International Zero Waste Day 

📚 Subject : GS - दिनविशेष, पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 'आंतरराष्ट्रीय शून्य कचरा दिवस' (International Zero Waste Day ) कधी साजरा केला जातो ?

1. 8 मार्च

2. 30 मार्च

3. 2 एप्रिल

4. 5 जून

उत्तर : 30 मार्च

• जगभरात दरवर्षी 30 मार्च हा दिवस आंतरराष्ट्रीय शून्य कचरा दिवस (International Zero Waste Day) म्हणून साजरा करतात. 

🤔 'आंतरराष्ट्रीय शून्य कचरा दिवस' का साजरी करतात ? 

• दरवर्षी, जगात 2.1 अब्ज ते 2.3 अब्ज टन घनकचरा निर्माण होतो.

• यात कापड आणि पॅकेजिंगपासून ते इलेक्ट्रॉनिक्स, प्लास्टिक आणि अन्नापर्यंत कचऱ्याचा समावेश आहे. 

• जागतिक कचरा व्यवस्थापन सेवा या प्रचंड कचऱ्याचे व्यवस्थापन करण्यासाठी अपुरी आहेत. 

• जगभरात 2.7 अब्ज लोकांना घनकचरा संकलनाची सुविधा उपलब्ध नाही आणि ते विल्हेवाटीसाठी खुल्या डंपसाईट्सवर अवलंबून आहेत.

• कचरा कमी करण्यासाठी आणि पर्यावरणाची काळजी घेण्यासाठी

कचरा व्यवस्थापनाचे महत्त्व आणि त्याबद्दल जनजागृती करण्यासाठी 'आंतरराष्ट्रीय शून्य कचरा दिवस' साजरा करतात. 

• जागतिक स्तरावर कचरा व्यवस्थापनाला चालना देण्याचे महत्त्व आणि शाश्वत उपभोग आणि उत्पादन पद्धतींना प्रोत्साहन देण्याची आवश्यकता या दोन्ही गोष्टींवर हा दिवस प्रकाश टाकतो.

• प्लास्टिक आणि इतर हानिकारक कचरा कमी करण्यासाठी उपाययोजनांबद्दल जागरूकता निर्माण करणे, वस्तूंच्या पुनर्वापराला प्रोत्साहन देणे हे या दिवसाचे उद्दिष्ट आहे. 

• शून्य-कचरा उपक्रम 2030 च्या शाश्वत विकासाच्या (Sustainable Development Goals) अजेंडाशी सुसंगत आहेत.

🤔 आंतरराष्ट्रीय शून्य कचरा दिवसाचा ठराव कोणत्या देशाच्या पुढाकाराने मांडण्यात आला ?  

• जगभरात शून्य-कचरा उपक्रमांना प्रोत्साहन देण्यासाठी आंतरराष्ट्रीय शून्य कचरा दिवसाचा ठराव तुर्की या देशाच्या पुढाकाराने 105 देशांच्या पाठिंब्याने संयुक्त राष्ट्रांच्या महासभेत मांडला गेला. 

• संयुक्त राष्ट्रांच्या महासभेने 14 डिसेंबर 2022 रोजी हा ठराव मंजूर केला, ज्यामध्ये 30 मार्च हा दिवस आंतरराष्ट्रीय शून्य कचरा दिवस म्हणून घोषित करण्यात आला.

1️⃣ पहिला 'आंतरराष्ट्रीय शून्य कचरा दिवस' केव्हा साजरी करण्यात आला ? 

• 30 मार्च 2023 रोजी पहिला 'आंतरराष्ट्रीय शून्य कचरा दिवस' साजरी करण्यात आला. 

'आंतरराष्ट्रीय शून्य कचरा दिवस' 2026 ची संकल्पना थीम काय आहे ? 

• 'आंतरराष्ट्रीय शून्य कचरा दिवस' 2026 ची मुख्य संकल्पना (थीम) "अन्न नासाडी" (Food Waste) ही आहे. 

• 2026 सालासाठी या दिनाचे विशेष लक्ष अन्नाची नासाडी रोखण्यावर केंद्रित करण्यात आले आहे. 

• या मोहिमेचा मुख्य संदेश "शून्य कचऱ्याची सुरुवात तुमच्या ताटापासून होते" (Zero waste starts on your plate) हा आहे.

🔑 परीक्षेच्या दृष्टीने IMP रिव्हिजन पॉईंट्स : International Zero Waste Day

• आंतरराष्ट्रीय शून्य कचरा दिवस — 30 मार्च

• संयुक्त राष्ट्रांची मंजूरी — 2022

• ठराव मांडणारा प्रमुख देश — तुर्की

• पहिला शून्य कचरा दिवस — 30 मार्च 2023

• 2026 थीम — Food Waste (अन्न नासाडी रोखणे)

What is 'Payments Vision 2028'?

📚 Subject : GS - अर्थशास्त्र - बॅंकिंग

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ‘पेमेंट्स व्हिजन 2028’ हा नवा धोरणात्मक आराखडा खालीलपैकी कोणत्या संस्थेने जाहीर केला आहे ?

1) केंद्रीय अर्थ मंत्रालय

2) भारतीय रिझर्व्ह बँक (RBI)

3) नीती आयोग (NITI Aayog)

4) भारतीय प्रतिभूती आणि विनिमय मंडळ (SEBI)

उत्तर : भारतीय रिझर्व्ह बँक (RBI)

📰 बातमी काय ?

• Reserve Bank of India ने ‘पेमेंट्स व्हिजन 2028’ (Payments Vision 2028) हा नवा धोरणात्मक आराखडा जाहीर केला आहे, ज्यामध्ये डिजिटल पेमेंट प्रणाली अधिक सुरक्षित आणि विश्वासार्ह करण्यावर भर देण्यात आला आहे.

🤔 ‘Payments Vision 2028’ म्हणजे काय ?

• हा एक व्यापक धोरणात्मक आराखडा (Policy Roadmap) आहे, जो भारतातील पेमेंट प्रणालींच्या पुढील विकासासाठी दिशा ठरवतो.

• पूर्वीचा फोकस “सर्वांपर्यंत पोहोच” (4Es) होता, पण आता लक्ष विश्वास (Trust), सुरक्षा आणि जागतिक स्तरावर विस्तार यावर केंद्रित करण्यात आले आहे.

• भारतीय रिझर्व्ह बँकेने (RBI) या दस्तऐवजाचे (Document) नाव ‘शेपिंग इंडियाज पेमेंट फ्रंटियर’ (Shaping India’s Payment Frontier) असे ठेवले आहे.

🎯 हा बदल का महत्त्वाचा आहे ?

• भारतामध्ये डिजिटल पेमेंट्स वेगाने वाढत आहेत, पण त्यासोबत फसवणूक आणि सायबर धोकेही वाढले आहेत.

• म्हणूनच आता फक्त वापर वाढवणे पुरेसे नाही, तर

👉 सुरक्षितता

👉 वापरकर्त्यांचा विश्वास

👉 प्रणालीची स्थिरता

यावर भर देणे आवश्यक झाले आहे.

⚙️ या धोरणात काय नवीन आहे ? 

✍️ या आराखड्यात पेमेंट प्रणाली अधिक सुरक्षित, सोपी आणि प्रगत करण्यासाठी अनेक सुधारणा सुचवण्यात आल्या आहेत.

• Account Portability (PaSS) : ग्राहकांनी बँक बदलली तरी त्यांच्या पेमेंट सूचना सहज transfer करता येतील

• User Control (Switch On/Off) : UPI, IMPS सारख्या सेवांवर स्वतः नियंत्रण ठेवता येईल, ज्यामुळे फसवणूक कमी होईल

• Shared Liability : ग्राहकांच्या संरक्षणासाठी, फसवणूक झाल्यास किंवा अनधिकृत व्यवहारांसाठी, व्यवहार जारी करणारी बँक आणि लाभार्थी बँक या दोघीही जबाबदारी वाटून घेणारे एक नवीन जबाबदारी मॉडेल असेल.

• Cyber सुरक्षा (KRI) : सायबर धोके ओळखण्यासाठी early warning system विकसित केला जाईल

• TReDS Interoperability : MSME साठी कर्ज मिळणे सोपे करण्यासाठी unified प्रणाली

• Cross-border सुधारणा : आंतरराष्ट्रीय व्यवहार अधिक जलद आणि स्वस्त करण्यावर भर

• AI वापर : डेटा विश्लेषणासाठी AI आधारित प्रणाली तयार केली जाणार

• E-cheque : पारंपरिक चेक प्रणालीला डिजिटल स्वरूपात बदलण्याचा प्रयत्न

🎯 ‘पेमेंट्स व्हिजन 2028’ चे महत्त्व काय आहे ?

• जागतिक नेतृत्व : भारत रिअल-टाइम डिजिटल पेमेंटमध्ये जागतिक नेता म्हणून आपले स्थान टिकवून ठेवेल.

• पारदर्शकता : AI-आधारित पेमेंट डेटा रिपॉझिटरीमुळे संशोधनासाठी आणि धोरण निर्मितीसाठी अचूक माहिती उपलब्ध होईल.

• मेक इन इंडियाला चालना : MSME क्षेत्राला मिळणाऱ्या तरलतेमुळे (Liquidity) छोट्या उद्योगांना मोठा आधार मिळेल.

🔑 परीक्षेच्या दृष्टीने IMP रिव्हिजन पॉईंट्स :

• Payments Vision 2028 — RBI चा धोरणात्मक आराखडा

• आराखड्याचे नाव — ‘शेपिंग इंडियाज पेमेंट फ्रंटियर’

• लक्ष्य — विश्वास + सुरक्षितता + जागतिक विस्तार

• E-cheque — डिजिटल चेक

• आंतरराष्ट्रीय व्यवहार अधिक जलद आणि स्वस्त

• UPI, IMPS सारख्या सेवांवर कस्टमरचे नियंत्रण

Rajasthan Day

📚 Subject : GS - दिनविशेष, राज्यशास्त्र, भूगोल - पर्यटन

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राजस्थान राज्य स्थापना दिन केव्हा असतो ?  

1. 21 जानेवारी

2. 30 मार्च

3. 1 एप्रिल

4. 1 मे 

उत्तर : 30 मार्च

🎯 राजस्थान राज्या बद्दल परीक्षेसाठी IMP वनलाईनर पॉईंट्स : 

• दरवर्षी 30 मार्च रोजी राजस्थान राज्य स्थापना दिन साजरा केला जातो.  

• राजस्थानची अधिकृत स्थापना 30 मार्च 1949 रोजी झाली.

• देशात आणि जगात राजस्थानला वीरांची भूमी म्हणूनही ओळखले जाते.

• राजस्थानला राजांची भूमी (Land of Kings) म्हणूनही ओळखले जाते. 

• पृथ्वीराज चौहान, महाराणा प्रताप, राणा सांगा, राणा कुंभ यांसारख्या योद्ध्यांचा आणि वीरांचा इतिहास राजस्थानने जतन केला आहे.  

• हळदी खोऱ्यातील लढाया, चित्तोड, खानवा, तराईन आणि रणथंभोरच्या लढाया राजस्थानच्या भूमीवर लढल्या गेल्या.  

• राजस्थान आपल्या ऐतिहासिक किल्ले, राजवाडे, कला आणि संस्कृतीसाठी पर्यटकांना आकर्षित करते.

• लोकप्रिय पर्यटन स्थळ असलेले जयपूर या शहराला गुलाबी शहर म्हणूनही ओळखले जाते.

🤔 राजस्थानचे जुने नाव काय आहे ? 

• राजपुताना हे राजस्थान राज्याचे जुने नाव आहे. 

• स्वातंत्र्यापूर्वी, ब्रिटिश राजवटीत हा प्रदेश राजपुताना म्हणून ओळखला जात असे.

🇮🇳 क्षेत्रफळाच्या दृष्टीने भारतातील सर्वात मोठे राज्य कोणते ? 

(सरळसेवा भरती, पोलीस भरती, वनरक्षक भरती, रेल्वे, MPSC, NTPC 2016)

• क्षेत्रफळाच्या दृष्टीने राजस्थान हे भारतातील सर्वात मोठे राज्य आहे.

🧐 राजस्थानची राजधानी कोणती ? 

• जयपूर ही राजस्थानची राजधानी आहे. 

• जयपूर या शहराला गुलाबी शहर (Pink City) म्हणूनही ओळखले जाते.

• महाराजा सवाई जयसिंग द्वितीय (Maharaja Sawai Jai Singh II) यांनी 18 नोव्हेंबर 1727 रोजी जयपूर शहराची स्थापना केली.

🧐 भारतातील कोणत्या शहराला सुवर्णनगरी (Golden City) म्हणतात ?

• राजस्थानातील जैसलमेर या शहराला भारतातील सुवर्णनगरी म्हणतात.  

🖌️ सिंधू संस्कृतीचे प्राचीन कालीबंगा (Kalibangan) स्थळ भारतातील कोणत्या राज्यात आहे ? 

• कालीबंगा हे राजस्थानच्या हनुमानगड जिल्ह्यात घग्गर नदीच्या काठावर आहे. 

• कालीबंगा हे नाव काली आणि बांगन या दोन शब्दांपासून बनले आहे. 

• कालीबंगा (काळी बांगडी) : काली म्हणजे काळा आणि बंगा म्हणजे बांगडी.

🎭 घुमर कोणत्या राज्यातील लोकनृत्य आहे ? 

(सरळसेवा भरती, पोलीस भरती, वनरक्षक भरती, रेल्वे) 

घुमर नृत्य हे राजस्थानातील एक प्रसिद्ध लोकनृत्य आहे, जे विशेषतः महिला सादर करतात.

🌳 केवलादेव घाना राष्ट्रीय उद्यान कोणत्या राज्यात आहे ? 

(सरळसेवा भरती, वनरक्षक भरती, रेल्वे, MPSC, NTPC 2021)

• केवलादेव घाना राष्ट्रीय उद्यान राजस्थान राज्यात आहे.

• केवलादेव राष्ट्रीय उद्यान हे राजस्थानमधील भरतपूर येथे स्थित एक पाणथळ जागा आणि पक्षी अभयारण्य आहे.

• केवलादेव राष्ट्रीय उद्यान हे आंतरराष्ट्रीय महत्त्वाचे रामसर स्थळ (पाणथळ क्षेत्र) आहे. 

• केवलादेव राष्ट्रीय उद्यान पक्ष्यांच्या प्रजातींसाठी युनेस्कोचे जागतिक वारसा स्थळ म्हणून प्रसिद्ध आहे. 

🔑 परीक्षेच्या दृष्टीने IMP रिव्हिजन पॉईंट्स : राजस्थान

• राजस्थान राज्याची स्थापना — 30 मार्च 1949  

• राजस्थान — क्षेत्रफळाच्या दृष्टीने भारतातील सर्वात मोठे राज्य

• राजपुताना — राजस्थानचे जुने नाव 

• राजधानी — जयपूर (गुलाबी शहर)

• जयपूर शहराची स्थापना — महाराजा सवाई जयसिंग द्वितीय (1727)

• प्रसिद्ध लोकनृत्य — घुमर

Tunguska Air Defence Missile System

📚 Subject : GS - संरक्षण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच भारताने ------- देशासोबत सुमारे 445 कोटी रुपयांचा करार करून ‘तुंगुस्का’ (Tunguska) हवाई संरक्षण प्रणाली खरेदी करण्याचा निर्णय घेतला.

1. रशिया

2. अमेरिका

3. इस्राईल

4. फ्रान्स

उत्तर : रशिया

📰 बातमी काय ?

• भारताच्या संरक्षण मंत्रालयाने रशियाच्या 'JSC रोसोबोरोनएक्सपोर्ट' (JSC Rosoboronexport) सोबत सुमारे 445 कोटी रुपयांचा करार करून ‘तुंगुस्का’ हवाई संरक्षण प्रणाली खरेदी करण्याचा निर्णय घेतला आहे.

🚀 'तुंगुस्का एअर डिफेन्स मिसाईल सिस्टिम' काय आहे ?

• ‘तुंगुस्का’ (2K22M) ही एक स्वयंचलित (Self-Propelled) हवाई संरक्षण प्रणाली (Air Defence Missile System) आहे.

• ही एक 'हायब्रीड' प्रणाली आहे, यामध्ये एकाच वाहनावर क्षेपणास्त्रे (missiles) आणि तोफा (guns) दोन्ही बसवलेले असतात.

• लांब अंतरासाठी क्षेपणास्त्रे (Missiles) वापरते.

• जवळच्या लक्ष्यांसाठी वेगवान तोफा (Autocannons) वापरते.

• म्हणूनच ती कमी उंचीवर उडणाऱ्या शत्रूंच्या लक्ष्यांवर प्रभावीपणे हल्ला करू शकते.

🎯 ही प्रणाली का महत्त्वाची आहे ?

• आधुनिक युद्धामध्ये ड्रोन, हेलिकॉप्टर आणि कमी उंचीवर उडणाऱ्या क्षेपणास्त्रांचा वापर वाढला आहे.

• ‘तुंगुस्का’ प्रणाली विशेषतः अशा कमी उंचीच्या धोक्यापासून (Low-Altitude Threats) सैन्याचे संरक्षण करण्यासाठी तयार करण्यात आली आहे.

⚙️ मुख्य तांत्रिक वैशिष्ट्ये :

• Dual System (Missile + Gun): 9M311 क्षेपणास्त्रे आणि 30mm तोफा — दोन्हींचा एकत्र वापर

• रडार प्रणाली : 360° रडार सुमारे 18 किमी अंतरावर लक्ष्य ओळखू शकतो

• ऑप्टिकल बॅकअप : शत्रूने रडार जॅम केले तरी ऑप्टिकल ट्रॅकिंगद्वारे ही प्रणाली कार्य करू शकते.

🇮🇳 भारतासाठी महत्त्व : 

• ड्रोन युद्धाला उत्तर : सध्याच्या युद्धनीतीत ड्रोन्सचा वापर वाढला आहे, अशा वेळी तुंगुस्काची रॅपिड-फायर गन स्वस्त आणि प्रभावी उपाय ठरते.

• मोबाईल संरक्षण : लष्कराचे रणगाडे आणि तुकड्या जेव्हा हालचाल करत असतात, तेव्हा त्यांना फिरते हवाई संरक्षण कवच मिळते.

• भारताच्या बहुस्तरीय (Multi-layered) हवाई संरक्षण जाळ्याला यामुळे अधिक बळकटी मिळणार आहे.

🔑 परीक्षेच्या दृष्टीने IMP रिव्हिजन पॉईंट्स : Tunguska Air Defence Missile System

• तुंगुस्का प्रणाली — हवाई संरक्षण प्रणाली

• प्रकार — हायब्रीड (Missile + Gun)

• करार — ₹445 कोटी (भारत–रशिया)

• कंपनी — JSC Rosoboronexport

• लक्ष्य — कमी उंचीवरील धोके (ड्रोन, हेलिकॉप्टर)

Maharashtra Freedom of Religion Bill 2026

📚 Subject : GS - राज्यशास्त्र - कायदे (विधेयक)

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ‘महाराष्ट्र धर्म स्वातंत्र्य विधेयक 2026’ चा मुख्य उद्देश काय आहे ?

1. सर्व धर्मांचे प्रचार प्रोत्साहित करणे

2. धार्मिक संस्थांना अनुदान देणे

3. नवीन धार्मिक स्थळांची उभारणी करणे

4. बळजबरी, फसवणूक किंवा प्रलोभनाद्वारे होणारे धर्मांतर रोखणे

उत्तर : बळजबरी, फसवणूक किंवा प्रलोभनाद्वारे होणारे धर्मांतर रोखणे

📰 बातमी काय ?

• मुख्यमंत्री श्री. देवेंद्र फडणवीस यांच्या नेतृत्वाखाली सरकारने विधिमंडळात ‘महाराष्ट्र धर्म स्वातंत्र्य विधेयक 2026‘ हे विधेयक मांडले.

• मुख्य उद्देश - बळजबरीने, फसवणुकीने, प्रलोभन दाखवून किंवा विवाहाच्या बहाण्याने केले जाणारे 'बेकायदेशीर धर्मांतर' रोखणे हा या विधेयकाचा मुख्य उद्देश आहे. 

महत्त्वाच्या तरतुदी (Key Provisions) : 

• पूर्वसूचना (Notice) : धर्मांतर करू इच्छिणाऱ्या व्यक्तीला आणि धर्मांतर आयोजित करणाऱ्या संस्थेला किमान 60 दिवस आधी जिल्हा दंडाधिकाऱ्यांना (District Magistrate) लेखी नोटीस देणे अनिवार्य आहे.

• नोंदणी (Registration) : धर्मांतर झाल्यानंतर 21 दिवसांच्या आत जिल्हा दंडाधिकाऱ्यांकडे तशी घोषणा (Declaration) करणे आवश्यक आहे.

• बदल्याचा पुरावा (Burden of Proof) : धर्मांतर हे स्वेच्छेने आणि कोणत्याही दबावाशिवाय झाले आहे, हे सिद्ध करण्याची जबाबदारी धर्मांतर करणाऱ्यावर किंवा त्याला मदत करणाऱ्या आरोपीवर असेल.

• तक्रारदार : बेकायदेशीर धर्मांतराबाबतची तक्रार धर्मांतरित व्यक्ती स्वतः, तिचे आई-वडील, भाऊ, बहीण किंवा रक्ताने, विवाहाने अथवा दत्तक विधानाने संबंधित असलेली कोणतीही व्यक्ती पोलीस ठाण्यात नोंदवू शकते.

• गुन्ह्याचे स्वरूप : हे गुन्हे दखलपात्र (Cognisable) आणि अजामीनपात्र (Non-bailable) असतील.

विवाह आणि अपत्य :

• केवळ धर्मांतरासाठी केलेला विवाह न्यायालय अवैध (Null and Void) ठरवू शकते.

• अशा विवादास्पद विवाहातून जन्माला आलेल्या मुलाचा धर्म हा त्याच्या आईच्या लग्नापूर्वीचा मूळ धर्म मानला जाईल.

• या विधेयकाच्या माध्यमातून पीडित व्यक्तींना फक्त न्यायच नाही, तर त्यांच्या पुनर्वसनासाठी राज्य सरकारकडून आर्थिक मदत आणि मुलांच्या ताब्याविषयीचे कायदेशीर संरक्षणही दिले जाणार आहे.

शिक्षा आणि दंड (Penalties) : 

1) सर्वसाधारण गुन्हे : बेकायदेशीर धर्मांतर केल्यास 7 वर्षांचा तुरुंगवास आणि 1 लाख रुपयांपर्यंत दंड होऊ शकतो.

2) अल्पवयीन, महिला आणि SC/ST : जर धर्मांतर करणारी व्यक्ती अल्पवयीन, महिला किंवा अनुसूचित जाती-जमातीमधील असेल, तर 7 वर्षांपर्यंतचा तुरुंगवास आणि 5 लाख रुपयांपर्यंत दंडाची तरतूद आहे.

3) सामूहिक धर्मांतर : एकाच वेळी दोन किंवा अधिक व्यक्तींचे धर्मांतर केल्यास 10 वर्षांपर्यंत कारावास आणि ₹5 लाख दंड होऊ शकतो.

4) पुनरावृत्ती : वारंवार अशा प्रकारचे गुन्हे करणाऱ्या संस्था किंवा व्यक्तींना 10 वर्षांचा तुरुंगवास आणि ₹5 लाख दंडाची शिक्षा आहे. 

📖 मूलभूत हक्क - कलम 25 : 

• भारतीय राज्यघटनेने प्रत्येक नागरिकाला आपल्या धर्माचे पालन करण्याचे, आचरण करण्याचे आणि प्रसार करण्याचे स्वातंत्र्य दिले आहे. 

• बळजबरीने किंवा फसवणूक करून केलेले धर्मांतर या कलमांतर्गत बेकायदेशीर मानले जाते, केवळ स्वेच्छेने धर्म बदलण्याचे स्वातंत्र्य आहे.

⚖️ न्यायालयीन घटला : 

• सर्वोच्च न्यायालयाने 'स्टॅनिस्लॉस विरुद्ध मध्य प्रदेश' (1977) खटल्यात (Stanislaus vs State of Madhya Pradesh ,1977 case ) स्पष्ट केले आहे की, धर्माच्या प्रसाराच्या अधिकारात दुसऱ्याचे 'बळजबरीने धर्मांतर' करण्याच्या अधिकाराचा समावेश होत नाही.

इतर महत्त्वाची माहिती :

• असा कायदा करणारे महाराष्ट्र हे पहिले राज्य नाही.

• यापूर्वी ओडिशा, राजस्थान, मध्य प्रदेश, गुजरात, उत्तर प्रदेश आणि कर्नाटक यांसारख्या राज्यांनी अशा प्रकारचे कायदे केले आहेत.

🔑 परीक्षेच्या दृष्टीने IMP रिव्हिजन पॉईंट्स :

• महाराष्ट्र धर्म स्वातंत्र्य विधेयक — 2026

• उद्देश — बळजबरी/फसवणूक धर्मांतर रोखणे

• पूर्वसूचना — 60 दिवस (DM कडे नोटीस)

• नोंदणी — 21 दिवस (घोषणा आवश्यक)

• गुन्हा स्वरूप — दखलपात्र + अजामीनपात्र

• पुराव्याची जबाबदारी — धर्मांतर करणाऱ्यावर

• संविधान आधार — कलम 25 (धर्म स्वातंत्र्य)

• न्यायालयीन निर्णय — 'स्टॅनिस्लॉस विरुद्ध मध्य प्रदेश' (1977) खटला

Who is the new Chairman of National Commission for Backward Classes (NCBC) ?

Subject : GS - राज्यशास्त्र - आयोग

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) मार्च 2026 मध्ये राष्ट्रीय मागासवर्ग आयोगाच्या (NCBC) अध्यक्षपदी कोणाची नियुक्ती करण्यात आली आहे ?

1. प्रणिती शिंदे

2. साध्वी निरंजन ज्योती

3. अश्विनी भिडे

4. लोकेश कुमार प्रजापती

उत्तर : साध्वी निरंजन ज्योती

बातमी काय ?

• साध्वी निरंजन ज्योती यांनी राष्ट्रीय मागासवर्ग आयोगाच्या (NCBC) अध्यक्षपदाचा पदभार स्वीकारला.

• किरण उमेश महाले यांनी राष्ट्रीय मागासवर्ग आयोगाच्या (NCBC) सदस्यपदाचा कार्यभार स्वीकारला.

राष्ट्रीय मागासवर्ग आयोग म्हणजे काय ?

• राष्ट्रीय मागासवर्ग आयोग (NCBC) ही सामाजिक आणि शैक्षणिकदृष्ट्या मागासलेल्या वर्गांच्या (OBC) हक्कांचे संरक्षण करण्यासाठी आणि त्यांच्या प्रगतीसाठी काम करणारी एक घटनात्मक संस्था आहे, 

• जी मूळतः 1993 मध्ये वैधानिक संस्थेच्या रूपात स्थापन झाली होती.

राष्ट्रीय मागासवर्ग आयोग ही घटनात्मक संस्था आहे का ?

Is the National Commission for Backward Classes (NCBC) a constitutional body ?

• होय, राष्ट्रीय मागासवर्ग आयोग (NCBC) ही घटनात्मक संस्था आहे.

• सुरुवातीला NCBC ची स्थापना 1993 च्या अधिनियमानुसार करण्यात आली होती.

• 2018 मध्ये 102 व्या घटनादुरुस्ती कायद्याने (102nd Constitutional Amendment) राष्ट्रीय मागासवर्ग आयोगाला घटनात्मक दर्जा (Constitutional Status) देण्यात आला.

• या घटनादुरुस्तीमुळे भारतीय संविधानात कलम 338B आणि 342A समाविष्ट करण्यात आले.

• त्यामुळे सामाजिक व शैक्षणिकदृष्ट्या मागास वर्गांच्या हितसंबंधांचे संरक्षण करण्यासाठी NCBC ला घटनात्मक अधिकार मिळाले.

राष्ट्रीय मागासवर्ग आयोगाची रचना : 

• एकूण सदस्य : 5

• अध्यक्ष, उपाध्यक्ष आणि इतर 3 सदस्य

• नियुक्ती : राष्ट्रपती

🎯 राष्ट्रीय मागासवर्ग आयोगा चे प्रमुख कार्ये : 

• सामाजिक आणि शैक्षणिकदृष्ट्या मागासलेल्या वर्गांच्या समावेश / वगळण्या संदर्भातील प्रकरणांवर सल्ला देणे

• मागास वर्गांच्या हक्कांचे संरक्षण व देखरेख करणे

• त्यांच्या सामाजिक-आर्थिक प्रगतीबाबत शिफारसी करणे

• आरक्षणाचा गैरवापर किंवा हक्कभंगाबाबत तक्रारींची चौकशी करणे

• वार्षिक व विशेष अहवाल राष्ट्रपतींना सादर करणे

🔑 परीक्षेच्या दृष्टीने IMP रिव्हिजन पॉईंट्स : राष्ट्रीय मागासवर्ग आयोग

मूळ स्थापना : 1993 (NCBC अधिनियम, 1993)

• घटनात्मक दर्जा : 2018

• घटनादुरुस्ती : 102 वी घटनादुरुस्ती (102nd Constitutional Amendment)

• नवीन कलमे : 338B आणि 342A

• एकूण सदस्य : 5

• नियुक्ती : राष्ट्रपती

MoU signed between Maharashtra government and companies in Finland

📚 Subject : GS - आंतरराष्ट्रीय करार, महाराष्ट्र सरकार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ससून डॉकच्या आधुनिकीकरणासाठी महाराष्ट्र सरकारने कोणत्या देशातील कंपन्यांशी करार केला आहे ?

1. फिनलॅंड

2. नॉर्वे

3. जपान

4. रशिया

उत्तर : फिनलॅंड

📰 बातमी काय ? 

• महाराष्ट्र सरकारने मुंबईतील ससून डॉकचे आधुनिकीकरण करण्यासाठी फिनलॅंडमधील Helvar, Mirasis आणि River Recycle या कंपन्यांसोबत सामंजस्य करार (MoU) केला आहे.

🤔 मुंबईतील ससून डॉकची पार्श्वभूमी आणि उद्देश

• ससून डॉक हे भारतातील सर्वात जुन्या आणि महत्त्वाच्या मासेमारी बंदरांपैकी एक आहे. 

• या कराराचा मुख्य उद्देश या बंदराला तांत्रिकदृष्ट्या प्रगत आणि पर्यावरणास पूरक (Sustainable) 'फिशिंग हार्बर' बनवणे हा आहे.

🤝 करारातील प्रमुख मुद्दे (Key Features)

• फिनलॅंड देशाचे सहकार्य : 'हेल्वर', 'मिरासिस' आणि 'रिव्हर रिसायकल' या तीन कंपन्या प्रगत तंत्रज्ञान पुरवणार आहेत.

• प्रगत कचरा व्यवस्थापन : बंदरातील कचरा व्यवस्थापन सुधारणे आणि समुद्रातील प्लास्टिक रिसायकलिंगवर (पुनर्प्रक्रिया) विशेष भर दिला जाईल.

• पायाभूत सुविधा : नेट-रिपेअरिंग (जाळी दुरुस्ती) सिस्टीमचे आधुनिकीकरण आणि मच्छिमारांसाठी प्रगत कार्यशाळांची निर्मिती केली जाईल.

• क्षमता बांधणी : मच्छिमार आणि बंदर कामगारांना शाश्वत मासेमारी पद्धतींचे प्रशिक्षण दिले जाईल.

🤔 ससून डॉकचे महत्त्व (Significance) : 

• उत्पादन क्षमता : येथे दरवर्षी 50,000 ते 60,000 मेट्रिक टन मासे उत्पादन होते.

• रोजगार : सुमारे 1560 नोंदणीकृत यांत्रिक नौका येथे कार्यरत असून हजारो कुटुंबांचा उदरनिर्वाह यावर अवलंबून आहे.

• ऐतिहासिक वारसा : 1875 मध्ये बांधलेले हे बंदर मुंबईच्या सागरी व्यापाराचा कणा आहे.

 🦾 आधुनिकीकरणाचे फायदे : 

• जागतिक दर्जाच्या सुविधा : आधुनिक सोयींमुळे माशांची गुणवत्ता टिकून राहील आणि आंतरराष्ट्रीय बाजारात निर्यातीला चालना मिळेल.

• पर्यावरण संरक्षण : प्लास्टिक रिसायकलिंगमुळे अरबी समुद्राचे प्रदूषण कमी होण्यास मदत होईल.

• कार्यक्षमता वाढ : प्रगत तंत्रज्ञानामुळे मासे हाताळणी आणि जाळी दुरुस्तीचा वेळ वाचेल.

✍️ निष्कर्ष आणि सरकारी दृष्टिकोन :

• हा प्रकल्प महाराष्ट्र सरकारच्या 'ब्लू इकॉनॉमी' (Blue Economy) धोरणाशी सुसंगत आहे. 

• किनारपट्टीचा शाश्वत विकास आणि मच्छिमार समाजाचे कल्याण साधण्यासाठी अशा जागतिक भागीदारी महत्त्वाच्या ठरतात.

🔑 परीक्षेच्या दृष्टीने IMP रिव्हिजन पॉईंट्स :

• ससून डॉक — मुंबई (मासेमारी बंदर)

• MoU — फिनलॅंड कंपन्या ('हेल्वर', 'मिरासिस' आणि 'रिव्हर रिसायकल')

• उद्देश — डॉकचे आधुनिकीकरण + पर्यावरणास पूरक बंदर

 फायदे — जागतिक दर्जाच्या सुविधा + पर्यावरण संरक्षण+ कार्यक्षमता वाढ

World Bank

📚 Subject : GS - अर्थशास्त्र - आंतरराष्ट्रीय वित्तीय संस्था

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक बँक (World Bank) चे मुख्य उद्दिष्ट काय आहे ?

1. आंतरराष्ट्रीय व्यापार नियंत्रित करणे

2. चलन दर ठरवणे

3. गरीब देशांना कर्ज व आर्थिक मदत देणे

4. युद्धग्रस्त देशांना सैन्य मदत देणे

उत्तर : गरीब देशांना कर्ज व आर्थिक मदत देणे

📰 बातमी काय ?

• जागतिक बँकेने मध्य पूर्व संघर्षाचा फटका बसलेल्या देशांसाठी 'फास्ट-ट्रॅक' मदतीची घोषणा केली आहे.

• उद्देश : या मदतीचा उद्देश वस्तूंच्या वाढत्या किमती आणि विस्कळीत पुरवठा साखळीमुळे विकसनशील अर्थव्यवस्थांवर येणारा ताण कमी करणे हा आहे.

🏦 जागतिक बँक म्हणजे नेमकं काय ?

• जागतिक बँक ही एक आंतरराष्ट्रीय वित्तीय संस्था आहे, जी कमी व मध्यम उत्पन्न असलेल्या देशांना कर्ज, अनुदान आणि तांत्रिक मदत पुरवते.

• याचा मुख्य उद्देश म्हणजे अत्यंत गरिबी कमी करणे (Eradicate Extreme Poverty) आणि सर्वसमावेशक आर्थिक विकास (Shared Prosperity) साध्य करणे हा आहे.

🎯 जागतिक बँकेची मूलभूत माहिती :

• स्थापना - जागतिक बँकेची स्थापना 1944 मध्ये अमेरिकेत झालेल्या ब्रेटन वूड्स परिषदेत (Bretton Woods Conference) झाली.

• मुख्यालय - वॉशिंग्टन डी.सी., अमेरिका.

• सदस्य देश : 189

• अट : जागतिक बँकेचे सदस्य होण्यासाठी देशाने प्रथम आंतरराष्ट्रीय नाणेनिधी ( International Monetary Fund - IMF) चे सदस्य होणे अनिवार्य असते. 

• भारत जागतिक बँक आणि आंतरराष्ट्रीय नाणेनिधी या दोन्ही संस्थांचा संस्थापक सदस्य आहे.

🏦 जागतिक बँक गट (World Bank Group - 5 संस्था)

✍️ जागतिक बँक ही 5 संस्थांचा समूह आहे, ज्याला 'World Bank Group' म्हटले जाते:

1) आंतरराष्ट्रीय पुनर्रचना आणि विकास बँक (International Bank for Reconstruction and Development - IBRD): 

• मध्यम उत्पन्न असलेल्या आणि पतपात्र कमी उत्पन्न असलेल्या देशांना कर्ज देते.

2) आंतरराष्ट्रीय विकास संस्था (International Development Association -IDA) :

• जगातील अत्यंत गरीब देशांना बिनव्याजी कर्ज आणि अनुदान देते.

3) आंतरराष्ट्रीय वित्त महामंडळ (International Finance Corporation -IFC) : 

• विकसनशील देशांमधील खाजगी क्षेत्राच्या विकासावर लक्ष केंद्रित करते.

4) बहुपक्षीय गुंतवणूक हमी संस्था ( Multilateral Investment Guarantee Agency -MIGA): 

• राजकीय जोखीम विमा देऊन थेट परकीय गुंतवणुकीला चालना देते.

5) गुंतवणूक विवादांच्या निराकरणासाठी आंतरराष्ट्रीय केंद्र (International Centre for Settlement of Investment Disputes -ICSID) : 

• गुंतवणूकदार आणि देश यांच्यातील वादांचे निराकरण करते.

🤝 जागतिक बँकेचे मुख्य कार्ये कोणते ? 

• प्रकल्प वित्तपुरवठा : रस्ते, पूल, आरोग्य आणि शिक्षण क्षेत्रातील प्रकल्पांना निधी देणे.

• धोरणात्मक सल्ला : सरकारांना आर्थिक सुधारणांसाठी मार्गदर्शन करणे.

📋 जागतिक बँकेचे प्रमुख अहवाल : 

• जागतिक विकास अहवाल (World Development Report)

• ग्लोबल इकॉनॉमिक प्रॉस्पेक्ट्स (Global Economic Prospects)

🇮🇳 जागतिक बँक आणि भारत :

• भारत हा जागतिक बँकेकडून सर्वाधिक कर्ज घेणाऱ्या देशांपैकी एक आहे.

• पाणीपुरवठा, शिक्षण प्रकल्प, पायाभूत सुविधा आणि कौशल्य विकास यांसारख्या क्षेत्रांत भारताला जागतिक बँकेचे मोठे सहकार्य लाभते.

🔑 परीक्षेच्या दृष्टीने IMP रिव्हिजन पॉईंट्स : World Bank

• जागतिक बँक स्थापना - 1944 (ब्रेटन वूड्स परिषदेत)

• मुख्यालय - वॉशिंग्टन डी.सी., अमेरिका.

• सदस्य देश - 189

• मुख्य कार्ये - प्रकल्प वित्तपुरवठा+ धोरणात्मक सल्ला

• भारत - जागतिक बँकेचा संस्थापक सदस्य देश