राष्ट्रीय शिक्षक पुरस्कार 

बातम्यांमध्ये : महाराष्ट्रातील दोन शिक्षकांना राष्ट्रपती द्रौपदी मुर्मू यांच्या हस्ते राष्ट्रीय शिक्षक पुरस्काराने गौरविण्यात येणार आहे.

Subject : GS - पुरस्कार

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राष्ट्रीय शिक्षक पुरस्कार 2024 बद्दल बरोबर पर्याय निवडा.

1. महाराष्ट्रातील मंतैय्या बेडके आणि सागर बागडे या दोन शिक्षकांना हा पुरस्कार देण्यात आला.

2. पुरस्कारात प्रशस्ती पत्र, रु.५०,००० रोख बक्षीस रक्कम आणि एक रौप्यपदक समाविष्ट आहे.

3. दोन्ही बरोबर

4. दोन्ही चूक

उत्तर : दोन्ही बरोबर

• केंद्रीय शिक्षण मंत्रालयाने ‘राष्ट्रीय शिक्षक पुरस्कार २०२४ साठी ५० शिक्षकांची निवड केली आहे.

• यात महाराष्ट्रातील मंतैय्या बेडके आणि सागर बागडे या दोन शिक्षकांचा समावेश आहे.

• यंदा या पुरस्कारासाठी जिल्हा, राज्य आणि राष्ट्रीय अशा तीन टप्प्यातील निवड प्रक्रियेद्वारे 50 शिक्षकांची निवड केली जाईल. 

• शिक्षक दिनी म्हणजे 5 सप्टेंबर 2024 रोजी विज्ञान भवन, नवी दिल्ली येथे आयोजित समारंभात राष्ट्रपतींच्या हस्ते हा पुरस्कार प्रदान केला जाईल.

पुरस्काराचे स्वरूप : 

राष्ट्रीय शिक्षक पुरस्कारात प्रशस्ती पत्र, रु.५०,००० रोख बक्षीस रक्कम आणि एक रौप्यपदक समाविष्ट आहे.

राष्ट्रीय शिक्षक पुरस्कार देण्याचे उद्दिष्ट काय आहे ?

• देशातील काही सर्वोत्तम शिक्षकांच्या असामान्य योगदानाचा गौरव करणे, तसेच आपल्या वचनबद्धतेने आणि कार्यक्षमतेने शालेय शिक्षणाचा दर्जा सुधारत असताना आपल्या विद्यार्थ्यांचे जीवनही समृद्ध केले आहे, अशा शिक्षकांचा सन्मान करणे, हे राष्ट्रीय शिक्षक पुरस्कारांचे उद्दिष्ट आहे.

पुरस्कार प्राप्त महाराष्ट्रातील शिक्षक : 

श्री मंतैय्या बेडके यांच्याविषयी थोडक्यात माहिती : 

• श्री. मंतैय्या बेडके हे गडचिरोली जिल्ह्यातील जाजावंडी येथील जिल्हा परिषद उच्च प्राथमिक शाळेचे शिक्षक आहेत.

• श्री. मंतैय्या बेडके यांनी गडचिरोलीच्या नक्षलग्रस्त आणि दुर्गम भागात उत्कृष्ट कार्य करत शाळेची पटसंख्या ८ वरून १३८ पर्यंत वाढवली आहे

• . त्यांनी लोकसहभागातून शाळेत स्मार्ट टीव्ही आणि इन्व्हर्टरसारख्या सुविधा उभारल्या आहेत. 

• त्यांच्या अथक मेहनतीने आणि समर्पणाने त्यांनी गुणवत्तापूर्ण शिक्षणाचा आदर्श निर्माण केला आहे.

श्री सागर बागडे यांच्याविषयी थोडक्यात माहिती : 

• श्री. सागर बागडे गेल्या ३० वर्षांपासून कोल्हापूरच्या एस.एम. लोहिया हायस्कूलमध्ये चित्रकला शिक्षक म्हणून कार्यरत आहेत. 

• त्यांनी विद्यार्थ्यांसोबत देश-विदेशात कार्यक्रम करून दोन विश्वविक्रमही नोंदवले आहेत.

RHUMI-1 

Subject : GS - विज्ञान आणि तंत्रज्ञान

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) बातम्यांमध्ये असणारे RHUMI -1 काय आहे ?

1. लढाऊ नौका

2. मशीन गण

3. रॅाकेट

4. यांपैकी नाही

उत्तर : रॅाकेट

बातम्यांमध्ये : भारताने नुकतेच पहिले पुन: वापरता येण्याजोगे हायब्रीड रॉकेट RHUMI-1 लाँच करून भारतीय अंतराळ प्रवासात एक महत्त्वपूर्ण टप्पा गाठला.

RHUMI -1 रॉकेट : 

तामिळनाडू-आधारित स्टार्टअप स्पेस झोन इंडिया यांनी मार्टिन ग्रुपच्या सहकार्याने हे हायब्रीड रॉकेट विकसित केलेलं आहे.

RHUMI -1 रॉकेट चेन्नईतील तिरुविदंधाई येथून प्रक्षेपित करण्यात आले.

RHUMI -1 रॉकेट, 3 घन (क्यूब) उपग्रह आणि 50 PICO उपग्रह अवकाशात वाहून नेत आहे. 

भारतातील पहिली हायड्रॉलिक मोबाईल लॉन्च सिस्टीम वापरून प्रक्षेपण करण्यात आले.

अवकाशात सोडलेले उपग्रह काय काम करतील ?

• घन (क्यूब) उपग्रह वैश्विक किरणोत्सर्गाची तीव्रता, अतिनील किरणोत्सर्गाची तीव्रता आणि हवेच्या गुणवत्तेसह वातावरणातील परिस्थितींवरील डेटाचे निरीक्षण आणि संकलन करतील.

• पिको उपग्रह पर्यावरणीय घटकांचे विश्लेषण करण्यावर लक्ष केंद्रित करेल जसे की कंपन, एक्सेलेरोमीटर रीडिंग, उंची, ओझोन पातळी आणि विषारी पदार्थ इत्यादी.

पुन्हा वापरण्यायोग्य रॉकेट्स म्हणजे काय ?

What are Reusable Rockets ?

पुन्हा वापरता येण्याजोगे रॉकेट पेलोड (उपग्रह) सोडतात, पृथ्वीवर परत येतात आणि पुन्हा नवीन पेलोडसह लॉन्च केले जाऊ शकतात. 

Reusable Rockets चे फायदे काय ?

• पुन्हा वापर केल्यामुळे प्रत्येक प्रक्षेपणासाठी नवीन रॉकेट तयार करावे लागत नाही त्यामुळे नवीन प्रक्षेपणाचा खर्च 65% पर्यंत कमी होऊ शकतो.

• साधारणतः रॉकेट अवकाशात गेल्यावर तेथील कचरा वाढवतात, Reusable Rockets वापरल्यामुळे अवकाशातील कचरा (स्पेस डेब्रिज) कमी करता येईल.

• रॉकेट पुन्हा वापरल्यामुळे नवीन मिशन साठी पुन्हा रॉकेट बनवण्याचा वेळ वाचवला जातो त्यामुळे प्रक्षेपण लवकर आणि जास्त प्रमाणात करता येईल.

एकीकृत निवृत्तीवेतन योजना काय आहे ? 

Unified Pension Scheme

Subject : GS - सरकारी योजना

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) एकीकृत निवृत्तीवेतन योजना (युनिफाइड पेन्शन स्कीम) केव्हा पासून लागू करण्यात येणार आहे ?

1. 1 डिसेंबर 2024

2. 1 जानेवारी 2025

3. 1 एप्रिल 2025

4. 1 मे 2025

उत्तर : 1 एप्रिल 2025

बातम्यांमध्ये : केंद्र सरकारने ‘एकीकृत निवृत्तीवेतन योजना’ (Unified Pension Scheme) घोषित केली. त्याच धर्तीवर प्रस्तावित ‘सुधारित राष्ट्रीय निवृत्तीवेतन योजना’ ऐवजी महाराष्ट्र राज्यामध्ये ही योजना (Unified Pension Scheme) जशीच्या तशी लागू करण्यात येत आहे.

तसेच या अनुषंगाने येणाऱ्या अतिरिक्त खर्चास मान्यता देण्यात येत आहे, असे वित्त विभागाने कळविले आहे.

काय आहे एकीकृत निवृत्तीवेतन योजना ?

• केंद्रीय मंत्रिमंडळाने ‘एकीकृत निवृत्तीवेतन योजना’ (UPS) मंजूर केली, जी सरकारी कर्मचाऱ्यांना निवृत्तीनंतर खात्रीशीर पेन्शन देईल. 

• ही योजना 1 एप्रिल 2025 पासून लागू होईल.

• केंद्र सरकारचे कर्मचारी सध्याच्या नॅशनल पेन्शन सिस्टम (NPS) मधून UPS मध्ये स्थलांतरित होतील.

पेन्शनचे प्रकार :

• खात्रीशीर निवृत्ती वेतन (Assured Pension) :  

या योजनेत सेवानिवृत्तीपूर्वी किमान 25 वर्षे पूर्ण करणाऱ्या सरकारी कर्मचाऱ्यांना निवृत्तीपूर्वीच्या 12 महिन्यांच्या सरासरी मूळ पगाराच्या 50 टक्के रक्कम मिळण्याची हमी दिली जाते.

• खात्रीशीर किमान निवृत्तीवेतन (Assured Minimum Pension) : 

किमान 10 वर्षापर्यंतच्या सेवेच्या स्थितीत कर्मचाऱ्याला दरमहा किमान 10 हजार रुपये दिले जातील.

• खात्रीशीर कौटुंबिक निवृत्तीवेतन (Assured Family Pension) : 

सेवानिवृत्त व्यक्तीच्या मृत्यूनंतर, त्यांचे जवळचे कुटुंब निवृत्त व्यक्तीने शेवटच्या वेळी काढलेल्या पेन्शनच्या 60 टक्के रक्कम निवृत्ती वेतनाच्या स्वरुपात मिळेल.

• महागाई निर्देशांक (Inflation Indexation) :  

• वर नमूद केलेल्या तीन प्रकारच्या पेन्शनवर महागाई सवलत मिळेल.

राष्ट्रीय क्रीडा दिन

National Sports Day

Subject : GS - दिनविशेष, खेळ

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी 29 ऑगस्टला राष्ट्रीय क्रीडा दिन कोणाच्या सन्मानार्थ साजरा केला जातो ?

1. मिल्खा सिंग

2. मेजर ध्यानचंद

3. सचिन तेंडुलकर

4. यांपैकी नाही

उत्तर : मेजर ध्यानचंद

अलीकडेच, मेजर ध्यानचंद यांच्या जयंतीदिनी 29 ऑगस्ट 2024 रोजी राष्ट्रीय क्रीडा दिन (National Sports Day) साजरा करण्यात आला.

मेजर ध्यानचंद

• मेजर ध्यानचंद यांचा जन्म 29 ऑगस्ट 1905 रोजी अलाहाबाद येथे झाला.

• मेजर ध्यानचंद हे भारताच्या स्वातंत्र्यपूर्व काळातील एक प्रमुख हॉकीपटू होते.

• त्याच्या हॉकी खेळातील प्रभुत्व आणि खेळाची समज यामुळे त्यांना “हॉकीचा जादूगार” म्हणून आोळखले जाते.

• 1928, 1932 आणि 1936 उन्हाळी ऑलिंपिकमध्ये भारताने हॅटट्रिक साधत सलग तीन वर्षे ऑलिम्पिकमध्ये सुवर्णपदक जिंकली त्यात त्यांचे मोलाचे योगदान होते.

• 1926 ते 1948 दरम्यान त्यांनी भारतासाठी 185 सामने खेळून 400 हून अधिक गोल केले.

• 1956 मध्ये ते भारतीय लष्कराच्या पंजाब रेजिमेंटमध्ये मेजर म्हणून ते निवृत्त झाले.

• 1956 मध्ये त्यांना पद्मभूषण हा तिसरा सर्वोच्च नागरी पुरस्कार मिळाला.

• 2012 मध्ये, भारत सरकारने त्यांची जयंती दरवर्षी राष्ट्रीय क्रीडा दिन म्हणून साजरी करण्याचा निर्णय घेतला.

• त्यांचा सन्मान करण्यासाठी, भारत सरकारने 2021 मध्ये राजीव गांधी खेलरत्न पुरस्काराचे नाव बदलून मेजर ध्यानचंद खेलरत्न पुरस्कार असे केले.

राष्ट्रीय क्रीडा दिन साजरी करण्याचे महत्त्व काय आहे ?

• भारतीय खेळाडूंच्या कामगिरीची ओळख करून, देशाच्या अभिमानासाठी आणि आंतरराष्ट्रीय स्तरावरील त्यांच्या योगदानाचा गौरव करण्यासाठी राष्ट्रीय क्रीडा दिनाचे महत्त्व अनन्यसाधारण आहे.

• भारतातील क्रीडा भावना जागृत करण्यासाठी राष्ट्रीय क्रीडा दिन हा एक विशेष दिवस आहे.

• सर्व वयोगटातील व्यक्तींना शारीरिक हालचालींचे महत्व सांगण्यासाठी, खेळांमध्ये सहभागी होण्यासाठी, क्रीडा संस्कृती जोपासण्यासाठी आणि प्रोत्साहन देण्यासाठी त्याचप्रमाणे क्रीडापटूंच्या कामगिरीचा सन्मान करणे हे राष्ट्रीय क्रीडा दिनाचे उद्दिष्ट आहे.

टेलिग्रामचा संस्थापक आणि CEO ला फ्रान्स मध्ये अटक

Subject : GS 

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) टेलिग्रामचे संस्थापक कोण आहे ?

1. मार्क झुकरबर्ग 

2. इलॅान मस्क

3. पावेल दुरोव्ह

4. यांपैकी नाही

उत्तर : पावेल दुरोव्ह

टेलिग्रामचे संस्थापक आणि अध्यक्ष पावेल दुरोव्ह यांना अटक का करण्यात आली ?

बेकायदेशीर कृत्यांमध्ये टेलिग्राम ॲप'चा वापर आणि तपासात सहकार्य करण्यास नकार दिल्याच्या आरोपानंतर टेलिग्रामचे संस्थापक आणि अध्यक्ष पावेल दुरोव्ह यांना फ्रान्स मध्ये अटक करण्यात आली.

कोण आहे पावेल दुरोव्ह ?

• पावेल दुरोव्ह (वय ३९) यांचा जन्म रशिया मध्ये झाला. 

• त्यांनी रशियातील सेंट पीटर्सबर्ग विद्यापीठात शिक्षण घेतले होते. 

• टेलिग्राम तयार करण्यापूर्वी, पावेल दुरोव्हने रशियातील सर्वात मोठे सोशल नेटवर्क " व्ही कंताक्ते " (VKontakte) नावाच्या सोशल मीडिया ॲपची स्थापना केली.

• रशियन सरकारने '" व्ही कंताक्ते "' या प्लॅटफॉर्मवरील विरोधकांची खाती बंद करण्याची मागणी त्यांच्याकडे केली होती परंतु ही बंदी झुगारल्यानंतर 2014 मध्ये त्यांना रशिया सोडण्याचा निर्णय घ्यावा लागला.

• रशिया सोडण्याच्या एक वर्ष आधी म्हणजेच 2013 मध्ये त्यांनी टेलिग्राम या प्लॅटफॉर्मची स्थापना केली होती.

• सध्या ते दुबईमध्येच राहत असून टेलिग्राम कंपनीचे कामकाजही तिथूनच चालवले जाते.

• पावेल दुरोव्ह यांच्याकडे UAE आणि फ्रान्सचे नागरिकत्व आहे.

टेलिग्राम ॲप काय आहे?

• फेसबुक, व्हॉट्सअ‍ॅप, इंस्टाग्राम, आयमेसेज यांच्या प्रमाणेच टेलिग्राम हेदेखील जगभरात प्रसिद्ध असलेले मोठे मेसेजिंग अ‍ॅप आहे.

• पावेल दुरोव्ह यांनी 2013 मध्ये टेलिग्राम या प्लॅटफॉर्मची स्थापना केली होती.

• व्हॉट्सअपमध्ये एकावेळी एका ग्रुपमध्ये 1024 सदस्य असू शकतात तर दुसरीकडे टेलिग्रामवर ही मर्यादा 2 लाखांपर्यंत आहे. 

• त्यामुळेच, प्रचंड सदस्यसंख्या असलेल्या या ग्रुप्समधूनच दिशाभूल करणारी माहिती मोठ्या प्रमाणावर पसरत असल्याची टीका टेलिग्रामवर वारंवार होते.

टेलिग्राम ॲप वर काय आरोप आहे ? 

• टेलिग्रामवर तुम्ही तुमचा मोबाइल नंबर गोपनिय ठेवू शकता तसेच सीम कार्ड नसतानाही साइन अप करु शकता. युझर्सना टेलिग्रामवरील ग्रुप्स आणि चॅनेल्सवरील इतर सदस्यांचे मोबाइल नंबर्स दिसू शकत नाहीत.

• टेलीग्रामच्या यांसारख्या गोपनीयता वैशिष्ट्यांमुळे अंमली पदार्थांची तस्करी, दहशतवादाचे समर्थन, सायबरस्टॉकिंग, ॲानलाईन घोटाळे यांसारखे बेकायदेशीर कामांसाठी टेलिग्रामचा वापर होत असल्याचा आरोप टेलिग्रामवर केला जातो.

प्रधानमंत्री जन धन योजना काय आहे ?

Pradhan Mantri Jan Dhan Yojana (PMJDY)

Subject : GS - सरकारी योजना

बातम्यांमध्ये : प्रधानमंत्री जन धन योजनेला 10 वर्ष पूर्ण.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) प्रधानमंत्री जन धन योजना कधी सुरू केली ?

1. 28 ऑगस्ट 2013

2. 28 ऑगस्ट 2014

3. 28 ऑगस्ट 2019

4. 28 ऑगस्ट 2024

उत्तर : 28 ऑगस्ट 2014

प्रधानमंत्री जन धन योजनेबद्दल थोडक्यात माहिती :

28 ऑगस्ट 2014 मध्ये पंतप्रधान नरेंद्र मोदी यांनी प्रधानमंत्री जन धन योजना सुरू केली.

उद्दिष्ट : बँकिंग/बचत खाती, रेमिटन्स, क्रेडिट, विमा आणि पेन्शन यासह आर्थिक सेवांमध्ये परवडणाऱ्या दरात लोकांना प्रवेश प्रदान करणे आणि आर्थिक समावेशनाला प्रोत्साहन देणे.

जन धन खाते :

• एखादी व्यक्ती या योजनेअंतर्गत कोणत्याही बँकेच्या शाखेत किंवा व्यवसाय प्रतिनिधी (बँक मित्र) आउटलेटमध्ये खाते उघडू शकते.

• PMJDY अंतर्गत उघडलेली खाती शून्य शिल्लक (Zero Balance) ठेवून उघडता येतात. 

• या योजनेतील खातेदारांना एक RuPay डेबिट कार्ड दिले जाईल जे सर्व एटीएममधून रोख पैसे काढण्यासाठी वापरले जाऊ शकते.

जन धन बॅंक खात्याचे महत्व काय आहे ?

जन धन बॅंक खात्यात अनेक सरकारी आर्थिक उपक्रमांचा थेट लाभ हस्तांतरण (DBTs) सुलभ होते.( म्हणजे लाभार्थ्यांच्या जनधन बँक खात्यात सरकारी योजनांमार्फत पैसे जमा केले जातात.)

योजनेसाठी कोण पात्र असेल ?

• अर्जदार हा भारतीय नागरिक असावा.

• अर्जदाराचे वय १८ ते ५९ वर्षे दरम्यान असावे.

• 10 वर्षांवरील अल्पवयीन मुलांनी अर्ज केल्यास, त्यांना त्यांचे PMJDY खाते व्यवस्थापित करण्यासाठी त्यांच्या कायदेशीर पालकांकडून समर्थन आवश्यक असेल.

स्पर्धा परिक्षेत विचारले जाणारे योजनेतील महत्वाचे मुद्दे:

• झिरो-बॅलन्स खाती : बॅंक खाते शिल्लक आवश्यकता नसताना उघडता येतात.

• RuPay डेबिट कार्ड : अपघात विमा संरक्षणासह विनामूल्य RuPay डेबिट कार्ड प्रदान करते.

• अपघात विमा : 2 लाख रुपयांपर्यंत

(नोट : झिरो-बॅलन्स खाते, डेबिट कार्ड, ॲक्सिडन्ट विमा, ओव्हरड्रफ्ट सुविधा, 5000 पर्यंत लोन -एवढे मुद्दे लक्षात असू द्या)

2015 पासून 2024 पर्यंत ची अपडेट्स : 

• मार्च 2015 मधील 72 कोटींवरून ऑगस्ट 2024 पर्यंत 53.13 कोटी खाती वाढली.

• PMJDY खात्यांमधील ठेवी (मार्च 2015) 15,670 कोटी रुपयांवरून 2.31 लाख कोटी (ऑगस्ट 2024) रुपयांपर्यंत वाढल्या.

• सरकारचे उद्दिष्ट : अतिरिक्त 3 कोटी PMJDY खाती आर्थिक वर्ष 2024-25 मध्ये उघडण्याचे सरकारचे उद्दिष्ट आहे.

H1N1 म्हणजे काय ?

Subject : GS - विज्ञान आणि तंत्रज्ञान - रोग आणि आजार

बातम्यांमध्ये : यंदाच्या पावसाळ्यात महाराष्ट्रात H1N1 म्हणजेच स्वाइन फ्लूच्या रुग्णांमध्ये लक्षणीय वाढ झाली आहे.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) स्वाइन फ्लू हा एक ----- चा प्रकार आहे.

1. जीवाणू

2. विषाणू

3. बुरशी

4. यांपैकी नाही

उत्तर : विषाणू

• H1N1 हा इन्फ्लुएंझा A विषाणूचा एक उपप्रकार आहे. ज्याला सामान्यतः स्वाइन फ्लू म्हणून ओळखले जाते. 

• हे मानव आणि डुक्कर दोघांनाही संक्रमित करू शकते.

• स्वाइन फ्लू मुळे प्रामुख्याने श्वसनाचे आजार होऊ शकतात.

स्वाइन फ्लूचे संक्रमण कसे होते ? 

• जेव्हा संक्रमित व्यक्ती खोकते, शिंकते किंवा बोलतो तेव्हा श्वासोच्छवासाच्या थेंबाद्वारे विषाणू प्रसार होतो.

• दूषित पृष्ठभागांना स्पर्श करून देखील स्वाइन फ्लूचे संक्रमण होऊ शकते.

भारतात स्वाइन फ्लूचा पहिला रुग्ण केव्हा आढळून आला ?

•  मे 2009 मध्ये भारतात स्वाइन फ्लूचा पहिला रुग्ण केव्हा आढळून आला. 

• 2021, 2022 आणि 2023 मध्ये या विषाणूंच्या रुग्णात लक्षणीय वाढ झाल्याचे दिसून येते.

काय आहे लखपती दीदी योजना ?

बातम्यांमध्ये : जळगाव येथील लखपती दीदी संमेलनाला पंतप्रधान नरेंद्र मोदी यांनी संबोधित केले.

Subject : GS - सरकारी योजना

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) लखपती दीदी योजना कोणत्या वर्षी सुरू करण्यात आली ?

1. 2014

2. 2019

3. 2023

4. 2024

उत्तर : 2023

लखपती दीदी योजनेबद्दल महत्त्वाची माहिती :

• योजनेची सुरूवात : 2023 रोजी लखपती दीदी योजना सुरू करण्यात आली.

• उद्देश : महिलांना त्यांच्या गावात सूक्ष्म उद्योग सुरू करण्यासाठी प्रोत्साहित करणे.

• या कार्यक्रमाचा उद्देश महिलांना बचत गटांमध्ये (SHGs) प्रशिक्षित करणे हा आहे जेणेकरून त्यांना प्रति कुटुंब किमान 1 लाख रुपये वार्षिक उत्पन्न मिळू शकेल.

• लखपती दीदी योजनेअंतर्गत 3 कोटी महिलांना शाश्वत उत्पन्न मिळवण्यासाठी आवश्यक कौशल्य आणि संसाधने प्रदान करणे.

• लखपती दीदी योजने अंतर्गत महिलांना प्लंबिंग, एलईडी बल्ब बनवणे, ड्रोन ऑपरेशन आणि दुरुस्ती आणि शिवणकाम आणि विणकाम यासारख्या विविध कौशल्यांचे प्रशिक्षण दिले जाईल.

• प्रशिक्षण पूर्ण केल्यानंतर महिलांना त्यांच्या कौशल्याचा वापर करून उत्पन्न मिळविण्याची संधी उपलब्ध करून दिली जाईल.

• या योजनेअंतर्गत महिलांना स्वतःचा उद्योग सुरू करण्यासाठी 1 ते 5 लाख रुपयांपर्यंत व्याजमुक्त कर्ज मिळेल.

• योजनेची अंमलबजावणी : बचत गटांच्या माध्यमातून ही योजना राबविण्यात येणार आहे.

• योजनेचा लाभ घेण्यासाठी महिलांना बचत गटाचे सदस्य असणे बंधनकारक आहे.

• मंत्रालय : ग्रामीण विकास मंत्रालय

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) लखपती दीदी योजनेबद्दल योग्य विधान असलेला पर्याय निवडा.

1. हि योजना 2023 मध्ये सुरू करण्यात आली.

2. महिलांना कौशल्य प्रशिक्षण देऊन लखपती बनवणे हे योजनेचे उद्दिष्ट आहे.

3. दोन्ही बरोबर

4. दोन्ही चूक

उत्तर : दोन्ही बरोबर

मुंबई महानगर प्रदेशाचा GDP 300 अब्ज डॉलर पर्यंत वाढवण्याचा रोड मॅप

Roadmap to increase Mumbai Metropolitan Region’s GDP to $300 billion

Subject : GS  

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) निती आयोगाने सादर केलेल्या अहवालात मुंबई महानगर प्रदेशाची GDP 300 अब्ज डॉलर बनवण्यासाठी किती वर्षांचा रोड मॅप बनवला आहे ?

1. तीन

2. पाच

3. सात

4. नऊ

उत्तर : पाच

• निती आयोगाने मुंबई महानगर प्रदेशाच्या (Mumbai Metropolitan Region’s -MMR) विकासासाठी एक विकास योजना तयार केली आहे.

• ज्याचे उद्दिष्ट पुढील पाच वर्षांत या प्रदेशाचे सकल देशांतर्गत उत्पादन म्हणजेच GDP दुप्पट करण्याचे आहे. 

• सध्या या प्रदेशाचा GDP १२ लाख कोटी ($१४० अब्ज) आहे आणि २०३० पर्यंत तो २६ लाख कोटी ($३०० अब्ज) पर्यंत वाढवण्याचे लक्ष्य असेल.

• मुंबई आणि त्याच्या उपग्रह शहरांना जागतिक आर्थिक केंद्र बनवण्याचे लक्ष्य नियोजन संस्थेने ठेवले आहे.  

निती आयोगाने अहवालात राज्य सरकारने लक्ष केंद्रित करण्यासाठी या क्षेत्रांवर प्रकाश टाकला :

• मुंबईला जागतिक सेवा केंद्र म्हणून विकसित करणे

• परवडणारी घरे उपलब्ध करून देणे

• MMR चे जागतिक पर्यटन केंद्रात रूपांतर करणे

• MMR मधील बंदरांचा (Ports)एकात्मिक विकास 

• औद्योगिक आणि लॉजिस्टिक हब तयार करणे

• जागतिक दर्जाच्या शाश्वत, सर्वसमावेशक पायाभूत सुविधांसह शहरांचा विकास 

मुंबई महानगर प्रदेश काय आहे ? 

• मुंबई महानगर प्रदेश (MMR) 6,328 चौरस किमीमध्ये पसरलेला आहे. 

• यात 9 महानगरपालिका, 9 नगर परिषदा आणि काही गावांचा समावेश आहे.

• 9 महानगरपालिका - बृहन्मुंबई, ठाणे, कल्याण-डोंबिवली, नवी मुंबई, उल्हासनगर, भिवंडी- निजामापूर, वसई-विरार, मीरा-भाईंदर आणि पनवेल

• 9 नगर परिषदा - अंबरनाथ, कुळगाव-बदलापूर, माथेरान, कर्जत, खोपोली, पेण, उरण, अलिबाग आणि पालघर 

• गावे - ठाणे, रायगड आणि पालघर जिल्ह्यातील 1,000 हून अधिक गावे.

• MMR च्या संतुलित विकासासाठी मुंबई महानगर प्रदेश विकास प्राधिकरण (MMRDA) जबाबदार आहे. 

निती आयोग 

NITI Aayog ( National Institute for Transforming India)

Subject : GS - राज्यशास्त्र

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) निती आयोगाचे अध्यक्ष कोण आहेत ?

( महाराष्ट्र पोलीस भरती - नागपूर, यवतमाळ, नागपूर SRPF 2023...)

1. राष्ट्रपती 

2. उपराष्ट्रपती

3. पंतप्रधान  

4. यांपैकी नाही

उत्तर : पंतप्रधान

निती आयोग 

NITI Aayog

• स्थापना: 1 जानेवारी 2015 रोजी

• मुख्यालय: नवी दिल्ली

• निती आयोग ही संस्था भारत सरकारची थिंक टॅंक (Think -Tank) म्हणून स्थापन झाली.

• प्रमुख कार्य : देशाच्या सर्वांगीण विकासाची दिशा ठरवणे आणि त्यासाठी धोरणे आखणे.

• निती आयोगाची स्थापना एक असंवैधानिक आणि अवैधानिक संस्था म्हणून करण्यात आली.

• निती आयोग ही भारत सरकारची विकास धोरण ठरवणारी सर्वोच्च संस्था आहे. (नियोजन आयोगाला पर्याय म्हणून दुसरी संस्था)

• निती आयोग केंद्र आणि राज्य सरकारांना धोरणात्मक बाबींवर सल्ला देते.

• 1 जानेवारी 2015 पासून नियोजन आयोगाची (Planning commission) जागा निती आयोग या नवीन संस्थेने घेतली.

• अध्यक्ष : पंतप्रधान हे निती आयोगाचे पदसिद्ध अध्यक्ष असतात. सध्याचे अध्यक्ष पंतप्रधान श्री नरेंद्र मोदी आहेत.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) निती आयोगाचे विस्तारित रूप काय ?

(महाराष्ट्र पोलीस भरती :भंडारा चालक 2021)

1. नॅशनल इन्स्टिट्यूट ऑफ टेक्नॉलॉजी इन इंडिया

2. नॅशनल इन्स्टिट्यूशन फॉर ट्रान्सफॉर्मरमिंग इंडिया

3. नॅशनल इन्स्टिट्यूट ऑफ टेक्नॉलॉजी अँड इंजीनियरिंग

4. यांपैकी नाही

उत्तर : नॅशनल इन्स्टिट्यूशन फॉर ट्रान्सफॉर्मरमिंग इंडिया

प्रश्न) भारताच्या निती आयोगाचे अध्यक्ष कोण आहेत ?

(महाराष्ट्र पोलीस भरती : मुंबई 2018)

1. डॉ. मनमोहन सिंग

2. डॉ. मॉन्टेकसिंग अहलुवालिया

3. श्री अर्जुन सिंग 

4. श्री नरेंद्र मोदी

उत्तर : श्री नरेंद्र मोदी

भारतीय लष्कर आणि महाराष्ट्र पोलिसांचा संयुक्त सराव

" फोर्स वन " काय आहे ?

Subject : GS - महाराष्ट्र पोलीस 

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) Force One काय आहे ?

(महाराष्ट्र पोलीस भरती नागपूर कारागृह 2021)

1. राष्ट्राध्यक्ष विमान 

2. पंतप्रधानांचे विमान 

3. महाराष्ट्र पोलीस कमांडो बल 

4. सशस्त्र सीमा बल

उत्तर : महाराष्ट्र पोलीस कमांडो बल 

• भारतीय लष्कर आणि महाराष्ट्र पोलीस दलाने त्यांच्या कार्यपद्धतींचा समन्वय साधण्यासाठी आणि ऑपरेशन तयारी वाढवण्यासाठी संयुक्त सराव केला.

• या संयुक्त सरावात लष्कराच्या 15 आसाम रेजिमेंटचा आणि महाराष्ट्र पोलीसांचे फोर्स वन दलाचा समावेश होता.

" फोर्स वन " काय आहे ?

फोर्स वनची स्थापना केव्हा करण्यात आली ?

• " फोर्स वन " मुंबई पोलिसांचे एक विशेष दहशतवादविरोधी युनिट आहे.

• फोर्स वन च्या जबाबदारीचे प्राथमिक क्षेत्र मुंबई आणि त्याच्या आसपासच्या प्रदेशाचे संरक्षण करणे हे आहे.

• 26 नोव्हेंबर 2008 रोजी मुंबईमध्ये दहशतवादी हल्ला झाला.

• 2008 च्या या मुंबई दहशतवादी हल्ल्याला प्रत्युत्तर म्हणून महाराष्ट्र पोलिसांच्या अंतर्गत " फोर्स वन " दलाची स्थापना करण्यात आली.

• फोर्स वन ची रचना राष्ट्रीय सुरक्षा रक्षक (NSG) प्रमाणे आहे हे महाराष्ट्राचे कमांडो पथक आहे.

• 26 नोव्हेंबर 2010 पासून फोर्स वन दल कार्यान्वित करण्यात आले . 

• मुख्यालय : फोर्स वनचे मुख्यालय गोरेगाव (मुंबई) येथे आहे.

भर्ती आणि प्रशिक्षण

• फोर्स वनसाठी भरती महाराष्ट्र पोलिसांच्या तरुण स्वयंसेवकांमध्ये केली जाते जे आधीच चांगले प्रशिक्षित आहेत. 

• एकूण अर्जदारांपैकी फक्त 4 ते 5 टक्केच यशस्वी होतात. 

• फोर्स वनच्या कमांडोना महाराष्ट्र इंटेलिजन्स अकादमी, कॉलेज ऑफ मिलिटरी इंजिनीअरिंग , पुणे आणि संरक्षण संशोधन आणि विकास संस्था (DRDO) येथे अत्याधुनिक शस्त्रे आणि स्फोटके वापरण्याचे प्रशिक्षण दिले जाते

विशेषज्ञ अधिकार क्षेत्र

• दहशतवादविरोधी, विशेष शस्त्रे ऑपरेशन्स करणे.

• आंतरराष्ट्रीय स्तरावर संरक्षित व्यक्ती, इतर अत्यंत महत्त्वाच्या व्यक्ती आणि/किंवा महत्त्वाच्या राज्य मालमत्तेचे संरक्षण करणे.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महाराष्ट्र पोलीस " फोर्स वन " दलाचे सध्याचे अध्यक्ष कोण आहे ?

उत्तर : श्री कृष्ण प्रकाश सर  

जगातील दुसरा सर्वात मोठा हिरा

World's Second Largest Diamond

Subject : GS - महाराष्ट्र पोलीस 

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच जगातील दुसरा सर्वात मोठा हिरा कोणत्या देशात सापडला ?

1. बोत्सवाना

2. वेस्ट इंडिज

3. पेरू

4. इजिप्त

उत्तर : बोत्सवाना

• बोत्सवाना या देशातील खाणीमधून जगातील दुसरा सर्वांत मोठा हिरा सापडला आहे.

• हा हिरा तब्बल 2492 कॅरट वजनाचा आहे.

• कॅनडाच्या लुकारा डायमंड फर्मच्या मालकीची ही खाण असून या खाणीतून हा हिरा शोधून काढण्यात आला आहे.

• या हिऱ्याची अंदाजे किमत 40 मिलियन डॉलर (3,35,88,50,000 रूपये) पेक्षा जास्त असल्याचं सांगण्यात येतंय.

• लुकारा डायमंड फर्मच्या मेगा डायमंड रिकव्हरी एक्स-रे तंत्रज्ञानाच्या साहाय्याने हा हिरा शोधन्यात आला.

• या तंत्रज्ञानाच्या वापरामुळे क्रशिंग प्रक्रियेदरम्यान हिरा तुटण्याची शक्यता कमी असते.

बोत्सवाना देश (Botswana) : 

• बोत्सवाना हा देश आफ्रिका खंडात असून याची राजधानी गॅबोरोनी (Gaborone) आहे.

• बोत्सवानाचा ७० टक्के भाग कालाहारी वाळवंटाने व्यापला आहे.

• बोत्सवाना हा जगातील सर्वात मोठा हिरा उत्पादक देश असून जगातल्या एकूण हिऱ्याच्या उत्पादनापैकी 20 टक्के उत्पादन एकट्या बोत्सवानामध्ये केलं जातं.

तर मग जगातील सर्वांत मोठा हिरा कोणता ?

• कलिनन हा जगातील सर्वांत मोठा हिरा आहे.

• 1905 मध्ये दक्षिण आफ्रिकेच्या एका खाणीत 3106 कॅरेट वजनाचा हा हिरा सापडला होता. 

• त्याचे नऊ तुकडे करून त्यापैकी काही हिऱ्याचे तुकडे हे ब्रिटिश शाही क्राऊनमध्ये लावण्यात आले आहेत.

हुतात्मा शिवराम हरी राजगुरू जयंती

Shivaram Hari Rajguru

हुतात्मा शिवराम हरी राजगुरू यांना विनम्र अभिवादन🙏🙏💐

Subject : GS - आधुनिक भारत - क्रांतिकारी

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) सँडर्सचा वध खालील पैकी कोणी केला ?

1. अनंत कान्हेरे

2. राजगुरू

3. चाफेकर बंधू

4. यांपैकी नाही

उत्तर : राजगुरू

• अनंत कान्हेरे यांनी नाशिक चे कलेक्टर जॅक्सन ह्याला गोळ्या घालून ठार केले.

• चाफेकर बंधूंनी रँड आणि आयहर्स्ट यांना पुण्यात गोळ्या घालून ठार केले.

• हुतात्मा शिवराम हरी राजगुरू हे भारतीय स्वातंत्र्य चळवळीतील एक सशस्त्र क्रांतिकारक होते. 

• जन्म : 24 ॲागस्ट 1908 रोजी पुणे जिल्ह्यातील खेड या गावी एका मध्यमवर्गीय घरात त्यांचा जन्म झाला.

• (त्यांच्या स्मरणार्थ खेड या गावचे राजगुरुनगर असे नामकरण करण्यात आले.)

• प्राथमिक शिक्षणानंतर ते अमरावतीला गेले. तेथील हनुमान व्यायाम शाळेत ते जात असत. 

• त्या वातावरणात त्यांना देशभक्तीची मोठी प्रेरणा मिळाली. 

• १९२३ साली म्हणजे वयाच्या पंधराव्या वर्षी ते संस्कृत अध्ययनासाठी बनारसला गेले आणि येथे त्यांची सचिंद्रनाथ संन्याल, चंद्रशेखर आझाद यांसारख्या क्रांतिकारकांशी ओळख झाली. 

• पुढे हिंदुस्थान सोशलिस्ट रिपब्लिकन आर्मी सुरू झाल्यावर ते या क्रांतिसैन्याचे सैनिक बनले.

• संस्कृत व मराठीबरोबरच इंग्रजी, कन्नड, मलयाळम्, हिंदी व उर्दू या भाषाही त्यांना चांगल्या अवगत होत्या.

• त्यांचा बंदुकीचा नेम अचूक होता. त्यांना हिंदुस्थान सोशालिस्ट रिपब्लिकन असोसिएशनचा (HSRA) " गनमॅन " म्हटले जात.

सायमन कमिशनला विरोध आणि लाला लजपतराय यांचा मृत्यू :

• ब्रिटीश सरकारने नोव्हेंबर 1927 मध्ये भारताच्या घटनात्मक प्रगतीचा अहवाल देण्यासाठी आणि पुढील घटनात्मक सुधारणा करण्यासाठी सायमन कमिशनची नियुक्ती केली. 

• परंतु या समितीच्या 7 सदस्यांमध्ये एकही भारतीय नव्हता. 

• भारतातील लोकांसाठीच्या असलेल्या सुधारणांमध्ये एकही भारतीय नसणे यामुळे हे भारतीयांच्या आत्मनिर्णयाच्या अधिकाराचे उल्लंघन आणि भारतीयांच्या स्वाभिमानाचा अपमान होता. त्यामुळे सायमन कमिशनला विरोध घेण्यात आला.

• सायमन कमिशन लाहोरमध्ये आल्याच्या निषेधार्थ लाला लजपतराय यांनी 30 ऑक्टोबर 1928 रोजी अहिंसक निदर्शनाचे नेतृत्व केले.

• जेम्स ए. स्कॉट, या पोलिस अधीक्षकाने आंदोलकांवर "लाठीचार्ज" करण्याची सूचना केली. 

• लाला लजपतराय यांच्या छातीवर वार केले गेले यामुळे 17 नोव्हेंबर 1928 रोजी त्यांचे निधन झाले. 

 सँडर्सचा वध : 

• लाला लजपतराय यांच्या हत्येचा बदला घेण्यासाठी ज्या क्रांतिकारकांची नेमणूक झाली त्यात राजगुरू, चंद्रशेखर आझाद, भगतसिंग, जयगोपाल यांचा समावेश होता. 

• १७ डिसेंबर १९२८ रोजी लाहोरला ब्रिटिश पोलिस अधिकारी सँडर्सचा गोळ्या घालून ठार केले. त्यातील पहिल्या दोन गोळ्या राजगुरूंनी झाडलेल्या होत्या.

• ३० सप्टेंबर १९२९ रोजी राजगुरूंना पुण्यात अटक झाली. 

• 23 मार्च 1931 ला लाहोर येथे भगतसिंग,राजगुरू आणि सुखदेव यांना फाशी देण्यात आली. 

• त्यांच्या स्मरणार्थ 23 मार्च हा दिवस भारतात शहीद दिन म्हणून साजरा केला जातो.

महाराष्ट्र प्रदूषण नियंत्रण मंडळ 

बातम्यांमध्ये : पुणे येथील राष्ट्रीय हरित न्यायाधिकरणाच्या पश्चिम विभागीय खंडपीठाने जिल्हाधिकारी आणि महाराष्ट्र प्रदूषण नियंत्रण मंडळाला नोटीसा जारी करून गणेशोत्सव दरम्यान ध्वनिप्रदूषणावर नियंत्रण ठेवण्यासाठी केलेल्या उपाययोजनांबाबत माहिती घेण्याचे निर्देश दिले.

Subject : GS - पर्यावरण 

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महाराष्ट्र प्रदूषण नियंत्रण मंडळाची (MPCB) स्थापना कधी करण्यात आली ?

1. 1970

2. 1980

3. 1990

4. 2000

उत्तर : 1970

महाराष्ट्र प्रदूषण नियंत्रण मंडळ (MPCB) : 

• 7 सप्टेंबर 1970 रोजी महाराष्ट्र प्रदूषण नियंत्रण मंडळाची स्थापना करण्यात आली.

• हे मंडळ महाराष्ट्र शासनाच्या पर्यावरण विभागाच्या प्रशासकीय नियंत्रणाखाली कार्यरत आहे.

• राज्यात विविध पर्यावरणीय कायदे लागू करण्यासाठी हे मंडळ जबाबदार आहे.

पर्यावरणासंबंधी महत्त्वाचे कायदे : 

• जल (प्रदूषण प्रतिबंध व नियंत्रण) कायदा, १९७४,

• हवा (प्रदूषण प्रतिबंध व नियंत्रण) कायदा, १९८१

• पर्यावरण (संरक्षण) कायदा, १९८६ 

(नोट : कोणता कायदा कधी पारित केला त्याचे वर्ष लक्षात ठेवा, पेपर ला विचारतात.)

महाराष्ट्र प्रदूषण नियंत्रण मंडळाची काही महत्त्वपूर्ण कार्ये -

• प्रदूषण विषयक माहिती गोळा करणे व तिचा प्रचार करणे व त्याचा प्रतिबंध, नियंत्रण व बंद करणे.

• सांड पाणी किंवा व्यापारी सांड पाणी व टाकावू पदार्थांच्या निपटाऱ्याच्या सुविधांचे तसेच हवा प्रदूषण नियंत्रण पद्धतीचे निरीक्षण करणे व उपचार संयंत्र, निपटाऱ्याच्या पद्धती तसेच हवा प्रदूषण नियंत्रण पद्धती या विषयीच्या योजना, विनिर्देश किंवा इतर माहितीचा आढावा घेणे.

• प्रदूषण नियंत्रण, टाकावू पदार्थांवर पुनर्प्रक्रिया करुन पुन्हा उपयोगात आणणे, पर्यावरणस अनुकूल पद्धती ईत्यादी क्षेत्रात होणाऱ्या विकासाला सहाय्य करणे व प्रोत्साहन देणे.

• योग्य प्रदूषण नियंत्रण तंत्रज्ञान व पद्धती द्वारे पर्यावरण वृद्धीसाठी उद्योजकांना शिक्षित करणे व मार्गदर्शन देणे.

• स्वच्छ व स्वस्थ पर्यावरणा विषयी सार्वजनिक जागरुकता निर्माण करणे तसेच प्रदूषणा संबंधी सार्वजनिक तक्रारींची दखल घेणे.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारतात पर्यावरण (संरक्षण) कायदा कधी लागू करण्यात आला ?

1. 1964

2. 1975

3. 1986

4. 1992

उत्तर : 1986

राष्ट्रीय अंतराळ दिवस

National Space Day 

Subject : GS - विज्ञान आणि तंत्रज्ञान, दिनविशेष 

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राष्ट्रीय अंतराळ दिन केव्हा असतो ? 

1. 10 जुलै 

2. 15 जून

3. 23 ऑगस्ट

4. 12 सप्टेंबर 

उत्तर : 23 ऑगस्ट

राष्ट्रीय अंतराळ दिवस

• 23 ऑगस्ट 2023 रोजी इस्रोच्या चांद्रयान-3 चे विक्रम लँडर आणि प्रज्ञान रोव्हर चंद्राच्या पृष्ठभागावर यशस्वीरित्या उतरलं.

• 23 ऑगस्ट 2023 रोजी चंद्रावर उतरणारा भारत हा चौथा आणि चंद्राच्या दक्षिण ध्रुवीय प्रदेशात पोहोचणारा पहिला देश ठरला. 

• या ऐतिहासिक कामगिरीचा गौरव करण्यासाठी माननीय पंतप्रधान श्री नरेंद्र मोदी यांनी 23 ऑगस्ट हा दिवस "राष्ट्रीय अंतराळ दिवस" ​​म्हणून घोषित केला.

राष्ट्रीय अंतराळ दिन 2024 संकल्पना (थीम) काय आहे ?

" चंद्राला स्पर्श करताना जीवनाला स्पर्श करणे : भारताची अंतराळ गाथा " ही यावर्षीची संकल्पना होती.

" Touching Lives while Touching the Moon : India's Space Saga "

महादयी नदी पाणी वाटपाचा नेमका वाद काय ?

MAHADAYI River Water Dispute 

Subject : GS - भूगोल

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महादयी जल विवाद न्यायाधिकरणात खालील पैकी कोणत्या राज्यांचा समावेश आहे ?

1. गोवा, गुजरात आणि महाराष्ट्र

2. ओडिशा, तेलंगणा आणि आंध्र प्रदेश

3. गुजरात, राजस्थान आणि मध्य प्रदेश

4. गोवा, कर्नाटक आणि महाराष्ट्र

उत्तर : गोवा, कर्नाटक आणि महाराष्ट्र

बातम्यांमध्ये : गोवा, महाराष्ट्र, कर्नाटक यांच्यातील नद्यांच्या पाणी वाटपाच्या वादावर महादयी जलविवाद न्यायाधिकरण निर्णय देणार आहे.

महादयी नदी पाणी वाटपाचा नेमका वाद काय ?

• महादयी नदीला म्हादई किंवा मांडोवी नदी असेही म्हणतात. 

• बेळगाव, बागलकोट, धारवाड आणि गदग या उत्तर कर्नाटकातील दुष्काळी भागात पिण्याच्या पाण्याची गरज भागवण्यासाठी महादयी नदीतून पाणी वळवण्यासाठी कर्नाटक सरकारद्वारे कळसा - बांदुरी हा प्रकल्प उभारला जाणार आहे.

• महादयी नदी कर्नाटकातल्या भीमगड अभयारण्यात उगम पावते आणि गोवा राज्यांतून वाहत अरबी समुद्राला जाऊन मिळते.

• महादयी नदी कर्नाटकात उगम पावत असली तरीही या नदीचा 18 टक्के भाग हा कर्नाटकात, 4 टक्के भाग महाराष्ट्रात आणि उर्वरित 78 टक्के भाग हा गोवा राज्यात येतो.

• महादयी नदी गोवा राज्याची जीवनरेखा आहे. 

• गोव्याचे म्हणणे आहे की गोव्याची लोकसंख्या नदीच्या नैसर्गिक मार्गावर अवलंबून आहे आणि ती वळवण्याची कोणतीही हालचाल तेथील पर्यावरणीय संतुलन बिघडवेल. 

महादयी जलविवाद न्यायाधिकरण : 

• महादयी जलविवाद न्यायाधिकरण 2010 मध्ये भारत सरकारने स्थापन केला.

• कर्नाटक, गोवा आणि महाराष्ट्र या राज्यांमधून वाहणाऱ्या महादयी (मांडवी) नदीच्या पाण्याच्या वाटपाचा प्रश्न सोडवण्यासाठी या न्यायाधिकरणाची स्थापना करण्यात आली आहे.

धनगर समाज 

Dhangars Community

बातम्यांमध्ये : नुकताच महाराष्ट्रातील बुलढाणा जिल्ह्यातील खामगाव येथील उपविभागीय अधिकाऱ्यांच्या कार्यालयावर धनगर समाजाच्या एका मोठ्या गटाने मोर्चा काढला आणि त्यांच्या मेंढ्या आणि शेळ्यांसाठी “चराऊ कॉरिडॉर” तयार करण्याची मागणी केली.

Subject : GS - भूगोल

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 'धनगरी गजा' हा नृत्य प्रकार प्रामुख्याने ______ राज्याशी संबंधित आहे.

(SSC MTS 2020)

1. उत्तर प्रदेश

2. महाराष्ट्र

3. झारखंड

4. छत्तीसगड

उत्तर : महाराष्ट्र

धनगर समाजाची काय मागणी आहे ?

• धनगर जमात ऑक्टोंबर मध्ये बाजरी काढल्यानंतर आपल्या जनावरांसाठी हिरव्यागार चाऱ्याच्या शोधात दरवर्षी स्थलांतर करतात

• वनविभागाने धनगर ज्या मार्गाने जा-ये करतात त्या मार्गावर उंच तटबंदी उभारली आहे. "आमच्याकडे अतिक्रमण करणारे म्हणून पाहिले जाते. आमच्यावर मोठा दंड ठोठावला जातो आणि आमच्यावर गुन्हेही दाखल केले जातात" असे धनगर समाजाचे म्हणणे आहे.

• चराऊ कॉरिडॉर तयार करून पारंपारिक मार्गांवर चरण्यासाठी परवानगी देण्याची मागणी ते करत आहेत.

धनगर समाज म्हणजे नक्की कोण ?

• धनगर हा मेंढपाळांचा समुदाय असून हा समाज भारतातील अनेक राज्यांमध्ये आढळून येतो. 

• हा समाज महाराष्ट्र, गुजरात, कर्नाटक आणि आंध्रप्रदेशात आढळतो. इतरत्र त्यांना गोल्ला आणि कुरुबा या नावांनी ओळखले जाते.

• 2011 च्या जणगणनेनुसार त्यांची लोकसंख्या 1 कोटींच्या आसपास असल्याचे मानले जाते जी महाराष्ट्राच्या लोकसंख्येच्या सुमारे 9% आहे. .  धनगर लोकसंख्येपैकी सुमारे 40% लोकसंख्या आजही पूर्णपणे पशुपालनावर अवलंबून आहे.

• महाराष्ट्रात धनगरांचा समावेश विमुक्त जाती आणि भटक्या जमातींच्या (VJNT) यादीत करण्यात आलेला आहे.

• परंतु ते अनेक दशकांपासून या समाजाला अनुसूचित जमातीचा (ST) दर्जा मिळावा यासाठी मागणी करत आहेत. 

संस्कृती:

• प्रवासात ते विविध प्रथा आणि विधी पाळतात जसे की त्यांच्या पूर्वजांची पूजा करणे.

• विशेषत: रात्रीच्या वेळी गाणी गाण्याची परंपरा ही धनगर संस्कृतीचा एक महत्त्वाचा पैलू आहे.

• सुंबरान मांडलं नावाचे गाणे धनगरांची मौखिक परंपरेचा एक महत्वपूर्ण भाग आहे.

मन्याचीवाडी : महाराष्ट्रातील पहिले सौर ऊर्जा असलेले गाव

Manyachiwadi :  Maharashtra's first solar village 

बातम्यांमध्ये : महाराष्ट्राचे मुख्यमंत्री एकनाथ शिंदे यांनी मन्याचीवाडी या राज्यातील पहिले सौर गांवाचे उद्घाटन केले. 

Subject : GS - सरकारी योजना

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महाराष्ट्रातील पहिले सौर गांव (सोलर व्हिलेज) कोणते ?

1. मन्याचीवाडी

2. भिलार

3. पाटोदा

4. अंतरवाली सराटी

उत्तर : मन्याचीवाडी

सातारा जिल्ह्यातील पाटण तालुक्यातील मन्याचीवाडी हे गाव महाराष्ट्रातील पहिले सौर गांव (सोलर व्हिलेज) ठरले आहे.

• पंतप्रधान सूर्यघर मोफत विज योजने अंतर्गत हा प्रकल्प सुरू करण्यात आला आहे.

• घराच्या छतावर सोलर पॅनल बसवलेली आहेत त्याद्वारे वीज निर्मिती केली जाईल.

• जर ग्राहकांनी अतिरिक्त सौरऊर्जा निर्माण केली तर ते महावितरणला विकून अतिरिक्त उत्पन्न मिळवू शकतात.

पंतप्रधान सूर्यघर मोफत विज (बिजली) योजना काय आहे ?

What is PM Surya Ghar Muft Bijlee Yojana?

• पंतप्रधान सूर्य घर मोफत वीज योजना भारतातील घरांना छतावरील सौर पॅनलच्या बसवून मोफत वीज उपलब्ध करून देण्याची सरकारची योजना आहे.

• ही योजना 15 फेब्रुवारी 2024 रोजी पंतप्रधान नरेंद्र मोदी यांनी सुरू केली.

• 1 कोटी कुटुंबांना दरमहा 300 युनिट मोफत वीज पुरवण्याचे सरकारचे उद्दिष्ट आहे.

• या योजनेअंतर्गत सौर पॅनल बसवण्यासाठी सबसिडी देण्यात येईल.

• जर ग्राहकांनी अतिरिक्त सौरऊर्जा निर्माण केली तर ते महावितरणला विकून अतिरिक्त पैसे मिळवू शकतात.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महाराष्ट्रातील पहिले सौर गांव (सोलर व्हिलेज) मन्याचीवाडी हे कोणत्या जिल्ह्यात आहे ?

1. सिंधुदुर्ग

2. सांगली

3. सातारा

4. कोल्हापूर

उत्तर : सातारा

मुख्यमंत्री वयोश्री योजना काय आहे ?

CM Vayoshri Yojna

Subject : GS - सरकारी योजना

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) मुख्यमंत्री वयोश्री योजनेबद्दल बरोबर असणारा पर्याय निवडा.

1. ही योजना 65 वर्षे आणि त्यावरील ज्येष्ठ नागरिकांसाठी आहे.

2. या योजनेअंतर्गत मासिक 3000 रुपये दिले जातात.

3. दोन्ही बरोबर

4. दोन्ही चूक

• उत्तर : ही योजना 65 वर्षे आणि त्यावरील ज्येष्ठ नागरिकांसाठी आहे. हा पर्याय बरोबर आहे.

• या योजनेअंतर्गत वार्षिक 3000 रुपये दिले जातात. 

मुख्यमंत्री वयोश्री योजनेबद्दल थोडक्यात माहिती : 

• मुख्यमंत्री वयोश्री योजना ही 65 वर्षे आणि त्यावरील ज्येष्ठ नागरिकांना आधार देण्यासाठी आहे.

• योजनेचा उद्देश : ज्येष्ठ नागरिकांना त्यांचे जीवनमान सुधारण्यासाठी आवश्यक सहाय्य आणि उपकरणे खरेदी करण्यास मदत करणे.

• या योजनेअंतर्गत ज्येष्ठ नागरिकांना जगण्यासाठी आणि त्यांना वयोमानपरत्वे येणाऱ्या अपंगत्व, अशक्तपणा यावर उपाययोजना करण्यासाठी आवश्यक साहित्य दिले जाते. यामध्ये चष्मा, वॉकर, श्रवण यंत्र यांसारखे वस्तूंचा समावेश आहे.

• आर्थिक मदत : पात्र लाभार्थ्यांना वार्षिक तीन हजार रुपये मिळतात ते थेट त्यांच्या बँक खात्यात जमा केले जातात

शक्ती फौजदारी कायदे (महाराष्ट्र सुधारणा विधेयक) 2020 काय आहे ?

Shakti Criminal Laws (Maharashtra Amendment) Bill, 2020

Subject : GS - कायदा

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) शक्ती फौजदारी कायदे (महाराष्ट्र सुधारणा विधेयक) 2020 हे ------ राज्यातील दिशा कायद्याच्या धर्तीवर तयार करण्यात आले आहे.

1. उत्तर प्रदेश

2. मध्य प्रदेश

3. आंध्र प्रदेश

4. तामिळनाडू

उत्तर : आंध्र प्रदेश

शक्ती फौजदारी कायदे (महाराष्ट्र सुधारणा विधेयक) 2020 काय आहे ?

• शक्ती फौजदारी कायदे (महाराष्ट्र सुधारणा विधेयक) 2020, याला शक्ति विधेयक म्हणूनही ओळखले जाते हे भारतीय दंड संहिता(IPC), फौजदारी प्रक्रिया संहिता (CrPC) आणि लैंगिक अपराधांपासून बालकांचे संरक्षण कायदा, (POCSO कायदा) मध्ये सुधारणा करण्यासाठी सादर करण्यात आले होते.

• आंध्र प्रदेशातील दिशा कायद्याचा अभ्यास करून लहान मुलं आणि महिलांवर होणाऱ्या अत्याचारांविरोधात वेगाने आणि कठोर कारवाई व्हावी यासाठी " महाराष्ट्र शक्ती फौजदारी सुधारणा कायदा 2020 आणि विशेष कोर्ट आणि महाराष्ट्र शक्ती क्रिमिनल कायद्याची अंमलबजावणीसाठीची व्यवस्था 2020 " ही दोन विधेयक राज्यात महाविकास आघाडीचे सरकार असताना डिसेंबर 2020 मध्ये मांडण्यात आली होती.

• ही दोन्ही विधेयक महाराष्ट्र विधानसभा आणि विधानपरिषदेत मंजूर झाल्यानंतर ही विधेयके केंद्र सरकारकडे राष्ट्रपतींच्या स्वाक्षरीसाठी पाठवण्यात आली होती पण राष्ट्रपतींच्या स्वाक्षरी अभावी या विधेयकांचे अद्याप कायद्यात रूपांतर झालेलं नाही त्यामुळे हा कायदा राज्यात लागू झालेला नाही.

• या विधेयकात महिला आणि मुलांवरील बलात्कारासारख्या अमानुष आणि दुर्मिळ गुन्ह्यांसाठी फाशीच्या शिक्षेची तरतूद करण्यात आली आहे. 

• खोटी माहिती देणे आणि ॲसिड फेकणे यासारख्या काही गुन्ह्यांसाठी शिक्षेत वाढ करण्यात आली आहे. 

• ई-मेल, सोशल मीडिया, तसंच मेसेजद्वारे महिलेचा छळ, धमकी, बदनामी करणाऱ्यांना कडक शिक्षेची तरतूद करण्यात आली आहे.

• विशेष कोर्टांची निर्मिती करण्यात येणार आहे.

• महिला आणि लहान मुलांवरील अत्याचारांच्या तपासासाठी जिल्हा अधीक्षक, महिला अधिकाऱ्यासह विशेष पोलीस पथकाचा समावेश 

यांसारख्या तरतूदी या विधेयकात आहे.