61st Raising Day of BSF

Subject : GS - दिनविशेष, संरक्षण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी सीमा सुरक्षा दल (BSF) स्थापना दिन केव्हा साजरी केला जातो ?

(SSC GD)

1) 10 मार्च

2) 8 ऑक्टोबर

3) 21 ऑक्टोबर

4) 1 डिसेंबर

उत्तर) 1 डिसेंबर

• केंद्रीय औद्योगिक सुरक्षा बल (CISF) स्थापना दिन : 10 मार्च

• भारतीय वायुसेना दिन : 8 ऑक्टोबर

• पोलीस स्मृती दिन : 21 ऑक्टोबर

• सीमा सुरक्षा दल (BSF) स्थापना दिन : 1 डिसेंबर

सीमा सुरक्षा दल (BSF) बद्दल IMP वनलाईनर पॉईंट्स : 

BSF : Border Security Force 

सीमा सुरक्षा दलाची स्थापना केव्हा करण्यात आली ? 

• 1965 पर्यंत भारताच्या पाकिस्तानच्या सीमेवर राज्य सशस्त्र पोलीस बटालियनचे व्यवस्थापन होते. 

• 9 एप्रिल 1965 रोजी पाकिस्तानने कच्छमधील सरदार पोस्ट, छर बेट आणि बेरिया बेटावर हल्ला केला. 

• या घटनेमुळे सशस्त्र आक्रमणाचा सामना करण्यासाठी भारत सरकारला एका विशेष केंद्र नियंत्रित सीमा सुरक्षा दलाची गरज भासली, जी पाकिस्तानच्या आंतरराष्ट्रीय सीमेवर सशस्त्र आणि प्रशिक्षित असेल.

• समितीच्या शिफारशीनुसार 1 डिसेंबर 1965 रोजी सीमा सुरक्षा दलाची स्थापना करण्यात आली.

• BSF हे गृह मंत्रालयाच्या प्रशासकीय नियंत्रणाखाली काम करते. 

सीमा सुरक्षा दलाचे पहिले महासंचालक कोण आहेत ?

• श्री के. एफ. रुस्तमजी (Shri K F Rustamji), हे BSF चे पहिले महासंचालक होते.

• BSF च्या स्थापनेत त्यांनी महत्त्वाची भूमिका बजावली.

• यामुळे त्यांना BSF चे Founding Father म्हणून ही ओळखले जाते.

सीमा सुरक्षा दलाचे सध्याचे महासंचालक कोण आहेत ?

• श्री. दलजीत सिंह चौधरी (Shri Daljit Singh Chawdhary , IPS) सर BSF चे वर्तमान महासंचालक (DIRECTOR GENERAL) आहेत.

सीमा सुरक्षा दलाचे बोधवाक्य (Motto) काय आहे ? 

• जीवन पर्यंत कर्तव्य (Duty Until Death) हे सीमा सुरक्षा दलाचे बोधवाक्य आहे . 

BSF चे विशेष युनिट्स कोणते ? 

• हवाई शाखा

• नौदल शाखा

• तोफखाना रेजिमेंट

• क्रीक क्रोकोडाइल कमांडो फोर्स 

• थार वाळवंटातील विशेष ऑपरेशन्ससाठी उंटांची तुकडी (camel cavalry)

BSF कोठे तैनात आहेत ? 

अंदाजे 2.6 लाख जवानांचा समावेश असलेले BSF, 

• भारत-पाकिस्तान आंतरराष्ट्रीय सीमा, 

• भारत-बांग्लादेश आंतरराष्ट्रीय सीमा, 

• नियंत्रण रेषेवर (LoC) 

• काश्मीर खोऱ्यात घुसखोरीविरोधी भूमिका

• ईशान्य प्रदेशातील बंडखोरी

• ओडिशा आणि छत्तीसगड राज्यांमध्ये नक्षलविरोधी ऑपरेशन क्षेत्रांमध्ये तैनात आहे.  

• तसेच BSF पाकिस्तान आणि बांगलादेश आंतरराष्ट्रीय सीमेवरील एकात्मिक चेक पोस्टची सुरक्षा देखील करत आहे.

BSF चे काही महत्वाचे योगदान : 

• 1971 मध्ये भारत-पाकिस्तान युद्धात BSF देश संरक्षणा बरोबर अडकलेल्या बांग्लादेशी नागरिकांना मदत करून माणूसकीचे दर्शन घडविले. 

• 1999 च्या कारगिल युद्धादरम्यान, BSF पर्वतांच्या उंचीवर राहिले आणि सैन्याबरोबर एकजुटीने सर्व सामर्थ्याने देशाच्या अखंडतेचे रक्षण केले.

• BSF चे जवान गेल्या 10 वर्षांपासून मणिपूरमध्ये अंतर्गत सुरक्षा कर्तव्य बजावत आहेत आणि त्या भागात बंडखोरीचा यशस्वीपणे सामना करत आहेत.

• 26 जानेवारी 2001 रोजी गुजरातमध्ये झालेल्या भूकंपाच्या वेळी, BSF ने संकटग्रस्त लोकांना मदत केली.

• BSF प्रसिद्ध करतारपूर कॉरिडॉरवरील सुरक्षेची जबाबदारी हाताळत आहे.

• BSF ने कोविड महामारी दरम्यान सीमावर्ती भागात राहणाऱ्या लोकांना आवश्यक मदत प्रदान केली.

• नैसर्गिक आपत्ती/आपत्तीच्या वेळी, 2014 मध्ये काश्मीर पूर, 2018 मध्ये केरळ पूर आणि 2013 मधील केदारनाथ दुर्घटना यासारख्या तैनातीच्या क्षेत्रात BSF संकटकाळी तत्परतेने मदत पुरवली.

World AIDS Day : 2025

Subject : GS - दिनविशेष, विज्ञान आणि तंत्रज्ञान - रोग आणि आजार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक एड्स दिन केव्हा साजरी केला जातो ?

(SSC GD 2021)

1. 1 डिसेंबर

2. 14 नोव्हेंबर

3. 12 नोव्हेंबर

4. 24 ऑक्टोबर

उत्तर : 1 डिसेंबर

• 1 डिसेंबर : जागतिक एड्स दिन

• 14 नोव्हेंबर : जागतिक मधुमेह दिन

• 12 नोव्हेंबर : जागतिक न्यूमोनिया दिन

• 24 ऑक्टोबर : जागतिक पोलिओ दिवस

HIV आणि AIDS आजारा संदर्भात परीक्षेसाठी IMP वनलाईनर पॉईंट्स :

• एड्स आजाराबाबत जनजागृती करण्यासाठी दरवर्षी 1 डिसेंबरला 'जागतिक एड्स दिन' साजरा केला जातो. 

• जागतिक एड्स दिन पहिल्यांदा 1988 रोजी साजरी करण्यात आला.

जागतिक एड्स दिन का साजरी करतात ?

• जागतिक एड्स दिन हा एक क्षण आहे जो आपल्याला आठवण करून देतो की आपण सर्वजण एड्सविरुद्धच्या लढाईत एकत्र आहोत.  

• जगभरातील HIV ग्रस्त लोकांसाठी समर्थन दर्शविण्यासाठी आणि एड्स-संबंधित आजारांमुळे मरण पावलेल्या लोकांचे स्मरण करण्यासाठी दरवर्षी जागतिक एड्स निर्मुलन दिन साजरी करतात.

जागतिक एड्स दिन 2025 ची संकल्पना (थीम) काय आहे ?

• "व्यत्ययांवर मात करणे, एड्स प्रतिसादात परिवर्तन" (Overcoming disruption, transforming the AIDS Response) ही जागतिक एड्स दिन 2025 ची संकल्पना आहे

• 2030 पर्यंत एड्स संपवण्यासाठी शाश्वत राजकीय नेतृत्व, आंतरराष्ट्रीय सहकार्य आणि मानवाधिकार-केंद्रित दृष्टिकोनाचे आवाहन या द्वारे करण्यात आले आहे.

HIV (ह्युमन इम्युनोडेफिशियन्सी व्हायरस) म्हणजे काय ?

What is HIV - Human Immunodeficiency Virus ?

• HIV हा एक विषाणू आहे जो रोगप्रतिकारक प्रणालीवर हल्ला करतो.

• पांढऱ्या रक्त पेशी ह्या रक्तातील संरक्षक पेशी असतात. या रोगप्रतिकारक शक्तीचे काम करतात.

• शरीरात प्रवेश केल्यावर HIV विषाणू पांढऱ्या रक्त पेशी (मुख्यतः CD4 पेशी) नष्ट करतो.

• HIV विषाणू मानवी रोगप्रतिकारक शक्तीला गंभीरपणे नुकसान करतात.

एड्स काय असतो ?

• AIDS चा फूल फॅार्म Acquired Immuno Deficiency Syndrome हा आहे.

• एड्स हा HIV संसर्गाचा शेवटचा टप्पा आहे जो विषाणूमुळे शरीराची रोगप्रतिकारक शक्ती खूप कमी झाल्यामुळे होतो.

HIV चा प्रसार कसा होतो ? 

• HIV प्रामुख्याने रक्त, वीर्य, ​​योनि स्राव आणि आईच्या दुधासह काही शारीरिक द्रव्यांच्या देवाणघेवाणीद्वारे प्रसारित केला जातो.

• संक्रमणाचा सर्वात सामान्य मार्ग म्हणजे लैंगिक संपर्काद्वारे, विशेषतः HIV संक्रमित भागीदारासह असुरक्षित लैंगिक संबंध. 

• HIV असणाऱ्या व्यक्तीसोबत सुया किंवा सिरिंज शेअर करणे.

• HIV असणाऱ्या व्यक्तीकडून रक्त संक्रमण किंवा अवयव प्रत्यारोपण करणे.

• स्तनपान करताना HIV असणाऱ्या आईकडून बाळामध्ये संक्रमण हे देखील संक्रमणाचे संभाव्य मार्ग आहेत.

टॅटू काढल्यामुळे किंवा बॉडी पिअर्सिंगमुळं HIV ची लागण होऊ शकते का ? 

• HIV संक्रमित रक्ताच्या संपर्कात आलेली उपकरणं योग्य पद्धतीनं निर्जंतुक केली नाहीत किंवा तशीच इतर ग्राहकांसाठी वापरली तर HIV चा प्रसाराचा धोका असतो.

• त्यामुळे

इंजेक्शनद्वारे, किंवा टॅटू काढल्यामुळे HIV ची लागण होऊ शकते.

HIV ची लक्षणे काय आहेत ?

• ताप येणे, थंडी वाजते, खोकला, श्वास घेण्यास त्रास होणे, वजन कमी होणे, स्नायू दुखणे, रात्रीचा घाम येणे, पुरळ उठणे आणि लसिका ग्रंथी सुजणे यासारखी इतर सामान्य लक्षणे देखील असू शकतात.

HIV/ AIDS वर उपचार काय आहे ? 

• HIV किंवा AIDS वर कोणताही इलाज नसला तरी HIV AIDS साठी उपचार उपलब्ध आहेत जे व्हायरसचे व्यवस्थापन करण्यात आणि एड्सची वाढ रोखण्यात मदत करू शकतात. 

• अँटीरेट्रोव्हायरल थेरपी (AntiRetroviral Therapy, or ART) HIV साठी मानक उपचार आहे. 

• ART मध्ये व्हायरस दडपणाऱ्या औषधांचा समावेश असतो, ज्यामुळे रोगप्रतिकारक शक्ती पुनर्प्राप्त होते आणि एड्सची वाढ रोखते.

• ART अत्यंत प्रभावी असल्याचे दर्शविले गेले आहे, ज्यामुळे HIV असलेल्या लोकांना दीर्घ आणि निरोगी आयुष्य जगता येते.

HIV/ AIDS संदर्भात वारंवार विचारले जाणारे प्रश्न : 

प्रश्न) एकमेकांबरोबर कप, भांडी शेअर केल्याने किंवा हात मिळवल्याने एचआयव्ही किंवा एड्स होऊ शकतो का ?

उत्तर : नाही 

प्रश्न) मच्छर आणि किटकांच्या चावण्यामुळे HIV पसरू शकतो का ? 

उत्तर : नाही. 

• किटक HIV चा प्रसार करू शकत नाहीत. हे विषाणू किटकांच्या शरिरात जगू शकत नसल्याचं संशोधनातून समोर आलं आहे.

Who is the new Chief Secretary of Maharashtra ?

Subject : GS - नियुक्ती, राज्यशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 30 नोव्हेंबर 2025 रोजी महाराष्ट्राचे नवे मुख्य सचिव म्हणून कोणी पदभार स्वीकारला ?

1. राजेश कुमार

2. सुमित मलिक

3. मनुकुमार श्रीवास्तव

4. राजेश अग्रवाल

उत्तर : राजेश अग्रवाल

बातमी काय ?

• सामान्य प्रशासन विभागाचे अपर मुख्य सचिव राजेश अग्रवाल यांची महाराष्ट्राचे नवीन मुख्य सचिव म्हणून नियुक्ती झाली

• मुख्य सचिव श्री राजेश कुमार हे 30 नोव्हेंबर 2025 रोजी सेवानिवृत्त झाले.

• श्री राजेश अग्रवाल यांनी 30 नोव्हेंबर 2025 रोजी महाराष्ट्राचे नवे मुख्य सचिव म्हणून पदभार स्वीकारला.

श्री राजेश अग्रवाल यांबद्दल परीक्षेसाठी IMP वनलाईनर पॉईंट्स : 

• भारतीय प्रशासकीय सेवा (IAS) : श्री राजेश अग्रवाल हे भारतीय प्रशासकीय सेवेतील महाराष्ट्र कॅडरचे 1989 चे अधिकारी आहे.

• मूळ गाव : त्यांचे मूळ गाव पंजाबमधील जालंधर हे आहे.

• शैक्षणिक पात्रता : त्यांनी कॉम्प्युटर सिस्टिम विषयामध्ये बी.टेक (B.Tech – Computer Systems) केले आहे.

राज्यातील मंत्रिमंडळाचा प्रमुख प्रशासकीय सल्लागार कोण असतो ? 

(MPSC राज्‍यसेवा पूर्व परीक्षा 2016, PSI, पोलिस भरती, Group-C Combined Pre)

• राज्य शासनातील सर्वोच्च पदस्थ IAS अधिकारी यांची राज्याचे मुख्य सचिव (Chief Secretary) म्हणून नियुक्ती करण्यात येत असते.

• राज्याचे मुख्य सचिव मुख्यमंत्री आणि मंत्रिमंडळाचे प्रमुख प्रशासकीय सल्लागार असतात.

• मुख्य सचिव राज्यातील सर्व विभागप्रमुख (Principal Secretaries, Secretaries) यांच्यावर समन्वयक (Coordinator) म्हणून काम करतो.

• राज्यातील संपूर्ण प्रशासन, धोरण अंमलबजावणी आणि कायदा-सुव्यवस्था यांचे एकत्रीकरण करण्याची जबाबदारी मुख्य सचिवांची असते.

• मुख्य सचिव हे राज्य सरकारच्या सामान्य प्रशासन विभागाचे (General Administration Department) प्रमुख असतात.

• हे पद एकाच राज्यात फक्त एक IAS अधिकाऱ्याला दिले जाते.

🏛️ मुख्य सचिवाच्या मुख्य भूमिका कोणत्या ? 

• मुख्यमंत्री आणि मंत्रिमंडळाला धोरणात्मक सल्ला देणे.

• सर्व विभागांमधील धोरणे व योजनांची प्रभावी अंमलबजावणी करणे.

• वरिष्ठ IAS अधिकाऱ्यांची बदली, पोस्टिंग, प्रमोशन यावर धोरणात्मक मत देणे.

• राज्यातील आपत्ती व्यवस्थापन, प्रशासनिक सुधारणा आणि तातडीचे निर्णय हाताळणे.

• राज्यातील पूर्ण प्रशासकीय यंत्रणा सुरळीत ठेवण्याची सर्वोच्च जबाबदारी पार पाडणे.

Dayanand Anglo-Vedic Ratna Award

Subject : GS - पुरस्कार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राज्यपाल आचार्य देवव्रत यांच्या हस्ते दयानंद अँग्लो-वेदिक रत्न पुरस्कार खालील पैकी कोणाला प्रदान करण्यात आला ?

1. अमिताभ बच्चन

2. अनुपम खेर

3. शाहरूख खान

4. विक्रांत मेस्सी

उत्तर : अनुपम खेर

बातमी काय ?

• शिमला येथील डीएव्ही पब्लिक स्कूलचे माजी विद्यार्थी असलेले प्रसिद्ध अभिनेते अनुपम खेर यांना आज राज्यपाल आचार्य देवव्रत यांच्या हस्ते डीएव्ही रत्न पुरस्काराने सन्मानित करण्यात आले.

दयानंद अँग्लो-वेदिक रत्न पुरस्कार कोणाला दिला जातो ?

• दयानंद अँग्लो-वेदिक संस्थेच्या प्रतिष्ठित माजी विद्यार्थ्यांना दयानंद अँग्लो-वेदिक रत्न पुरस्कार दिला जातो.

• उल्लेखनीय कौशल्य, कारकीर्द, समाजसेवा व राष्ट्रीय किंवा आंतरराष्ट्रीय स्तरावरील योगदानासाठी हा पुरस्कार दिला जातो. 

• हा पुरस्कार DAV व्यवस्थापन समिती (DAV College Managing Committee) मार्फत दिला जातो. 

अनुपम खेर यांना दयानंद अँग्लो-वेदिक रत्न पुरस्कार का देण्यात आला ?

• अनुपम खेर हे शिमला येथील DAV पब्लिक स्कूलचे माजी विद्यार्थी आहे.

• त्यांनी 1 ली ते 11 वी पर्यंतचे शिक्षण याच शाळेत घेतले.

• सुप्रसिद्ध अभिनेते अनुपम खेर यांना त्यांच्या चित्रपट आणि कला क्षेत्रातील महान योगदानासाठी व सामाजिक कार्यासाठी दयानंद अँग्लो-वेदिक रत्न पुरस्कार देऊन गौरविण्यात आले.

पुरस्कार कोणाकडून प्रदान करण्यात आला ?

• पुरस्कार प्रदानकर्ते : महाराष्ट्राचे राज्यपाल आचार्य देवव्रत

• कार्यक्रम स्थळ : राजभवन, मुंबई

What grade did the IMF give to India ?

Subject : GS - अर्थशास्त्र, जागतिक रिपोर्ट

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) आंतरराष्ट्रीय नाणेनिधी (IMF) च्या डेटा मूल्यांकनात (2025) भारताला कोणती ग्रेड देण्यात आली ?

1. A

2. B

3. C

4. D

उत्तर : C

बातमी काय ?

• आंतरराष्ट्रीय नाणेनिधीने (IMF) त्यांच्या अलीकडच्या अहवालात भारताच्या GDP आणि त्याच्या आकडेवारीच्या गुणवत्तेला 'C' रेटिंग दिले आहे.

International Monetary Fund (IMF) ग्रेडिंग काय सांगते ?

• A ग्रेड म्हणजे देखरेखीसाठी पुरेसा डेटा आहे.

• B ग्रेड म्हणजे डेटामध्ये काही कमतरता आहेत, परंतु तो डेटा देखरेखीसाठी पुरेसा आहे.

• C ग्रेड म्हणजे डेटामध्ये काही कमतरता आहेत आणि त्यामुळे देखरेख करण्यावर काही प्रमाणात परिणाम होत आहे.

• D ग्रेड म्हणजे डेटामध्ये गंभीर कमतरता आहेत. त्यामुळे देखरेख करण्यात लक्षणीय अडथळा येतो आहे.

भारताला ‘C’ ग्रेड का मिळाली ? 

1) कालबाह्य आधार वर्ष (Outdated Base Year) :

• GDP मोजताना अजूनही 2011–12 चे बेस वर्ष वापरले जाते.

• अर्थव्यवस्था गेल्या 12 वर्षांत खूप बदलली आहे—डिजिटल पेमेंट्स, स्टार्टअप्स, नवीन सेवा क्षेत्रे वाढली आहेत.

• म्हणून जुने बेस वर्ष आजची अर्थव्यवस्था योग्यरीत्या दाखवत नाही.

2) चुकीची चलनवाढ समायोजन पद्धत (Flawed Deflation Method) :

• GDP मोजताना किंमतीतील बदल समायोजित करण्यासाठी भारतात घाऊक किंमत निर्देशांक (Wholesale Price Index -WPI) वापरला जातो.

• पण आधुनिक अर्थव्यवस्थेत उत्पादक किंमत निर्देशांक (Producer Price Index -PPI)आणि Double Deflation वापरणे योग्य असते.

• WPI आणि Single Deflation वापरल्यामुळे GDP च्या वास्तविक वाढीत चूक (Bias) येऊ शकते.

3) डेटा गॅप्स (Data Gaps): 

• उत्पादन पद्धतीने मोजलेला GDP आणि खर्च पद्धतीने मोजलेला GDP यामध्ये तफावत आढळते,

• आणि ही तफावत स्पष्टपणे समजावली गेलेली नाही.

• म्हणजे दोन्ही बाजूंच्या आकड्यांची जुळवाजुळव नीट होत नाही.

4) तपशीलवार डेटाचा अभाव (Lack of Detailed Data) :

• विविध क्षेत्रांतील गुंतवणुकीचा डेटा वेळेवर मिळत नाही.

• GDP साठी आवश्यक असलेला हंगामानुसार समायोजित डेटा (seasonally adjusted data) उपलब्ध नाही.

• त्यामुळे आर्थिक विश्लेषण करताना काही महत्त्वाची माहिती अपूर्ण राहते.

IMF च्या मुख्य शिफारसी कोणत्या ?

• नवी जनगणना तातडीने करणे.

• राज्यांच्या सांख्यिकी विभागांना मजबूत करणे.

• High-Frequency, Digital Data पद्धती वाढवणे.

• GDP व CPI चे नवे Base Year नियमितपणे ठरवणे.

• सांख्यिकी लेखापरीक्षण प्राधिकरणाची (Statistical Audit Authority) स्थापना करणे.

• राष्ट्रीय सांख्यिकी कार्यालय (National Statistical Office - NSO) साठी संसाधने वाढवणे.

भारत सरकारची सुधारणा (Corrective Action) : 

• भारत एक मोठी सांख्यिकीय सुधारणा करत आहे, ज्यामध्ये फेब्रुवारी 2026 मध्ये नवीन GDP मालिका (2022-23 बेस इयर) आणि CPI मालिका (2024 बेस इयर) लाँच होणार आहे.

WorldSkills Asia Competition 2025 

Subject : GS - खेळ

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक कौशल्य आशिया स्पर्धा 2025 मध्ये भारताने कितवा क्रमांक मिळविला ?

1. पहिला

2. चौथा

3. पाचवा

4. आठवा

उत्तर : आठवा

बातमी काय ?

• भारताने 2025 मध्ये पहिल्यांदाच जागतिक कौशल्य आशिया स्पर्धा (WorldSkills Asia Competition) मध्ये भाग घेतला.

जागतिक कौशल्य आशिया स्पर्धा 2025 कोणत्या ठिकाणी आणि केव्हा झाली ?

• स्थळ : ताइपे, ताइवान (Taipei, Taiwan)

• तारीख : 27-29 नोव्हेंबर 2025 

• आयोजक : ही स्पर्धा WorldSkills Asia कडून आयोजित करण्यात आली.

• WorldSkills Asia ही WorldSkills International ची आशिया स्तरावरील स्पर्धा विभाग आहे.

जागतिक कौशल्य आशिया स्पर्धेबद्दल परीक्षेसाठी IMP वनलाईनर पॉईंट्स : 

• हा सहभाग कौशल्य विकास व उद्योजकता मंत्रालय (Ministry of Skill Development and Entrepreneurship) यांच्या नेतृत्वाखाली झाला.

• National Skill Development Corporation (NSDC) व तांत्रिक भागीदारांनी प्रशिक्षण, तयारी आणि तांत्रिक समर्थन दिले.

• भारतीय टीममध्ये 23 स्पर्धक होते, ज्यांनी 21 कौशल्य स्पर्धांमध्ये भाग घेतला.

• भारतीय स्पर्धकांनी पारंपरिक तसेच तंत्रज्ञान आधारित क्षेत्रांमध्ये उत्कृष्ट कामगिरी केली. 

2025 च्या जागतिक कौशल्य आशिया स्पर्धेत पहिला क्रमांक कोणी मिळविला ?

1) पहिला क्रमांक : United Arab Emirates (UAE) 🇦🇪

UAE ने 10 पदके जिंकली (4 सुवर्ण, 4 रौप्य, 2 मेडालियन फॉर एक्सीलेंस) आणि पहिला क्रमांक मिळविला.

2) दुसरा क्रमांक : सऊदी अरेबिया 🇸🇦

3) तिसरा क्रमांक : मलेशिया 🇲🇾

जागतिक कौशल्य आशिया स्पर्धा 2025 मध्ये भारताची कामगिरी ? 

• भारताने 1 रौप्य पदक, 2 कांस्य पदके आणि 3 उत्कृष्टता पदकं (Medallions for Excellence) जिंकली.

• 29 देशांमधून 8वा क्रमांक मिळवत भारताने कौशल्य क्षेत्रात आपली जागतिक ओळख मजबूत केली.

• ज्यातून जागतिक कौशल्य क्षेत्रात भारताचा वेगाने वाढता प्रभाव दिसून आला.

महिला स्पर्धकांचा विशेष ठसा : 

• महिला स्पर्धकांनी काही अपारंपारिक कौशल्यांमध्येही उत्तम कामगिरी केली.

• काहींना त्यांच्या कौशल्यात “Best in the Country” हा सन्मान मिळाला.

• हे भारतातील महिला कौशल्य विकासाची वाढ दर्शवणारे महत्त्वाचे पाऊल आहे.

International Day of Persons with Disabilities 2025

Subject : GS - दिनविशेष, सरकारी योजना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दिव्यांग व्यक्तींच्या सन्मानार्थ दरवर्षी आंतरराष्ट्रीय दिव्यांग दिवस केव्हा आयोजित करण्यात येतो ? 

1. 24 ऑक्टोबर

2. 12 नोव्हेंबर

3. 1 डिसेंबर

4. 3 डिसेंबर

उत्तर : 3 डिसेंबर

• 24 ऑक्टोबर : जागतिक पोलिओ दिवस

• 12 नोव्हेंबर : जागतिक न्यूमोनिया दिन

• 1 डिसेंबर : जागतिक एड्स दिन

• 3 डिसेंबर : आंतरराष्ट्रीय दिव्यांग दिवस  

आंतरराष्ट्रीय दिव्यांग दिवसा संदर्भात परीक्षेसाठी IMP वनलाईनर पॉईंट्स : 

• आंतरराष्ट्रीय दिव्यांग दिवस दरवर्षी 3 डिसेंबर रोजी पाळला जातो. 

• आंतरराष्ट्रीय दिव्यांग दिवसाला जागतिक दिव्यांग व्यक्ती दिन असेही म्हणतात.

दिव्यांग व्यक्तींची (वेगवेगळ्या सक्षम/अपंग व्यक्ती) व्याख्या काय आहे ?

• अपंग व्यक्तींचे हक्क अधिनियम 2016 नुसार अशी व्यक्ती जी, दीर्घकालीन शारीरिक, मानसिक, बौद्धिक अथवा संवेदनाक्षम दौर्बल्य असून, जी समाजात सहभागी होताना इतरांसोबत विविध अडथळ्यांमुळे संवाद साधू शकत नाही.

• केंद्र शासनाच्या दिव्यांग व्यक्तीं हक्क अधिनियम 2016 अन्वये दिव्यांगत्वाचे 21 प्रवर्ग निश्चित केले आहेत.

आंतरराष्ट्रीय दिव्यांग दिवसाची स्थापना केव्हा करण्यात आली ? 

• 1992 मध्ये संयुक्त राष्ट्र महासभेच्या 47/3 ठरावाद्वारे 'आंतरराष्ट्रीय दिव्यांग दिवस' घोषित करण्यात आला.

आंतरराष्ट्रीय दिव्यांग दिवसाचे उद्दिष्ट काय आहे ?

• दिव्यांग व्यक्तींवरील सामाजिक, सांस्कृतिक आणि आर्थिक अडचणी दूर करण्यासाठी आणि त्यांना मुख्य प्रवाहात आणण्यासाठी

• दिव्यांग व्यक्तींच्या हक्कांची आणि गरजांची पूर्तता करण्यासाठी समाजात जागरुकता निर्माण करणे

• जगभरात दिव्यांगांची चिकाटी, नेतृत्व आणि त्यांनी दिलेल्या योगदानाचा सन्मान करणे हे आंतरराष्ट्रीय दिव्यांग दिवसाचे उद्दिष्ट आहे.

आंतरराष्ट्रीय दिव्यांग दिवस 2025 ची संकल्पना (थीम) काय आहे ?

What is the theme of the International Day of Persons with Disabilities 2025 ?

• "सामाजिक प्रगतीसाठी दिव्यांगांचा सहभाग असलेल्या समाजाला चालना देणे" ही यंदाच्या आंतरराष्ट्रीय दिव्यांग दिवसाची संकल्पना आहे. 

• “Fostering Disability-Inclusive Societies for Advancing Social Progress.” 

अपंग व्यक्तींच्या हक्कांवरील अधिवेशन (Convention on the Rights of Persons with Disabilities) :

• संयुक्त राष्ट्रांनी 2006 मध्ये अपंग व्यक्तींच्या हक्कांवरील अधिवेशन स्वीकारले होते.

• भारताने या अधिवेशनावर 2007 मध्ये सही केली. 

• हे अधिवेशन स्वीकारल्यामुळे शाश्वत विकासासाठी 2030 अजेंडा आणि इतर आंतरराष्ट्रीय विकास फ्रेमवर्कच्या अंमलबजावणीमध्ये अपंग व्यक्तींचे हक्क आणि कल्याण अधिक महत्त्वाचे केले आहे.

भारतात आणि महाराष्ट्रात दिव्यांग व्यक्तींची लोकसंख्या किती आहे ? 

• 2011 च्या जनगणनेनुसार, भारतात 2.68 कोटी दिव्यांग आहेत, जे एकूण लोकसंख्येच्या 2.21% आहेत.

• सन 2011 च्या जनगणनेनुसार, महाराष्ट्रामध्ये 29,63,392 दिव्यांग व्यक्ती असून त्यांची संख्या महाराष्ट्राच्या एकूण लोकसंख्येच्या 2.63% आहे.

• महाराष्ट्रात दि.15.12.2022 च्या अधिसूचनेन्वये दिव्यांग कल्याण हा नवीन मंत्रालयीन प्रशासकीय विभाग स्थापन करण्यात आला आहे. 

दिव्यांगांसाठी सरकारी योजना/कार्यक्रम कोणते ? 

• दिव्यांग व्यक्तींसाठी शिक्षण, आरोग्य, रोजगार आणि न्याय व्यवस्थेतील सुविधा सुधारण्यासाठी अनेक योजना राबविल्या जात आहेत. 

• दिव्यांग व्यक्तींसाठी विशेष धोरणे आणि कायदे तयार केले आहेत.

उदाहरणार्थ : 

• दिव्यांग व्यक्तींना स्वैच्छिक कृतीला प्रोत्साहन देण्यासाठी दीनदयाळ दिव्यांगजन पुनर्वसन योजना 

• जिल्हा अपंगत्व पुनर्वसन केंद्र 

• अपंग व्यक्तींचे हक्क अधिनियम 2016 च्या अंमलबजावणीसाठी योजना

• दिव्यांग व्यक्तींना साधने आणि उपकरणांच्या खरेदी आणि (जागेवर) बसवण्यासाठी आर्थिक सहाय्य योजना

• दिव्यांग विद्यार्थ्यांसाठी मोफत प्रशिक्षण शिष्यवृत्ती

Dr. Rajendra Prasad

भारताचे पहिले राष्ट्रपती डॉ. राजेंद्र प्रसाद यांना जयंती दिनी विनम्र अभिवादन 🙏💐💐

Subject : GS - राज्यशास्त्र, आधुनिक भारताचा इतिहास, दिनविशेष, व्यक्ती

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न ) संविधान सभेच्या सुकाणू समिती चे अध्यक्ष खालील पैकी कोण होते ?

1. डॉ. राजेंद्र प्रसाद 

2. डॉ. बाबासाहेब आंबेडकर

3. सरदार वल्लभभाई पटेल

4. पंडित जवाहरलाल नेहरू 

उत्तर : डॉ. राजेंद्र प्रसाद 

डॉ. राजेंद्र प्रसाद यांच्या बद्दल परीक्षेसाठी IMP वनलाईनर पॉईंट्स : 

जन्म आणि शिक्षण : 

• त्यांचा जन्म 3 डिसेंबर 1884 रोजी बिहारच्या सारन जिल्ह्यातील जीरादेई या खेड्यात झाला.

• ते 1902 मध्ये कलकत्ता प्रेसिडेन्सी कॉलेजमध्ये दाखल झाले.

• 1907 मध्ये कलकत्ता विद्यापीठातून अर्थशास्त्रात पदव्युत्तर पदवी पूर्ण केल्यानंतर, त्यांनी कलकत्ता लॉ कॉलेजमध्ये कायद्याचा अभ्यास केला आणि कलकत्ता उच्च न्यायालयात प्रॅक्टिस केली.

• त्यांनी 1937 मध्ये अलाहाबाद विद्यापीठातून कायद्यात डॉक्टरेट पूर्ण केली.

भारताच्या स्वातंत्र्य चळवळीतील योगदान : 

1911 मध्ये, ते भारतीय राष्ट्रीय काँग्रेसचे सदस्य झाले.

चंपारण सत्याग्रह (1917) :

• बिहारच्या 1917 च्या चंपारण्य सत्याग्रहाच्या वेळी महात्मा गांधींशीं त्यांचा परिचय वाढला. 

• डॉ. राजेंद्र प्रसाद यांनी महात्मा गांधींच्या नेतृत्वाखालील चंपारण सत्याग्रहाला सक्रिय पाठिंबा दिला.

• असहकार चळवळीचा भाग म्हणून त्यांनी बिहारमध्ये असहकार पुकारला आणि राज्याचा दौरा केला, जाहीर सभा आयोजित केल्या आणि समर्थन मिळविण्यासाठी भाषणे दिली.

• रौलट कायदा रद्द व्हावा, म्हणून देशात १९१९ मध्ये सत्याग्रहाची चळवळ सुरू झाली. त्यावेळी डॉ. राजेंद्र प्रसाद बिहार प्रांतिक परिषदेच्या अध्यक्षपदी निवडून आले.

• 1921 मध्ये पाटण्यात त्यांनी राष्ट्रीय विद्यापीठाची स्थापना करून स्वदेशी, मद्यपानबंदी, खादीचा प्रसार इ. कार्यक्रम हाती घेतले.

• 1931 मध्ये मिठाचा सत्याग्रह आणि 1942 च्या भारत छोडो आंदोलनात त्यांना तुरुंगवास भोगावा लागला होता.

भारतीय राष्ट्रीय काँग्रेस अधिवेशनाचे अध्यक्ष : 

• डॉ. राजेंद्र प्रसाद यांनी ऑक्टोबर 1934 मध्ये भारतीय राष्ट्रीय काँग्रेसच्या मुंबई अधिवेशनाचे अध्यक्षपद भूषवले. 

• 1939 मध्ये सुभाषचंद्र बोस यांनी काँग्रेसच्या अध्यक्षपदाचा राजीनामा दिल्यानंतर डॉ. राजेंद्र प्रसाद यांची अध्यक्षपदी निवड झाली. 

• 1947 मध्ये जे. बी. कृपलानी यांनी आपल्या पदाचा राजीनामा दिल्यावर डॉ. राजेंद्र प्रसाद हे तिसऱ्यांदा भारतीय राष्ट्रीय काँग्रेसचे अध्यक्ष झाले.

डॉ. राजेंद्र प्रसाद यांचा संविधान निर्मितीत सहभाग :

• 1946 मध्ये, राजेंद्र प्रसाद भारताच्या हंगामी सरकारमध्ये अन्न आणि कृषी मंत्री म्हणून पदभार सांभाळला. 

• 1946 ते 1950 या काळात संविधान सभेचे अध्यक्ष म्हणून त्यांनी काम पाहिले.

डॉ. राजेंद्र प्रसाद संविधान सभेच्या कोण कोणत्या समितींचे अध्यक्ष होते ? 

सुकाणू समिती, कार्यपद्धती नियम समिती, वित्त आणि कर्मचारी समिती या संविधान सभेच्या समितींचे डॉ. राजेंद्र प्रसाद हे अध्यक्ष होते.

भारताचे पहिले राष्ट्रपती कोण आहेत ? 

• डॉ. राजेंद्र प्रसाद हे स्वतंत्र भारताचे पहिले राष्ट्रपती आहेत.

• डॉ. राजेंद्र प्रसाद यांनी 26 जानेवारी 1950 ते 13 मे 1962 पर्यंत भारताचे पहिले राष्ट्रपती म्हणून काम केले. 

• डॉ. राजेंद्र प्रसाद यांनी 12 वर्षे भारताचे राष्ट्रपती होती. 

• भारत सरकारने 1962 मध्ये भारतरत्न हा सर्वश्रेष्ठ पुरस्कार देऊन त्यांच्या देशसेवेचा बहुमान केला.

• निवृत्तीनंतर ते बिहारमधील आपल्या सदाकत आश्रमात राहण्यास गेले.

• डॉ. राजेंद्र प्रसाद यांचे 28 फेब्रुवारी 1963 रोजी निधन झाले.

डॉ. राजेंद्र प्रसाद यांनी लिहिलेली काही पुस्तके : 

• "चंपारण येथील सत्याग्रह", (Satyagraha at Champaran)

• " इंडिया डिवायडेड" (India Divided)

• " आत्मकथा” (Atmakatha)

• “महात्मा गांधी आणि बिहार, काही आठवणी” (Mahatma Gandhi and Bihar, Some Reminiscences)

• “बापू के कदमों में” (Bapu ke Kadmon Mein)

Maharashtra Raj Bhavan ➙ Maharashtra Lokbhavan

Subject : GS - राज्यशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महाराष्ट्र राजभवनाचे नवीन अधिकृत नाव काय ?

1. महाराष्ट्र जनभवन

2. महाराष्ट्र लोकभवन

3. महाराष्ट्र संविधान भवन

4. महाराष्ट्र लोकसदन

उत्तर : महाराष्ट्र लोकभवन

बातमी काय ?

• केंद्र सरकारच्या मार्गदर्शक सूचनेनुसार महाराष्ट्रातील राजभवनाचे नाव अधिकृतपणे ‘महाराष्ट्र लोकभवन’ असे करण्यात आले असून, याबाबत राज्यपाल आचार्य देवव्रत यांनी राजभवन सचिवालयाला निर्देश दिले आहेत.

नाव बदलण्यामागील मुख्य उद्देश कोणता ?

• राजभवन अधिक लोकाभिमुख, पारदर्शक आणि लोककल्याणाभिमुख बनवणे.

• राजभवन हे केवळ राज्यपालांचे निवासस्थान व कार्यालय एवढ्यापुरते मर्यादित न राहता, जनतेशी थेट संवादाचे केंद्र निर्माण करणे.

‘लोकभवन’ संकल्पना म्हणजे काय ?

• राज्यातील नागरिक, समाजातील विविध घटक, विद्यार्थी, संशोधक, शेतकरी आणि नागरी संघटनांसाठी खुले संवाद केंद्र.

• शासन आणि जनतेमध्ये सेवा, सहकार्य व संवादाचा सेतू म्हणून कार्य करणारी संस्था.

राज्यपालांचे मत :

• ‘लोकभवन’ हे केवळ संवैधानिक कर्तव्यांपुरते मर्यादित न राहता,

• समाजाच्या आशा, आकांक्षा आणि समस्यांप्रति संवेदनशील राहून

• नागरिकांशी थेट नाते जपणारे खरे लोककेंद्र बनेल, असे राज्यपालांनी स्पष्ट केले.

Cyclone "Ditwah" 

Subject : GS - भूगोल - हवामान : चक्रीवादळ

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलीकडेच बंगालच्या उपसागरात श्रीलंकेच्या किनाऱ्यालगत तडाखा देणाऱ्या “दितवाह” चक्रीवादळाचे नाव कोणत्या देशाने सुचवले आहे ?

1. श्रीलंका

2. येमेन

3. इंडोनेशिया

4. भारत

उत्तर : येमेन (Yemen)

बातमी काय ? 📰

• बंगालच्या उपसागरात श्रीलंकेच्या किनाऱ्यालगत सक्रिय असलेल्या चक्रीवादळ ‘दितवाह’ 🌪️ मुळे श्रीलंकेत मोठ्या प्रमाणावर नुकसान झाले असून, हे वादळ आता तामिळनाडू व आंध्र प्रदेशाकडे सरकत आहे.

⚠️ चक्रीवादळ ‘दितवाह’ चे श्रीलंकेतील परिणाम (Impact in Sri Lanka) :

• चक्रीवादळ ‘दितवाह’ मुळे श्रीलंकेत पूर 🌊, दरडी कोसळणे ⛰️, वादळाशी संबंधित अपघात 🚑 या घटनांमुळे किमान 56 जणांचा मृत्यू झाला आहे.

• धोकादायक भागांतील नागरिकांचे स्थलांतर करून आपत्कालीन उपाययोजना 🚨 राबवण्यात येत आहेत.

📍चक्रीवादळ दितवाह कोठे तयार झाले ?

• चक्रीवादळ दितवाह (Ditwah) ची निर्मिती श्रीलंकेच्या किनाऱ्याजवळील गंभीर कमी दाबाच्या (Deep Depression) क्षेत्रातून 🌧️ झाली.

• भारतीय हवामान विभागाने (IMD) ☁️ याला चक्रीवादळ (Cyclonic Storm) म्हणून वर्गीकृत केले आहे.

• सध्या तरी हे वादळ तीव्र चक्रीवादळात रूपांतर होण्याची शक्यता कमी ⚖️ असल्याचे सांगण्यात आले आहे.

चक्रीवादळ दितवाह तयार होण्यासाठी लागणारे भौगोलिक व हवामान परिस्थिती 🌍 :

• ‘चक्रीवादळ दितवाह’ ची निर्मिती ईशान्य मान्सूनच्या काळात 🌬️ झाली आहे.

• बंगालच्या उपसागरातील उबदार समुद्राच्या पृष्ठभागावर तापमानामुळे चक्रीवादळाला बळ मिळाले.

• तसेच चक्रीवादळ ‘सेनयार’ (Senyar) च्या अवशेषांमुळे वातावरणात अधिक आर्द्रता व अस्थिरता निर्माण झाली.

🏷️ चक्रीवादळाला “दितवाह” हे नाव कोणी दिले ?

Who gave the name Ditwah to cyclone ?

• चक्रीवादळाला ‘दितवाह’ हे नाव येमेन (Yemen) 🇾🇪 देशाने दिले आहे.

• हे नाव येमेनच्या सोकोत्रा बेटावरील ‘दितवाह’ खारफुटी तलाव (Detwah Lagoon) 🏝️ वरून ठेवण्यात आले आहे.

🌪️ चक्रीवादळ म्हणजे काय ? आणि ते कसे तयार होतात ?

What is a Cyclone and How is it formed? ?

• काही स्थानिक कारणांमुळे एकाएकी हवेच्या दाबात बदल होऊन मध्यभागी कमी दाबाचे केंद्र निर्माण होते आणि त्याच्या सभोवती हवेचा जास्त दाब होत जातो. यामुळे वारे चक्राकार गतीने कमी दाबाच्या केंद्राकडे वेगाने आकर्षिली जातात, त्याच आवर्त किंवा चक्रीवादळ असे म्हणतात.

• चक्रीवादळे उत्तर गोलार्धात घड्याळाच्या विरुद्ध दिशेने ⏪ (Anti-clockwise) फिरतात

• आणि दक्षिण गोलार्धात घड्याळाच्या दिशेने ⏩ (Clockwise) फिरतात.

🌐 चक्रीवादळांना वेगवेगळ्या ठिकाणी वेगवेगळ्या नावाने ओळखले जाते :

• हिंदी महासागरातील वादळाला चक्रीवादळ (Cyclone) 🌊 म्हटले जाते.

• वेस्ट इंडिज आणि अटलांटिकमधील वादळाला हरिकेन (Hurricane) 🌪️ नावाने ओळखले जाते.

• पॅसिफिक महासागर व चिनी समुद्रातील वादळाला टायफून (Typhoon) 🌬️ या नावाने ओळखले जाते.

• ऑस्ट्रेलियाच्या किनाऱ्यावरील वादळाला विली-विली (Willy-Willy) 🇦🇺 या नावाने ओळखले जाते.

📝 (नोट : वरील ठिकाणे आणि चक्रीवादळांना तेथे काय म्हणतात हे लक्षात ठेवा पेपर ला बरोबर जोडी कोणती असे प्रश्न विचारले जातात.)

International Cheetah Day

Subject : GS - दिनविशेष, पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) आंतरराष्ट्रीय चित्ता दिन दरवर्षी कोणत्या दिवशी साजरा केला जातो ?

1. 1 डिसेंबर

2. 4 डिसेंबर

3. 22 मे

4. 5 जानेवारी

उत्तर : 4 डिसेंबर

बातमी काय ?

• पंतप्रधान नरेंद्र मोदी यांनी आंतरराष्ट्रीय चित्ता दिनानिमित्त चित्त्याच्या संवर्धनासाठी कार्यरत सर्व संवर्धन कार्यकर्ते आणि वन्यजीवप्रेमींना शुभेच्छा दिल्या 

आंतरराष्ट्रीय चित्ता दिन केव्हा साजरी करण्यात येतो ? आणि का ?

• आंतरराष्ट्रीय चित्ता दिन दरवर्षी 4 डिसेंबर रोजी साजरा केला जातो.

• हा दिवस अमेरिकन प्राणीशास्त्रज्ञ डॉ. लॉरी मार्कर (Dr. Laurie Marker) यांनी सुरू केला. 

• त्यांनी वाढवलेल्या ‘खयाम’ (Khayam) नावाच्या चित्त्याच्या स्मरणार्थ हा दिवस पाळला जातो.

• मुख्य उद्देश : जगभरात चित्ता नामशेष होण्याच्या उंबरठ्यावर असल्याने, त्याच्या संवर्धनासाठी जनजागृती करणे हा या दिवसाचा मुख्य उद्देश आहे.

प्रोजेक्ट चित्ता म्हणजे काय ?

• लॅान्च : प्रोजेक्ट चित्ता हा भारत सरकारचा 2022 मध्ये सुरू केलेला महत्वाकांक्षी प्रकल्प आहे.

• उद्दिष्ट : सुमारे 70 वर्षांपूर्वी भारतातून नामशेष झालेल्या चित्त्यांना पुन्हा नैसर्गिक अधिवासात आणणे, हे या प्रकल्पाचे मुख्य उद्दिष्ट आहे.

• जगातील पहिला : हा प्रकल्प प्रोजेक्ट टायगर अंतर्गत राबवला जात असून, तो जगातील पहिला आंतरखंडीय मोठ्या मांसाहारी प्राण्यांचा स्थलांतर प्रकल्प मानला जातो.

प्रोजेक्ट चित्त्याची प्रमुख उद्दिष्टे कोणती ?

• भारतातील योग्य अधिवासांमध्ये प्रजननक्षम चित्ता लोकसंख्या निर्माण करणे.

• चित्त्यांना प्रमुख प्रजाती (Flagship Species) म्हणून वापरून,

• खुली जंगले आणि गवताळ प्रदेश पुनरुज्जीवित करणे.

• स्थानिक समुदायामध्ये पर्यावरण विकास आणि पर्यावरण पर्यटनाला (Eco-Development and Ecotourism) प्रोत्साहन देणे.

• पर्यावरण आणि चित्ता संवर्धनाबाबत समाजात जागरूकता निर्माण करणे.

चित्ता प्रकल्पाची अंमलबजावणी कोण करत आहे ?

• प्रोजेक्ट चित्ता हा प्रकल्प National Tiger Conservation Authority (NTCA) यांच्या नेतृत्वाखाली राबवला जात आहे.

• यामध्ये मध्य प्रदेश वन विभाग, Wildlife Institute of India (WII) यांचे सहकार्य आहे.

• प्रकल्पावर देखरेख ठेवण्यासाठी 2023 मध्ये Cheetah Project Steering Committee स्थापन करण्यात आली आहे.

प्रोजेक्ट चित्त्याची आतापर्यंतची कामगिरी : 

या प्रकल्पाअंतर्गत, 

• नामिबियामधून 🇳🇦 8️⃣ चित्ते 🐆

• दक्षिण आफ्रिकेतून 🇿🇦 1️⃣2️⃣ चित्ते 🐆 भारतामध्ये आणण्यात आले.

• हे सर्व चित्ते मध्य प्रदेशातील कुनो राष्ट्रीय उद्यानात (Kuno National Park) सोडण्यात आले.

• डिसेंबर 2025 पर्यंत, भारतामध्ये एकूण 32 चित्ते असून त्यापैकी 21 चित्त्यांचा जन्म भारतातच झाला आहे, हे या प्रकल्पाचे मोठे यश मानले जाते.

Indian Navy Day 2025

Subject : GS - दिनविशेष, संरक्षण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी भारतीय नौदल दिन केव्हा साजरी केला जातो ?

1. 10 मार्च

2. 8 ऑक्टोबर

3. 21 ऑक्टोबर

4. 4 डिसेंबर

उत्तर : 4 डिसेंबर

• केंद्रीय औद्योगिक सुरक्षा बल (CISF) स्थापना दिन : 10 मार्च

• भारतीय वायुसेना दिन : 8 ऑक्टोबर

• पोलीस स्मृती दिन : 21 ऑक्टोबर

• भारतीय नौदल दिन : 4 डिसेंबर

बातमी काय ?

• भारतीय नौदलाच्या उल्लेखनीय योगदानाचे स्मरण आणि सन्मान करण्यासाठी दरवर्षी 4 डिसेंबर रोजी भारतीय नौदल दिन साजरा केला जातो.

ऑपरेशन ट्रायडेंट काय आहे ? 

What is Operation Trident ?

भारतीय नौदल दिन 4 डिसेंबर लाच का साजरी करतात ? 

• 1971 मध्ये भारत-पाकिस्तान युद्धादरम्यान पाकिस्तानच्या हल्ल्याला प्रतिउत्तर म्हणून भारतीय नौदलाने पाकिस्तानच्या कराची बंदरावर केलेला हा प्रतिहल्ला होता.

• 4 डिसेंबर 1971 मध्ये केलेल्या या कारवाईदरम्यान भारताने प्रथमच जहाजविरोधी क्षेपणास्त्रांचा वापर केला आणि PNS खैबरसह चार पाकिस्तानी जहाजे बुडवली.

• ऑपरेशन ट्रायडेंट दरम्यान भारतीय नौदलाने भारताचे तांत्रिक वर्चस्व आणि प्रगती जगाला दाखवून दिली. 

• भारतीय नौदलाच्या या शौर्याचे प्रतीक म्हणून 4 डिसेंबर हा दिन भारतीय नौदल दिन म्हणून साजरा केला जातो.

भारतीय नौदलाचे जनक म्हणून कोणास म्हटले जाते ? 

• सागरी सीमांचे रक्षण करण्यासाठी छत्रपती शिवाजी महाराजांनी आरमार उभारले.

• त्यामुळे छत्रपती शिवाजी महाराजांना भारतीय नौदलाचे जनक (Father of the Indian Navy) म्हटले जाते. 

भारतीय नौदलाची स्थापना केव्हा करण्यात आली ? 

• भारतीय नौदलाची स्थापना 1612 मध्ये ईस्ट इंडिया कंपनी द्वारे केली गेली नंतर त्याला रॉयल इंडियन नेव्ही असे नाव देण्यात आले.

• स्वातंत्र्यानंतर 1950 मध्ये भारतीय नौदल म्हणून त्याची पुनर्रचना करण्यात आली.

भारतीय नौदलाचे सर्वोच्च कमांडर कोण असतात ? 

• भारताचे राष्ट्रपती सर्वोच्च कमांडर म्हणून नौदलाचे नेतृत्व करतात.

• भारताचे राष्ट्रपती श्रीमती द्रौपदी मुर्मू या सध्याचे (वर्तमान) भारतीय नौदलाचे सर्वोच्च कमांडर आहेत. 

भारतीय नौदलाचे सध्याचे नौदल प्रमुख कोण आहेत ?

• ॲडमिरल दिनेश कुमार त्रिपाठी हे भारतीय नौदलाचे सध्याचे नौदल प्रमुख आहेत.

• 30 एप्रिल 2024 पासून त्यांनी भारतीय नौदलाचे नौदल प्रमुख म्हणून कार्यभार स्वीकारला.

भारतीय नौदलाच्या नव्या ध्वजाचे अनावरण केव्हा करण्यात आले ? 

• 2 सप्‍टेंबर 2022 रोजी पंतप्रधान नरेंद्र मोदी यांनी भारतीय नौदलाच्या नव्या ध्वजाचे अनावरण केले.

• भारतीय नौदलाच्या नव्या ध्वजावर भारतीय नौदलाचे नवीन बोधचिन्ह आहे.

• छत्रपती शिवाजी महाराजांच्या आरमारापासून प्रेरित होऊन भारतीय नौदलाचे नवीन बोधचिन्ह तयार करण्यात आले.

भारतीय नौदलाचे ब्रीदवाक्य काय आहे ? (Indian Navy Motto)

• " शं नो वरूण: " हे भारतीय नौदलाचे ब्रीदवाक्य आहे.

• पावसाची देवता म्हणजे च वरूण देवता आमचं रक्षण करो असा त्याचा अर्थ होतो.

भारतीय नौदल दिन 2025 ची संकल्पना (थीम) काय आहे ? 

"लढाईसाठी सज्ज, एकसंध आणि आत्मनिर्भर" ही यंदाच्या नौदल दिनाची संकल्पना आहे. 

(Combat Ready, Cohesive, Credible, and Aatmanirbhar Force)