करणे - भारताचे सेमीकंडक्टर चिप्ससाठी इतर देशांवर (विशेषतः तैवान, चीन) असणारे अवलंबित्व कमी करणे आणि देशांतर्गत क्षमता वाढवणे.

• 'इलेक्ट्रॉनिक्स हब - इलेक्ट्रॉनिक्स आणि चिप डिझाइन क्षेत्रात नवसंशोधन (Innovation) आणि जागतिक स्पर्धात्मकतेला चालना देणे.

🤝 धोरणात्मक महत्त्व (Significance):

• Special Economic Zone सुधारणांचा आधार : या प्रकल्पाला गती देण्यासाठी सरकारने SEZ च्या नियमांमध्ये शिथिलता (कमी जमीन आवश्यकता, लवचिक नियम आणि डोमेस्टिक टॅरिफ एरियामध्ये विक्रीची परवानगी) दिली आहे.

• धोरणात्मक स्वायत्तता (Strategic Autonomy) : जागतिक सेमीकंडक्टर पुरवठा साखळीत (Global Supply Chain) भारताचे स्थान मजबूत करणे.

🔑 परीक्षेच्या दृष्टीने IMP रिव्हिजन पॉईंट्स :

• प्रकल्प - देशातील पहिला सेमीकंडक्टर फॅब्रिकेशन (Chip Fab) प्लांट.

• स्थान - धोलेरा (Dholera), गुजरात.

• कंपनी - टाटा सेमीकंडक्टर मॅन्युफॅक्चरिंग (TSMPL).

• गुंतवणूक - 91,000 कोटी रुपये.

• रोजगार -अंदाजे 21,000 पदे.

• उद्देश - 'चिप' आयातीवरील अवलंबित्व कमी करणे आणि सामरिक सुरक्षा वाढवणे.

Yoga Mahotsav–2026

📚 Subject : GS

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) आशिया बुक ऑफ रेकॉर्ड्समध्ये नोंद झालेल्या 'योग महोत्सव 2026' चे आयोजन महाराष्ट्रातील कोणत्या जिल्ह्यात करण्यात आले होते ?

1. नाशिक

2. पुणे

3. नागपूर

4. बुलढाणा

उत्तर : बुलढाणा

📰 बातमी काय ? 

• आयुष मंत्रालयाच्या मोरारजी देसाई राष्ट्रीय योग संस्थेने महाराष्ट्रात बुलढाणा जिल्ह्यातल्या लोणार इथल्या छत्रपती शिवाजी महाराज उद्यान इथे 'योग महोत्सव–2026' चे आयोजन केले.

🎯 योग महोत्सव-2026 कार्यक्रमाचा तपशील आणि विक्रम : 

• ठिकाण - हा कार्यक्रम महाराष्ट्रातील बुलढाणा जिल्ह्यातील लोणार (Lonar) येथे आयोजित करण्यात आला होता.

• विक्रम - जवळपास 5,000 सहभागींनी एकत्रितपणे 'त्रिकोणासन' (Trikonasana) केल्यामुळे या कार्यक्रमाची नोंद 'आशिया बुक ऑफ रेकॉर्ड्स' (Asia Book of Records) मध्ये झाली आहे.

• कालावधी - हा कार्यक्रम आंतरराष्ट्रीय योग दिन 2026 च्या 75 दिवसांच्या उलटगणने चा (Countdown) भाग म्हणून आयोजित केला होता.

🤝 प्रमुख उपक्रम आणि मोहिमा : 

या महोत्सवात आयुष मंत्रालयाच्या काही महत्त्वाच्या फ्लॅगशिप उपक्रमांचे सादरीकरण करण्यात आले:

• विमान प्रवासासाठी योग (Yoga for Air Travel) - प्रवासादरम्यानचा थकवा दूर करण्यासाठी योगाचा वापर.

• असंसर्गजन्य रोगांसाठी 10 योग प्रोटोकॉल - कर्करोग, मधुमेह यांसारख्या असंसर्गजन्य (Non-Communicable) रोगांवर नियंत्रण मिळवण्यासाठी विशेष योगासने.

• योग 365 मोहीम - योगाला दैनंदिन जीवनाचा अविभाज्य भाग बनवण्यासाठी राबवलेली मोहीम.

🤔 आंतरराष्ट्रीय योग दिन (IDY) 2026 चा दृष्टिकोन : 

• आवृत्ती - 21 जून 2026 मध्ये होणारा हा 12 वा आंतरराष्ट्रीय योग दिन असेल.

• प्रमुख लक्ष - 2026 च्या योग दिनामध्ये असंक्रामक रोग (Non‑Communicable Diseases), वृद्ध व्यक्तींचे आरोग्य आणि कृत्रिम बुद्धिमत्ता (AI) व योग यांचा समन्वय यावर विशेष भर दिला जाईल.

🔑 परीक्षेच्या दृष्टीने IMP रिव्हिजन पॉईंट्स :

• ‘योग महोत्सव–2026’ आयोजन — लोणार, बुलढाणा

• आयोजन संस्था — मोरारजी देसाई राष्ट्रीय योग संस्था

• संबंधित मंत्रालय — आयुष मंत्रालय

• कार्यक्रम स्थळ — छत्रपती शिवाजी महाराज उद्यान

• विक्रम — सामूहिक त्रिकोणासन

• सहभाग — सुमारे 5,000 लोक

• नोंद — Asia Book of Records

Satellite Technology Day

📚 Subject : GS - दिनविशेष, विज्ञान आणि तंत्रज्ञान

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारतात उपग्रह तंत्रज्ञान दिन (Satellite Technology Day) केव्हा साजरी करतात ? 

1. 26 जानेवारी 

2. 13 एप्रिल

3. 19 एप्रिल

4. 1 मे

उत्तर : 19 एप्रिल

🛰️ उपग्रह तंत्रज्ञान दिन केव्हा आणि का साजरी करण्यात येतो ?

भारताचा पहिला उपग्रह आर्यभट्ट अवकाशात प्रक्षेपित (लॅान्च) करण्यात आला.

• या दिवशी भारताच्या अंतराळ संप्रेषण, वैज्ञानिक संशोधन आणि उपग्रह तंत्रज्ञान परिसंस्थेचा पाया रचला गेला.

• या ऐतिहासिक दिवसाचे महत्त्व ओळखून दरवर्षी 19 एप्रिल हा दिवस भारतात उपग्रह तंत्रज्ञान दिन (Satellite Technology Day) म्हणून साजरी करतात.

✍️ भारताचा पहिला उपग्रह आर्यभट्ट बद्दल परीक्षेसाठी IMP वनलाईनर पॉईंट्स : 

• या उपग्रहाचे नाव 5 व्या शतकातील भारतीय खगोलशास्त्रज्ञ आणि गणितज्ञ आर्यभट्ट यांच्या नावावरून ठेवण्यात आले.

• भारतीय अवकाश संशोधन संस्था (ISRO) ने हा उपग्रह बनवला होता आणि सोव्हिएट युनियनच्या (रशियाच्या) मदतीनं रशियातील कापुस्तिन यार (Kapustin Yar) येथून 19 एप्रिल 1975 रोजी अवकाशात प्रेक्षपित (लॅान्च) करण्यात आला.

• भारताकडे त्यावेळी स्वतःचे प्रक्षेपक (रॉकेट) नसल्यामुळे, सोव्हिएत युनियनच्या मदतीने तेथील 'कॉसमॉस-3 एम' (Kosmos-3M) या रॉकेटद्वारे आर्यभट्टचे प्रक्षेपण करण्यात आले होते.

• याचबरोबर आकाशात उपग्रह सोडणारा भारत जगातील 11 वा देश बनला.

• आर्यभट्ट उपग्रहाचे वजन 360 किलो ग्रॅम होते.

🧐 आर्यभट्ट उपग्रह काय काम करणार होता ?

🤔 आर्यभट्ट उपग्रहाचा उद्देश कोणता ?

• आर्यभट्ट उपग्रहाचा उद्देश एक्स-रे खगोलशास्त्र (X-ray Astronomy), वैमानिकीशास्त्रातील (Aeronomics) आणि सौर भौतिकशास्त्र (Solar Physics) यांवरील संशोधन करणे हा होता. जसे की, 

• पृथ्वीच्या आयनोस्फीअरमधील परिस्थितीचा शोध घेण्यासाठी, 

• सूर्यापासून येणारे न्यूट्रॉन आणि गॅमा किरणांचे मोजमाप करण्यासाठी आणि

• एक्स-रे खगोलशास्त्रातील तपास करण्यासाठी हा उपग्रह प्रेक्षपित करण्यात आला होता.

🔑 परीक्षेच्या दृष्टीने IMP रिव्हिजन पॉईंट्स : Satellite Technology Day

• उपग्रह तंत्रज्ञान दिन — 19 एप्रिल

• कारण — आर्यभट्ट उपग्रहाचे प्रक्षेपण (भारताचा पहिला उपग्रह) 

• प्रक्षेपण दिनांक — 19 एप्रिल 1975

• विकसित संस्था — Indian Space Research Organisation (ISRO)

• प्रक्षेपण मदत — सोव्हिएत युनियन (USSR)

• प्रक्षेपण स्थळ — Kapustin Yar (रशिया)

• प्रक्षेपण रॉकेट — Kosmos-3M

Vantara University

📚 Subject : GS - पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जगातील पहिले एकात्मिक वन्यजीव संवर्धन आणि पशुवैद्यकीय विद्यापीठ कोठे स्थापन करण्यात येत आहे ?

1. नागपूर, महाराष्ट्र

2. इडुक्की, केरळ

3. जामनगर, गुजरात

4. देहरादून उत्तराखंड

उत्तर : जामनगर, गुजरात

📰 बातमी काय ?

• वन्यजीव संवर्धन क्षेत्रातील ‘वनतारा' या वन्यजीव संवर्धन संस्थेने’ गुजरातमधील जामनगर येथे ‘Vantara University’ सुरू करण्याची घोषणा केली आहे.

🏛️ वनतारा संस्था स्थापना, संस्थापक , वैशिष्ट्ये : 

• स्थापना - रिलायन्स इंडस्ट्रीजचे कार्यकारी संचालक श्री. अनंत अंबानी यांच्या नेतृत्वाखालील 'वनतारा' या वन्यजीव संवर्धन संस्थेद्वारे या वनतारा विद्यापीठाची (Vantara University) स्थापना करण्याची घोषणा करण्यात आली आहे.

• स्थान - वनतारा विद्यापीठ गुजरात राज्यातील जामनगर येथे स्थापन केले जाणार आहे, जिथे वनताराची विशाल वन्यजीव पुनर्वसन परिसंस्था आधीच कार्यरत आहे.

• वैशिष्ट्य - वनतारा विद्यापीठ हे वन्यजीव संवर्धन, पशुवैद्यकीय औषध आणि प्राणी कल्याण यासाठी समर्पित जगातील पहिले एकात्मिक जागतिक विद्यापीठ (World’s First Integrated Global University) असेल.

✍️ शैक्षणिक व्याप्ती आणि अभ्यासक्रम : 

वनतारा विद्यापीठ केवळ पारंपारिक पशुवैद्यकीय शिक्षण न देता, वन्यजीवांच्या सर्वांगीण अभ्यासासाठी खालील क्षेत्रांत कार्यक्रम प्रदान करेल - 

1. वन्यजीव वैद्यक आणि शस्त्रक्रिया (Wildlife Medicine and Surgery)

2. संवर्धन विज्ञान आणि धोरण (Conservation Science and Policy)

3. अनुवंशशास्त्र (Genetics) आणि महामारी विज्ञान (Epidemiology)

4. वर्तणूक विज्ञान (Behavioural Science)

🎯 प्रमुख उद्दिष्टे (Objectives) : 

• व्यावसायिक मनुष्यबळ - भविष्यातील कुशल पशुवैद्य, संवर्धन शास्त्रज्ञ आणि वन्यजीव तज्ञ तयार करणे.

• पुनर्वसन - आधुनिक तंत्रज्ञानाचा वापर करून जखमी आणि लुप्तप्राय प्राण्यांचे संरक्षण आणि संवर्धन करणे.

• जागतिक केंद्र - वन्यजीव आणि पशुवैद्यकीय शिक्षणासाठी भारताला जगाचे केंद्र (Global Hub) म्हणून प्रस्थापित करणे.

🔑 परीक्षेच्या दृष्टीने IMP रिव्हिजन पॉईंट्स : Vantara University

• नाव - वंतारा विद्यापीठ

• ठिकाण - जामनगर, गुजरात

• संस्था - वनतारा 

• संस्थापक - श्री. अनंत अंबानी (Reliance).

• जागतिक दर्जा - जगातील पहिले एकात्मिक वन्यजीव विद्यापीठ.

• अभ्यासक्रम - वन्यजीव शस्त्रक्रिया, संवर्धन धोरण, अनुवंशशास्त्र इ.

• महत्त्व - वन्यजीव शिक्षणात भारताचे जागतिक नेतृत्व.

World Heritage Day

📚 Subject : GS - दिनविशेष

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी जागतिक वारसा दिन केव्हा साजरी करण्यात येतो ?

1. 14 एप्रिल

2. 18 एप्रिल

3. 1 मे

4. 5 जून

उत्तर : 18 एप्रिल

📰 बातमी काय ? 

• दरवर्षी जगभरात 18 एप्रिल या दिवशी जागतिक वारसा दिन (World Heritage Day) साजरा केला जातो.

⏳ जागतिक वारसा दिना बद्दल परीक्षेसाठी IMP माहिती :

• हा दिवस आंतरराष्ट्रीय स्मारके आणि स्थळे दिवस (International Day for Monuments and Sites) म्हणूनही ओळखला जातो.

• 1982 मध्ये आंतरराष्ट्रीय स्मारके आणि स्थळे परिषदेने (International Council on Monuments and Sites (ICOMOS)) 18 एप्रिल हा दिवस जागतिक वारसा दिन म्हणून साजरी करण्याची शिफारस केली.

• ही शिफारस 1983 मध्ये UNESCO ने मंजूर केली.

🤔 जागतिक वारसा स्थळे म्हणजे नेमकं काय ? 

• जागतिक वारसा स्थळे (World Heritage Sites) ही अशी ठिकाणे आहेत जी मानवतेसाठी त्यांच्या उत्कृष्ट वैश्विक मूल्यासाठी ओळखली जातात.

• ही स्थळे भविष्यातील पिढ्यांसाठी संरक्षण आणि जतन करण्यासाठी जागतिक वारसा यादीत समाविष्ट केलेली आहेत.

• ही स्थळे युनेस्को द्वारे प्रशासित आंतरराष्ट्रीय करारानुसार कायदेशीर संरक्षण असलेले महत्त्वाचे स्थळे आणि क्षेत्रे आहेत.

🧐 जागतिक वारसा दिन (World Heritage Day) का साजरी करतात ? 

• हा दिवस जागतिक स्तरावर सांस्कृतिक आणि नैसर्गिक वारसा स्थळांचे महत्त्व आणि त्यांच्या संरक्षणाचे महत्त्व अधोरेखित करण्यासाठी साजरा केला जातो.

• जगभरातील मानवी इतिहासाशी संबंधित ऐतिहासिक, सांस्कृतिक आणि नैसर्गिक स्थळांचे जतन करणे आणि त्यासंदर्भात जनजागृती करणे हे या दिवसाचे उद्दिष्ट आहे.

✍️ भारतात किती जागतिक वारसा स्थळे आहेत ? 

• जागतिक वारसा स्थळांच्या संख्येत भारताचा जागतिक स्तरावर 6 वा क्रमांक लागतो.

• भारतात 44 युनेस्को जागतिक वारसा स्थळे आहेत.

• त्यांपैकी 36 ही सांस्कृतिक (Cultural) , 7 ही नैसर्गिक (Natural) तर 1 मिश्र (Mixed) स्थळे आहेत.

🎯 जागतिक वारसा दिन 2026 ची संकल्पना (थीम) कोणती ?

• "संघर्ष आणि आपत्तींच्या संदर्भात जिवंत वारशासाठी आपत्कालीन प्रतिसाद" (Emergency Response for Living Heritage in Contexts of Conflicts and Disasters) ही यंदाची संकल्पना आहे.

• ही थीम नैसर्गिक आपत्ती किंवा मानवनिर्मित संघर्षाच्या (युद्ध/दंगल) काळात ऐतिहासिक स्थळे, परंपरा आणि सांस्कृतिक वारशाचे रक्षण करण्यावर भर देते

🔑 परीक्षेच्या दृष्टीने IMP रिव्हिजन पॉईंट्स : World Heritage Day

• जागतिक वारसा दिन — 18 एप्रिल

• दुसरे नाव — आंतरराष्ट्रीय स्मारके आणि स्थळे दिवस

• उद्देश — सांस्कृतिक आणि नैसर्गिक वारशाचे संरक्षण

• 2026 थीम — "संघर्ष आणि आपत्तींच्या संदर्भात जिवंत वारशासाठी आपत्कालीन प्रतिसाद"

What is Nationalization of Banks in India ?

📚 Subject : GS - अर्थशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 19 जुलै 1969 रोजी किती प्रमुख खाजगी बँकांचे राष्ट्रीयीकरण करण्यात आले होते ?

1. 6

2. 10

3. 12

4. 14

उत्तर : 14

📰 बातमी काय ?

• भारतातील आर्थिक व्यवस्थापन, वित्तीय समावेशन आणि बँकिंग क्षेत्रातील सुधारणा यांमध्ये शासनाच्या भूमिकेवरील चर्चांमध्ये 1969 च्या बँक राष्ट्रीयीकरणाच्या धोरणाचा सातत्याने आढावा घेतला जातो.

• पाच दशकांहून अधिक काळानंतरही, हा एक असा ऐतिहासिक निर्णय मानला जातो, ज्याने भारतीय बँकिंग प्रणालीची रचना, व्याप्ती आणि उद्देश यामध्ये आमूलाग्र बदल घडवून आणला.

🏛️ बँकांचे राष्ट्रीयीकरण म्हणजे काय ?

• बँकांचे राष्ट्रीयीकरण म्हणजे खाजगी क्षेत्रातील बँकांची मालकी आणि नियंत्रण (Management) सरकार आपल्या हातात घेते, ज्याद्वारे त्या सार्वजनिक क्षेत्रातील (Public Sector) बँका बनतात.

• या प्रक्रियेत, सरकार या बँकांचा बहुसंख्य भागधारक (Majority Shareholder) बनते, ज्यामुळे बँकांचे ध्येय नफ्यापेक्षा सामाजिक कल्याण आणि ग्रामीण विकास हे बनते.

⏳ बँक राष्ट्रीयीकरणाचे टप्पे :

1) भारतीय स्टेट बँक(1955) - 'इम्पीरियल बँक ऑफ इंडिया' (Imperial Bank of India) चे राष्ट्रीयीकरण करून तिचे भारतीय स्टेट बँक (SBI) मध्ये रूपांतर करण्यात आले.

2) पहिला टप्पा (19 जुलै 1969) - हा सर्वात महत्त्वाचा टप्पा होता. इंदिरा गांधी सरकारने 50 कोटी रुपयांपेक्षा जास्त ठेवी असलेल्या 14 प्रमुख खाजगी बँकांचे राष्ट्रीयीकरण केले.

3) दुसरा टप्पा (1980) - या टप्प्यात आणखी 6 बँकांचे राष्ट्रीयीकरण करण्यात आले, ज्यामुळे बँकिंग क्षेत्रावर सरकारचे वर्चस्व अधिक दृढ झाले.

🎯 बँक राष्ट्रीयीकरणाचे मुख्य उद्दिष्टे कोणती ?

• ग्रामीण विस्तार - नफाखोर खाजगी बँकांनी दुर्लक्षित केलेल्या ग्रामीण आणि निमशहरी भागात बँकिंग सेवा पोहोचवणे.

• प्राधान्य क्षेत्र कर्जपुरवठा - शेती, लघु उद्योग आणि स्वयंरोजगार यांसारख्या महत्त्वाच्या पण कमकुवत क्षेत्रांना कर्ज उपलब्ध करून देणे.

• संपत्तीचे केंद्रीकरण रोखणे - मोजक्या औद्योगिक घराण्यांकडील संपत्तीचे केंद्रीकरण कमी करून संसाधनांचा वापर राष्ट्रीय विकासासाठी करणे.

• पंतप्रधान योजनांना पाठबळ - पंचवार्षिक योजना आणि पायाभूत सुविधा प्रकल्पांसाठी सार्वजनिक बचतीचा थेट वापर करणे.

✍️ बँक राष्ट्रीयीकरणाचे वैशिष्ट्ये आणि महत्त्व :

• 50 कोटींची मर्यादा - 1969 मध्ये 50 कोटींहून अधिक ठेवी असलेल्या बँका निवडल्या गेल्या, ज्यांनी त्यावेळच्या बँकिंग व्यवसायाचा 85% ते 90% हिस्सा व्यापला होता.

• परदेशी बँकांना वगळले - तज्ज्ञांच्या सल्ल्यानुसार परदेशी मालकीच्या बँकांना या प्रक्रियेतून बाहेर ठेवण्यात आले.

• सावकारी जाळ्यातून सुटका - गावागावात बँकांच्या शाखा उघडल्या गेल्यामुळे स्थानिक सावकारांची पकड सैल होण्यास मदत झाली.

• हरित क्रांतीला बळ - शेतकऱ्यांना थेट कर्ज पुरवठा झाल्यामुळे उच्च उत्पन्न देणाऱ्या वाणांचा (High-Yielding Varieties) स्वीकार करणे सोपे झाले, ज्यामुळे हरित क्रांती यशस्वी झाली.

🔑 परीक्षेच्या दृष्टीने IMP रिव्हिजन पॉईंट्स : Nationalisation of Banks

• बँक राष्ट्रीयीकरण — सरकारी मालकीखाली बँका आणणे 

• पहिला टप्पा — 1955 (Imperial Bank → SBI)

• दुसरा टप्पा — 19 जुलै 1969 (14 बँकांचे राष्ट्रीयीकरण)

• तिसरा टप्पा — 1980 (6 बँकांचे राष्ट्रीयीकरण)

• उद्देश —

ㅤㅤㅤ‣ ग्रामीण बँकिंग विस्तार

ㅤㅤㅤ‣ शेतकरी व लघुउद्योग कर्ज

ㅤㅤㅤ‣ आर्थिक विषमता कमी करणे