ऑनलाइन मनी गेमिंगवर कडक कारवाई

Strict action against online Money Gaming

Subject : GS - अर्थशास्त्र 

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 'ऑनलाइन मनी गेमिंग' वर GST अंतर्गत किती टक्के कर आकारला जातो ? 

1. 5 % 

2. 12 % 

3. 18 % 

4. 28 %

उत्तर : 28 %

बातमी काय आहे ? 

• वस्तू आणि सेवा कर गुप्तचर महासंचालनालयाने (Directorate General of Goods and Services Tax Intelligence - (DGGI)) परदेशातून कार्यरत असलेल्या ऑनलाइन गेमिंग कंपन्यांविरुद्धच्या अंमलबजावणीच्या कारवाई अधिक तीव्र केल्या आहेत. 

• ऑनलाइन मनी गेमिंग उद्योगात देशांतर्गत आणि परदेशी अश्या दोन्ही ऑपरेटर्सचा समावेश आहे. 

कोणती कारवाई करण्यात आली ? 

• भारतात बेकायदेशीरपणे चालणाऱ्या ऑनलाइन गेमिंग कंपन्यांवर मोठी कारवाई करण्यात आली आहे. 

• GST गुप्तचर अधिकाऱ्यांनी परदेशातून कार्यरत असलेल्या बेकायदेशीर ऑनलाइन गेमिंग कंपन्यांच्या 357 वेबसाइट ब्लॉक केल्या आहेत.  

• सुमारे 2000 बँक खाती देखील जप्त करण्यात आली आहेत. 

• 122.05 कोटी रुपयांची रक्कम तात्पुरती जप्त करण्यात आली आहे.

• आतापर्यंत तीन व्यक्तींना अटक करण्यात आली आहे. 

ऑनलाइन गेमिंग कंपन्यांवर कारवाई का करण्यात आली ? 

• करपात्र पे-इन लपवणे.

• कर दायित्वांना टाळणे (GST ची चोरी करणे). 

• बनावट बँक खात्यांद्वारे व्यवहार करणे.

• तसेच या कंपन्यांनी कुठलीही नोंदणी केली नव्हती. 

कायदा काय सांगतो ? 

• या क्षेत्रात कार्यरत असलेल्या संस्थांना/कंपन्यांना GST अंतर्गत नोंदणी करणे आवश्यक आहे.

• GST कायद्यांतर्गत, 'ऑनलाइन मनी गेमिंग', कारवाईयोग्य दावा/क्लेम समजला जात असल्याने, 'वस्तूंचा' पुरवठा म्हणून त्याचे वर्गीकरण होते. 

• वस्तु म्हणून वर्गीकरण झाल्याने त्यावर 28% कर आकारला जातो. 

ज्येष्ठ नागरिक आयोग

Senior Citizens Commission

Subject : GS - राज्यशास्त्र - कायदा, आयोग, वैधानिक संस्था

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ज्येष्ठ नागरिक आयोगाची स्थापना करणारे भारतातील पहिले राज्य कोणते ? 

1. उत्तर प्रदेश

2. महाराष्ट्र

3. गुजरात

4. केरळ

उत्तर : केरळ 

बातमी काय आहे ? 

"केरळ राज्य ज्येष्ठ नागरिक आयोग विधेयक" केरळ विधानसभेत मंजूर करण्यात आले.

केरळ राज्य ज्येष्ठ नागरिक आयोगा बद्दल परीक्षेसाठी IMP वनलाईनर पॉईंट्स : 

• ज्येष्ठ नागरिक आयोग स्थापन करणारे केरळ हे भारतातील पहिले राज्य ठरले.

• केरळ राज्य ज्येष्ठ नागरिक आयोग कायदा, 2025 अंतर्गत स्थापन केलेली एक वैधानिक संस्था (Statutory Body) आहे. 

• हा आयोग ज्येष्ठ नागरिकांसाठी अधिक चांगले पुनर्वसन, सुरक्षा आणि कल्याण सुनिश्चित करण्याच्या उद्देशाने तयार करण्यात आला आहे.

केरळ राज्य ज्येष्ठ नागरिक आयोगाचे उद्दिष्ट्ये कोणती ? 

• ज्येष्ठ नागरिकांचे हक्कांचे संरक्षण, कल्याण, पुनर्वसन आणि सक्षमीकरण सुनिश्चित करणे

• प्रगतीशील आणि समावेशक केरळच्या उभारणीत ज्येष्ठ नागरिकांच्या सक्रिय सहभागाला प्रोत्साहन देणे.

केरळ राज्य ज्येष्ठ नागरिक आयोगाचे प्रमुख वैशिष्ट्ये आणि कार्ये कोणती ? 

• धोरण सल्लागार : हा आयोग ज्येष्ठ नागरिकांच्या हक्कांचे आणि कल्याणाचे रक्षण करेल आणि ज्येष्ठ नागरिकां संबंधित धोरण ठरवण्यासाठी सल्लागार संस्था म्हणून काम करेल.

• अहवाल : धोरण सुधारणेसाठी राज्य सरकारला नियमित अहवाल आणि सल्ला सादर करते.

• तक्रारींचे निराकरण : वृद्धांमधील दुर्लक्ष, गैरवापर, शोषण आणि एकाकीपणाशी संबंधित समस्या हाताळते.

• कायदेशीर मदत आणि संरक्षण : गैरवापर किंवा मालमत्तेच्या वादांना तोंड देणाऱ्या ज्येष्ठ नागरिकांसाठी कायदेशीर मदत मिळण्यास मदत करणे.

• कौशल्याचा वापर : सामाजिक फायद्यासाठी ज्येष्ठ नागरिकांच्या कौशल्यांचा आणि ज्ञानाचा वापर करण्यास प्रोत्साहन देणे.

• जागरूकता मोहिमा : वृद्धांचे हक्क आणि कुटुंबांच्या जबाबदाऱ्यांबद्दल जागरूकता निर्माण करण्यासाठी शैक्षणिक उपक्रम राबवणे. 

2025 कबड्डी वर्ल्डकप कोणी जिंकला ?

Who won the 2025 Kabaddi World Cup ?  

Subject : GS - खेळ 

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) कबड्डी वर्ल्डकप 2025 बद्दल योग्य विधान/ विधाने असलेला पर्याय निवडा.

अ) कबड्डी वर्ल्डकप 2025 भारतात आयोजित करण्यात आला.

ब) भारताने पुरुष आणि महिला दोन्ही गटात हा कबड्डी वर्ल्डकप जिंकला.

पर्याय :

1. फक्त अ योग्य

2. फक्त ब योग्य

3. अ आणि ब दोन्ही योग्य

4. अ आणि ब दोन्ही अयोग्य 

उत्तर : फक्त ब योग्य

कबड्डी वर्ल्डकप 2025 हा इंग्लंडमध्ये आयोजित करण्यात आला.

बातमी काय आहे ? 

इंग्लंडमधील वुल्व्हरहॅम्प्टन येथे झालेल्या पुरुष आणि महिला कबड्डी विश्वचषक 2025 मध्ये भारताने जेतेपद पटकावले. 

कबड्डी वर्ल्डकप 2025 बद्दल परीक्षेसाठी IMP वनलाईनर पॉईंट्स : 

• 17 ते 23 मार्च 2025 रोजी इंग्लंडमध्ये कबड्डी विश्वचषक 2025 चे आयोजन करण्यात आले होते.

• यंदाची (2025) ही दुसरी कबड्डी वर्ल्डकप स्पर्धा आहे. 

• कबड्डी वर्ल्डकप पहिल्यांदाच आशिया बाहेर आयोजित केली जात आहे. 

पुरुष कबड्डी वर्ल्डकप 2025 स्पर्धा कोणी जिंकली ? 

पुरुष संघाने अंतिम सामन्यात यजमान इंग्लंडचा 44-41 असा पराभव केला.

विजेता संघ : भारत

उपविजेता संघ : इंग्लंड

महिला कबड्डी वर्ल्डकप 2025 स्पर्धा कोणी जिंकली ? 

भारतीय महिला संघाने त्याच ठिकाणी झालेल्या अंतिम सामन्यात इंग्लंडला 57-34 अशा दमदार गुणांनी पराभूत केले.

विजेता संघ : भारत

उपविजेता संघ : इंग्लंड

पहिला कबड्डी वर्ल्डकप कोणी जिंकला ? 

• पहिला कबड्डी वर्ल्डकप 2019 मध्ये मलेशियात आयोजित करण्यात आला होता.

• भारताने पुरुष आणि महिला दोन्ही गटात पहिला कबड्डी वर्ल्डकप जिंकला होता. 

स्वदेश दर्शन 2.0 योजना ? 

Swadesh Darshan Scheme 2.0

Subject : GS - सरकारी योजना, पर्यटन 

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) देशातील पर्यटन स्थळांच्या विकासासाठी स्वदेश दर्शन योजना केव्हा सुरू करण्यात आली ?

1. 2009-10

2. 2014-15

3. 2018-19

4. 2024-25

उत्तर : 2014-15

बातमी काय आहे ? 

• देशातील पर्यटन स्थळांच्या विकासासाठी केंद्र सरकारने स्वदेश दर्शन योजना, स्वदेश दर्शन 2.0 या नवीन स्वरूपात लागू केली आहे.

• याअंतर्गत, 791.25 कोटी रुपये खर्चाच्या 34 प्रकल्पांना मंजुरी देण्यात आली आहे. 

• ही माहिती केंद्रीय पर्यटन आणि संस्कृती मंत्री गजेंद्र सिंह शेखावत यांनी राज्यसभेत दिली.

स्वदेश दर्शन योजना केव्हा सुरू करण्यात आली ?

• 2014-15 मध्ये पर्यटन मंत्रालयाने स्वदेश दर्शन योजना सुरू केली. 

• ही 100% केंद्र सरकारकडून निधी मिळवलेली म्हणजे च केंद्रीय क्षेत्र योजना (Central Sector Scheme) आहे. 

• भारतात शाश्वत आणि जबाबदार पर्यटन विकसित करण्यासाठी ही योजना सुरू करण्यात आली. 

स्वदेश दर्शन योजना म्हणजे काय ? 

• केंद्र सरकार, राज्य सरकारांना तसेच केंद्रशासित प्रदेश प्रशासनांना देशातील पर्यटन संबंधित पायाभूत सुविधांच्या विकासासाठी आर्थिक मदत देऊ करते.

• मंजूर प्रकल्पांचे संचालन आणि देखभाल (Operation & Maintenance) ही संबंधित राज्य/केंद्रशासित प्रदेश सरकारांची जबाबदारी असते. 

 स्वदेश दर्शन 2.0 : 

• स्वदेश दर्शन 2.0 ही योजना स्वदेश दर्शन ची सुधारित आवृत्ती आहे.

• शाश्वत आणि जबाबदार पर्यटन स्थळे विकसित करण्यासाठी स्वदेश दर्शन योजनेला एक समग्र ध्येय म्हणून विकसित करण्याकडे ही लक्ष देते. 

• 'व्होकल फॉर लोकल' (‘Vocal for Local’) या मंत्रासह, स्वदेश दर्शन 2.0 ही सुधारित योजना पर्यटन स्थळ म्हणून भारताच्या पूर्ण क्षमतेची जाणीव करून "आत्मनिर्भर भारत" (Aatmanirbhar Bharat) साध्य करण्याचा प्रयत्न करते.

• यासाठी खाजगी क्षेत्रातील गुंतवणूक वाढवण्याला महत्त्वही देते. 

स्वदेश दर्शन योजनेची उद्दिष्टे कोणती ? 

स्वदेश दर्शन योजना का सुरू करण्यात आली ? 

योजनेचे फायदे काय ? 

• पर्यटकांचा अनुभव/समाधान वाढविण्यासाठी पर्यटन सुविधा सेवांचा विकास करणे. 

• पर्यटनाला आर्थिक विकास आणि रोजगार निर्मितीचे प्रमुख इंजिन म्हणून स्थान देणे.

• नियोजनबद्ध आणि प्राधान्यक्रमाने पर्यटन क्षमता असलेले सर्किट विकसित करणे.

• ओळखल्या जाणाऱ्या प्रदेशांमध्ये उपजीविका निर्माण करण्यासाठी देशाच्या सांस्कृतिक आणि वारसा मूल्यांना प्रोत्साहन देणे.

• सर्किट/गंतव्यस्थानांमध्ये जागतिक दर्जाच्या पायाभूत सुविधा विकसित करून शाश्वत पद्धतीने पर्यटकांचे आकर्षण वाढवणे.

• पर्यटन, आतिथ्य आणि मालमत्ता व्यवस्थापनात खाजगी क्षेत्रातील गुंतवणूक वाढवण्याचे उद्दिष्ट आहे.

राष्ट्रपती भवनात 'पर्पल फेस्ट'चे आयोजन

RASHTRAPATI BHAVAN HOSTS ‘PURPLE FEST’

Subject : GS - सरकारी योजना - उपक्रम

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच राष्ट्रपती भवनात आयोजित 'पर्पल फेस्ट' महोत्सवाचा चा मुख्य उद्देश काय आहे ? 

1. समाजात महिलांना समजून घेणे, स्वीकृती देणे आणि त्यांचा समावेश वाढवणे.

2. समाजात ट्रान्सजेंडर लोकांना समजून घेणे, स्वीकृती देणे आणि त्यांचा समावेश वाढवणे.

3. समाजात दिव्यांग व्यक्तींना समजून घेणे, स्वीकृती देणे आणि त्यांचा समावेश वाढवणे.

4. समाजात वृद्ध व्यक्तींना समजून घेणे, स्वीकृती देणे आणि त्यांचा समावेश करणे.

उत्तर : समाजात दिव्यांग व्यक्तींना समजून घेणे, स्वीकृती देणे आणि त्यांचा समावेश वाढवणे.

बातमी काय आहे ? 

• नवी दिल्ली येथे राष्ट्रपती भवनातील अमृत उद्यानात दिव्यांगजनांची प्रतिभा, कर्तृत्व आणि आकांक्षांचा गौरव करणारा, 'पर्पल फेस्ट' हा एक दिवसीय महोत्सव आयोजित करण्यात आला होता.

• या कार्यक्रमात टाटा पॉवर, अमेरिकन इंडिया फाउंडेशन, द हंस फाउंडेशन, टेक महिंद्रा फाउंडेशन आणि इतर प्रमुख भागधारकांसोबत अभूतपूर्व भागीदारी (Collaborations) देखील झाली. 

• ही भागीदारी शिक्षण, कौशल्य, रोजगार आणि सुलभतेवर लक्ष केंद्रित करून दिव्यांगजनांच्या जीवनात शाश्वत आणि चांगला बदल घडवण्यासाठी योगदान देईल. 

पर्पल फेस्ट महोत्सवाचे आयोजन कोणत्या मंत्रालयातर्फे करण्यात आले ? 

• भारत सरकारच्या सामाजिक न्याय आणि सक्षमीकरण मंत्रालयातर्फे (Union Ministry of Social Justice and Empowerment) पर्पल फेस्ट महोत्सवाचे आयोजन करण्यात आले. 

पर्पल फेस्ट महोत्सवाचे उद्दिष्ट कोणते ? 

पर्पल फेस्ट महोत्सव का आयोजित करण्यात येतो ? 

• विविध प्रकारचे अपंगत्व आणि लोकांच्या जीवनावर होणाऱ्या त्याच्या परिणामांविषयी जनजागृती करणे आणि

• समाजात दिव्यांग व्यक्तींचा स्वीकार आणि समावेश याबद्दल समज वाढवणे, हे 'पर्पल फेस्ट' या महोत्सवाचे उद्दिष्ट आहे.

• पर्पल फेस्ट' हा दिव्यांग व्यक्तींच्या समावेश, सक्षमीकरण आणि समानतेच्या दिशेने एक महत्त्वाचा उपक्रम आहे.

पर्पल फेस्ट महोत्सवात आयोजित उपक्रम : 

• क्रीडा स्पर्धा

• डिजिटल समावेशन आणि उद्योजकता या विषयावरील कार्यशाळा

• अ‍ॅबिलिंपिक (अपंगांसाठी कौशल्य प्रदर्शन स्पर्धा)

• सृजनात्मक उपक्रम

• सांस्कृतिक कार्यक्रम

जागतिक क्षयरोग दिन

World Tuberculosis (TB) Day 

Subject : GS - विज्ञान आणि तंत्रज्ञान - रोग आणि आजार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक क्षयरोग दिन केव्हा असतो ? 

1. 24 मार्च

2. 31 मार्च

3. 2 एप्रिल

4. 1 मे 

उत्तर : 24 मार्च

जागतिक क्षयरोग दिन केव्हा असतो ?

क्षयरोगाच्या जिवाणूंचा शोध कोणी लावला ? 

• इ.स. 1882 साली डॉ.रॉबर्ट कॉक यांनी क्षयरोगाच्या जिवाणूंचा शोध लावला.

• त्यांचा प्रबंध जागतिक शास्त्रज्ञांच्या परिषदेत मांडला व त्यास दिनांक 24 मार्च रोजी मान्यता मिळाली. म्हणून दरवर्षी 24 मार्च हा दिवस जागतिक क्षयरोग दिन म्हणून सर्वत्र पाळला जातो.

क्षयरोग (TB) आजार कसा होतो ?

• क्षयरोग हा मायक्रोबॅक्टेरियम ट्युबरक्युलोसीस (Mycobacterium Tuberculosis) नावाच्या जीवाणूंमुळे (Bacteria) होणारा रोग आहे. 

• क्षयरोग (TB) हा संसर्ग झालेल्या व्यक्तीच्या खोकल्या किंवा शिंकण्यातील लहान थेंबांच्या श्वासाद्वारे पसरणारा एक जिवाणूजन्य आजार आहे.

क्षयरोग कसा पसरतो ?

• क्षयरोग हा फुफ्फुसात सक्रिय क्षयरोग असलेल्या लोकांनाकडून खोकला, थुंकणे, बोलणे किंवा शिंकताना हवेतून एका व्यक्तीकडून दुसऱ्या व्यक्तीकडे पसरतो.

क्षय रोगाची लक्षणे काय आहेत ?

क्षय रोगा वरील उपचार काय आहेत ?

• उपचाराने, TB बरा होऊ शकतो.

• प्रतिजैविकांचा (Antibiotics) कोर्स सहसा 6-18 महिन्यांसाठी घ्यावा लागतो.

जागतिक क्षयरोग दिन 2025 ची संकल्पना थीम कोणती ? 

• "होय! आम्ही क्षयरोग संपवू शकतो : वचनबद्ध करा, गुंतवणूक करा, वितरित करा" ही जागतिक क्षयरोग दिन 2025 ची संकल्पना आहे. 

• Yes! We Can End TB: Commit, Invest, Deliver

• याचा अर्थ असा की आपण सर्वांनी मिळून, शाश्वत वचनबद्धता, आर्थिक गुंतवणूक आणि प्रभावी माध्यमातून व्यक्तींपर्यंत मदत पोहचवून असा क्षयरोगाचा संपवू शकतो असा होतो. 

• क्षयरोगाविरुद्धच्या लढाईत केवळ सरकारचाच नव्हे तर सामान्य नागरिकांचाही सहभाग आवश्यक आहे.

जागतिक क्षयरोग (TB) अहवाल 2024 मधील भारताबद्दल IMP माहिती :

• भारतात क्षयरोगाचे सर्वाधिक प्रमाण आहे.

• जागतिल एकूण क्षयरोगाच्या रूग्णांपैकी तब्बल 26% रुग्ण फक्त भारतात आहे. 

• जागतिल एकूण क्षयरोगाशी संबंधित मृत्यू पैकी 29% मृत्यू भारतात होतात. 

• 2023 मध्ये, भारतात 27 लाख क्षयरोगाचे रुग्ण आढळले होते, त्यापैकी 25.1 लाख व्यक्तींचे निदान झाले होते आणि त्यांच्यावर उपचार करण्यात आले होते. 

• 2015 ते 2023 मध्ये भारतातील क्षयरोगाच्या घटनांमध्ये 17.7% टक्के घट झाली आहे.

नि:क्षय पोषण योजना काय आहे ?

• नि:क्षय पोषण योजना आरोग्य आणि कुटुंब कल्याण मंत्रालयाने एप्रिल 2018 मध्ये राष्ट्रीय आरोग्य अभियान (National Health Mission) अंतर्गत सुरू केली होती.

• ही भारतातील राष्ट्रीय क्षयरोग निर्मूलन कार्यक्रम (National Tuberculosis Elimination Program) अंतर्गत थेट लाभ हस्तांतरण योजना आहे.

• नि:क्षय पोषण योजनेंतर्गत क्षयरुग्णांना थेट लाभ हस्तांतरणाच्या माध्यमातून आर्थिक सहाय्य दिले जाते.

• आर्थिक सहाय्य : जो रूग्ण TB विरोधी उपचार घेत आहेत, त्याला दर महिन्याला ₹1000 रूपये या प्रमाणे त्याच्या बॅंक खात्यात पैसे जमा केले जातात.

शहीद दिवस : 23 मार्च 

Shaheed Diwas 

भारत मातेचे थोर सुपुत्र, स्वातंत्र्यसैनिक भगतसिंग, सुखदेव आणि राजगुरू यांना पुण्यतिथी दिनी विनम्र आदरांजली 🙏💐💐

Subject : GS - दिनविशेष, इतिहास - आधुनिक भारताचा इतिहास, क्रांतीकारक

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) स्वातंत्र्यसैनिक भगतसिंग, राजगुरू आणि सुखदेव यांना ------- रोजी फाशी देण्यात आली.

(सरळसेवा भरती, महाराष्ट्र पोलीस भरती, SSC MTS 2022,2023) 

1. 25 मार्च 1932

2. 23 मे 1931

3. 23 मार्च 1931

4. 21 एप्रिल 1930

उत्तर : 23 मार्च 1931

शहीद-ए-आझम भगतसिंग : 

• जन्म : भगतसिंग यांचा जन्म 28 सप्टेंबर 1907 रोजी ब्रिटिश भारतात बंगा, पंजाब, (आता पाकिस्तानमध्ये) येथे एका शीख कुटुंबात झाला. 

• भगतसिंग यांचे वडील किशन सिंग आणि काका अजित सिंग हे स्वातंत्र्यसैनिक होते. 

• 1919 मध्ये झालेल्या जालियनवाला बाग हत्याकांडामुळे भगतसिंग यांच्या मनावर खोलवर परिणाम झाला. 

• वयाच्या 12 व्या वर्षी भारताच्या स्वातंत्र्यासाठी लढण्याची त्यांनी शपथ घेतली.

• स्वातंत्र्य लढ्यासाठी तरुणांना एकत्रित करण्यासाठी 1926 मध्ये भगतसिंग यांनी नौजवान भारत सभेची स्थापना केली.

• भगतसिंग यांना प्रेमाने शहीद-ए-आझम (अर्थ : महान शहीद) म्हणून ओळखले जाते.  

हुतात्मा शिवराम हरी राजगुरू : 

• हुतात्मा शिवराम हरी राजगुरू हे भारतीय स्वातंत्र्य चळवळीतील एक सशस्त्र क्रांतिकारक होते. 

• जन्म : 24 ॲागस्ट 1908 रोजी पुणे जिल्ह्यातील खेड या गावी एका मध्यमवर्गीय घरात त्यांचा जन्म झाला.

• (त्यांच्या स्मरणार्थ खेड या गावचे राजगुरुनगर असे नामकरण करण्यात आले.)

• पुढे हिंदुस्थान सोशलिस्ट रिपब्लिकन आर्मी सुरू झाल्यावर ते या क्रांतिसैन्याचे सैनिक बनले.

• संस्कृत व मराठीबरोबरच इंग्रजी, कन्नड, मलयाळम्, हिंदी व उर्दू या भाषाही त्यांना चांगल्या अवगत होत्या.

• त्यांचा बंदुकीचा नेम अचूक होता. त्यांना हिंदुस्थान सोशालिस्ट रिपब्लिकन असोसिएशनचा (HSRA) " गनमॅन " म्हटले जात.

हुतात्मा सुखदेव थापर : 

• जन्म : सुखदेव थापर यांचा जन्म 15 मे 1907 रोजी पंजाबमधील लुधियाना येथे झाला. 

• स्वातंत्र्यलढ्यातील तरुण भरतीसाठी त्यांनी प्रशिक्षण शिबिरेही आयोजित केली.

• त्यांनी तरुणांना एकत्र जमविण्यास सुरुवात केली. 

• ते हिंदुस्तान सोशालिस्ट रिपब्लिकन असोसिएशन (HSRA) चे सदस्य होते. 

• त्यांनी ‘ हिंदुस्थान रिपब्लिकन असोसिएशन ‘च्या वाङ्‌मयाचा तरुणांत प्रचार केला. 

• जे.पी. सॉन्डर्स यांच्या हत्येची अंमलबजावणी आणि नियोजन करण्यात त्यांनी महत्त्वाची भूमिका बजावली. 

• त्यांनी कैद्यांना होणाऱ्या अमानुष वागणुकीच्या निषेधार्थ 1929 च्या तुरुंग उपोषणात भाग घेतला.

अटक, खटला आणि फाशी : 

• पोलिसांच्या लाठीहल्ल्यात लाला लजपत राय यांचा मृत्यू झाला. त्यांच्या मृत्यूचा बदला म्हणून 1928 मध्ये (लाहोर कट प्रकरण) पोलिस अधिकारी जे. पी. साँडर्स याला भगतसिंग, राजगुरू आणि आझाद यांनी गोळ्या घालून ठार केले.

• 18 एप्रिल 1929 रोजी, दडपशाही ब्रिटीश कायद्यांचा निषेध करण्यासाठी भगतसिंग आणि बटुकेश्वर दत्त यांनी दिल्लीत केंद्रीय विधानसभेत बॉम्ब फेकला आणि ते स्वतः हून अटक झाले.

• नंतर लाहोर कट प्रकरणात खुनाचा आरोप त्यांच्यावर ठेवण्यात आला. 

• त्यांच्यावर खटला चालवण्यात आला, त्यांना दोषी ठरवण्यात आले.

• भगतसिंग, राजगुरू आणि सुखदेव यांना फाशीची शिक्षा सुनावण्यात आली. 

• 23 मार्च 1931 रोजी लाहोर येथे भगतसिंग, राजगुरू आणि सुखदेव यांना फाशी देण्यात आली.

• दरवर्षी 23 मार्च हा दिवस स्वातंत्र्यसैनिक भगतसिंग, सुखदेव आणि राजगुरू यांना श्रद्धांजली म्हणून शहीद दिन म्हणून पाळला जातो.