Hindu Hruday Samrat Balasaheb Thackeray Nagri Lokkalyan Abhiyan

📚 Subject : GS - सरकारी योजना - उपक्रम

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ‘हिंदूहृदयसम्राट बाळासाहेब ठाकरे नागरी लोककल्याण अभियान’ ही योजना कशाशी संबंधित आहे ?

1. आरोग्य पायाभूत सुविधा विकास

2. झोपडपट्टी पुनर्विकास व नियोजित गृहनिर्माण

3. डिजिटल प्रशासन सुधारणा

4. पर्यावरण संरक्षण व हरित क्षेत्र वाढ

उत्तर : झोपडपट्टी पुनर्विकास व नियोजित गृहनिर्माण

📰 बातमी काय ?

• महाराष्ट्र सरकारने ‘हिंदूहृदयसम्राट बाळासाहेब ठाकरे नागरी लोककल्याण अभियान’ जाहीर केले. 

• या अभियानाचा मुख्य उद्देश मुंबई शहर झोपडपट्टीमुक्त करणे हा आहे.

🤔 हे अभियान नेमकं कशासाठी आहे ?

• मुंबईसारख्या महानगरात झोपडपट्ट्यांची समस्या मोठ्या प्रमाणावर आहे. त्यामुळे नागरिकांना सुरक्षित, सुसज्ज आणि नियोजित घरे उपलब्ध करून देण्यासाठी हे अभियान सुरू करण्यात आले आहे.

• या मोहिमेद्वारे एकीकडे झोपडपट्ट्यांचा पुनर्विकास वेगाने केला जाणार आहे, तर दुसरीकडे ‘नेत्रम’ या तंत्रज्ञानाच्या मदतीने नवीन झोपड्या निर्माण होऊ नयेत यावरही लक्ष ठेवले जाणार आहे.

🧐 पुनर्विकास कसा केला जाणार ?

• या अभियानात झोपडपट्ट्यांचा स्वतंत्रपणे नव्हे तर समूह पातळीवर (Cluster) पुनर्विकास केला जाणार आहे.

• किमान 50 एकर क्षेत्र आणि 51% पेक्षा जास्त झोपडपट्टी असलेल्या भागांचा समावेश करण्यात येईल.

• यासाठी झोपडपट्टी पुनर्वसन प्राधिकरण (SRA) मार्फत ‘स्लम क्लस्टर रिडेव्हलपमेंट स्कीम’ राबवली जाणार आहे.

• रहिवाशांची अचूक नोंद ठेवण्यासाठी बायोमेट्रिक सर्वेक्षण केले जाईल.

🏠 घरांच्या बाबतीत काय बदल करण्यात आला ?

• पूर्वी झोपडपट्टी पुनर्वसन योजनेत 180, 225 व 269 चौ.फुट क्षेत्रफळाच्या सदनिका दिल्या जात होत्या.

• मात्र आता या अभियानांतर्गत 300 चौ.फुट क्षेत्रफळाच्या सदनिका देण्याचा निर्णय घेण्यात आला आहे.

• यामुळे नागरिकांना अधिक चांगल्या दर्जाचे आणि मोठे घर मिळणार आहे.

🛰️ ‘नेत्रम’ (NETRAM) तंत्रज्ञानाची भूमिका काय आहे ?

• या अभियानातील सर्वात महत्त्वाचा भाग म्हणजे ‘नेत्रम’ तंत्रज्ञानाचा वापर.

• या तंत्रज्ञानात उपग्रह प्रतिमा (Satellite Images), GIS प्रणाली आणि डिजिटल डेटा यांचा वापर केला जातो.

• दर चार महिन्यांनी उपग्रह प्रतिमांचे विश्लेषण करून नवीन झोपड्या उभारल्या जात आहेत का यावर लक्ष ठेवले जाते.

• BISAG-N या संस्थेच्या वेब-पोर्टलद्वारे ही माहिती संबंधित यंत्रणांना दिली जाते.

• त्यामुळे नवीन झोपडपट्ट्या निर्माण होण्यापूर्वीच त्यावर कारवाई करता येते.

🔑 परीक्षेच्या दृष्टीने IMP रिव्हिजन पॉईंट्स :

• अभियान → हिंदूहृदयसम्राट बाळासाहेब ठाकरे नागरी लोककल्याण अभियान

• उद्देश → झोपडपट्टीमुक्त शहर

• पद्धत → क्लस्टर पुनर्विकास

• घराचा आकार → 300 चौ.फुट

• तंत्रज्ञान → नेत्रम (उपग्रह + GIS)

• फोकस → पुनर्विकास + नवीन झोपड्या रोखणे

What is the Nagoya Protocol ?

📚 Subject : GS - आंतरराष्ट्रीय करार, पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडे भारताने जैवविविधता नियमांच्या अंमलबजावणीत आणि 'अनुपालन प्रमाणपत्रे' (IRCC) जारी करण्यात जागतिक स्तरावर आघाडी घेतली आहे. तर या प्रक्रियेचा आधार असलेला मुख्य आंतरराष्ट्रीय करार कोणता ?

1. नागोया प्रोटोकॉल (Nagoya Protocol)

2. कार्टाजेना प्रोटोकॉल (Cartagena Protocol)

3. रामसर करार (Ramsar Convention)

4. मॉन्ट्रियल प्रोटोकॉल (Montreal Protocol)

उत्तर : नागोया प्रोटोकॉल

📰 बातमी काय ?

• अलिकडे भारताने जैवविविधता नियमांच्या अंमलबजावणीत जागतिक स्तरावर आघाडी घेतली आहे. 

• नागोया प्रोटोकॉल अंतर्गत जगभर दिल्या गेलेल्या प्रमाणपत्रांपैकी 56% पेक्षा जास्त म्हणजेच 3,561 आंतरराष्ट्रीय मान्यताप्राप्त अनुपालन प्रमाणपत्रे (IRCCs) भारताने जारी केली आहेत.

🤔 नागोया प्रोटोकॉल म्हणजे नेमकं काय ?

• नागोया प्रोटोकॉल (Nagoya Protocol) हा जैविक किंवा आनुवंशिक संसाधनांच्या (Biological or Genetic Resources) वापरापासून मिळणाऱ्या फायद्यांच्या न्याय्य आणि समान वाटपावर आधारित एक आंतरराष्ट्रीय करार आहे. 

• सोप्या भाषेत सांगायचे तर, एखाद्या देशातील वनस्पती, प्राणी किंवा सूक्ष्मजीवांचा वापर करून जर एखादे नवीन उत्पादन (उदा. औषध) तयार केले, तर त्यातून मिळणारा नफा किंवा फायदे त्या मूळ देशाशी आणि तेथील स्थानिक समुदायाशी वाटून घेणे या करारांतर्गत बंधनकारक आहे.

• नागोया प्रोटोकॉल हा जैवविविधता कराराचा (Convention on Biological Diversity - CBD) पूरक आंतरराष्ट्रीय करार आहे.

🧐 हा करार कधी लागू झाला ?

• स्वीकार → 29 ऑक्टोबर 2010 रोजी जपानमधील नागोया शहरात हा स्वीकारण्यात आला.

• अंमलबजावणी → 12 ऑक्टोबर 2014 पासून तो लागू झाला.

• सध्या 140+ देश या कराराचे सदस्य आहेत.

🇮🇳 भारताची भूमिका काय आहे ?

• भारताने 2011 मध्ये हा करार स्वीकारला आणि 2012 मध्ये त्याची अंमलबजावणी (ratification) केली.

• भारतात हा करार जैवविविधता अधिनियम 2002 आणि त्यासंबंधित नियमांद्वारे राबवला जातो.

• यासाठी राष्ट्रीय जैवविविधता प्राधिकरण (NBA), चेन्नई ही प्रमुख संस्था आहे.

• भारत हा एक समृद्ध जैवविविधता असलेला देश आहे. या करारामुळे भारतीय वनस्पती किंवा पारंपारिक ज्ञानाचा वापर करून परदेशी कंपन्यांनी नफा मिळवल्यास, त्याचा काही वाटा भारताला मिळणे कायदेशीररित्या शक्य झाले आहे

⚙️ नागोया प्रोटोकॉलची मुख्य वैशिष्ट्ये काय आहेत ?

🎯 ज्ञानाचे संरक्षण : 

• हा करार केवळ संसाधनांनाच नाही, तर त्या संसाधनांशी संबंधित स्थानिक समुदायांच्या पारंपारिक ज्ञानालाही (Traditional Knowledge) संरक्षण देतो.

✍️ पूर्व संमती : 

• जर एखाद्या देशाला दुसऱ्या देशातील जैविक संसाधने वापरायची असतील, तर त्या देशाची 'पूर्व संमती' (Prior Informed Consent) घेणे आवश्यक आहे.

🧐 देखरेख : 

• हा करार संसाधनांचा वापर कायदेशीररीत्या झाला आहे का यावर देखरेख ठेवतो.

📋 आंतरराष्ट्रीय प्रमाणपत्र (IRCC) : 

• जेव्हा एखादा देश संसाधन वापरण्याची परवानगी देतो, तेव्हा एक आंतरराष्ट्रीय स्तरावर मान्य असलेले 'अनुपालन प्रमाणपत्र' (Internationally Recognized Certificate of Compliance) दिले जाते. 

• हे प्रमाणपत्र त्या संसाधनाच्या कायदेशीर वापराचा पुरावा असतो.

🏛️ माहिती केंद्र (ABS Clearing-House) : 

• सर्व परवानग्या आणि करारांची माहिती एका जागतिक पोर्टलवर (ABS Clearing-House) सामायिक केली जाते, जेणेकरून पारदर्शकता राहते आणि देखरेख करणे सोपे जाते.

🔑 परीक्षेच्या दृष्टीने IMP रिव्हिजन पॉईंट्स : 

• नागोया प्रोटोकॉल (करार) → जैवविविधता कराराचा पूरक आंतरराष्ट्रीय करार

• उद्देश → जैविक किंवा आनुवंशिक संसाधनांच्या फायद्यांचा न्याय्य आणि समान वाटप

• स्वीकार → 29 ऑक्टोबर 2010 (जपानमधील नागोया)

• भारत → 2011 स्वाक्षरी, (2012 अंमलबजावणी)

• भारतीय संस्था → राष्ट्रीय जैवविविधता प्राधिकरण (चेन्नई)

Odisha Foundation Day

📚 Subject : GS - दिनविशेष, राज्यशास्त्र, इतिहास - कला आणि संस्कृती, भूगोल - पर्यटन

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 1 एप्रिल रोजी कोणते राज्य उत्कल दिवस साजरा करते ? 

1. ओडिशा

2. केरळ

3. कर्नाटक

4. आंध्र प्रदेश

उत्तर : ओडिशा (Odisha)

बातमी काय आहे ? 

• दरवर्षी 1 एप्रिल हा दिवस ओडिशा राज्य स्थापना दिन किंवा उत्कल दिवस म्हणून साजरा केला जातो.

🤔 कोणत्या राज्याला प्राचीन काळी उत्कल म्हणून ओळखले जात असे ? 

• प्राचीन काळी ओडिशाला "उत्कल" असे म्हटले जात असे, ज्याचा अर्थ "कुशल कारागिरांची भूमी" असा होतो.

• 1 एप्रिल हा दिवस ओडिशा राज्य स्थापना दिन किंवा उत्कल दिवस म्हणून साजरा केला जातो.

🧐 ओडिशा राज्याची स्थापना केव्हा झाली ? 

• 1 एप्रिल 1936 रोजी ओडिशा राज्याची स्थापना करण्यात आली. 

• 1936 मध्ये ब्रिटीश राजवटीतील बिहार, ओडिशा आणि मद्रास प्रांतांमधून काही भाग वेगळे करून ओडिशा हे स्वतंत्र राज्य (एक स्वतंत्र प्रांत) म्हणून स्थापन करण्यात आले.

• राज्याचे पूवीचे नाव "ओरिसा" (Orissa)असे होते. 

• 2011 या मध्ये "ओरिसा" (Orissa) चे अधिकृतपणे "ओडिशा" (Odisha) असे नामकरण करण्यात आले.

🤔 कोणत्या युद्धानंतर सम्राट अशोका बौद्ध धर्माचे समर्थक बनले ? 

🧐 कलिंग युद्ध कोठे लढले गेले ? 

• इ.स.पूर्व तिसऱ्या शतकातील कलिंग युद्ध ओडिशामध्ये लढले गेले.

• सम्राट अशोकाने इ.स.पू. 261 मध्ये कलिंग जिंकले, ज्यामुळे प्रसिद्ध कलिंग युद्ध झाले, कलिंगच्या युद्धानंतर सम्राट अशोक यांनी बुद्धांच्या शिकवणींचा स्वीकार करून ते बौद्ध धर्माचे समर्थक बनले.

🤔 कोणार्क येथील उल्लेखनीय सूर्यमंदिर कोणी बांधले ? 

• कोणार्क येथील सूर्य मंदिर हे तेराव्या शतकात बांधलेले हिंदू मंदिर असून या मंदिराची निर्मिती राजा नरसिंहदेव (इ.स. 1238-1264) यांनी करविली.

• हे मंदिर ओडिशा राज्याच्या कोणार्क गावामध्ये आहे.

• कोणार्क मंदिराला "ब्लॅक पॅगोडा" (Black Pagoda) नावानेही ओळखले जाते. 

• कोणार्क येथील सूर्य मंदिर हे युनेस्कोचे जागतिक वारसा स्थळ (UNESCO world heritage site ) म्हणून प्रसिद्ध आहे.  

🧐 भारतातील सर्वात मोठे खाऱ्या पाण्याचे सरोवर असलेले चिल्का सरोवर कोणत्या राज्यात आहे ? 

(सरळसेवा भरती, महाराष्ट्र पोलीस भरती, SSC GD 2021)

उत्तर : ओडिशा

🤔 भगवान जगन्नाथांची रथयात्रा कोणत्या राज्यातील प्रसिद्ध उत्सव आहे ? 

(सरळसेवा भरती, SSC MTS 2017, 2022)

उत्तर : ओडिशा

🔑 परीक्षेच्या दृष्टीने IMP रिव्हिजन पॉईंट्स : ओडिशा

• ओडिशाची राजधानी : भुवनेश्वर (Bhubaneswar) 

• प्रमुख वारसा स्थळे : कोणार्क सूर्य मंदिर, भगवान जगन्नाथ मंदिर, लिंगराज मंदिर

• प्रमुख स्मारके : उदयगिरी आणि खंडगिरी लेणी, धौली शांती स्तूप, 

• प्रमुख नद्या : महानदी, ब्राह्मणी, सुवर्णरेखा, बैतरणी

• राष्ट्रीय उद्याने : सिमलीपाल राष्ट्रीय उद्यान, भितरकणिका राष्ट्रीय उद्यान

• वन्यजीव अभयारण्य : चिल्का वन्यजीव अभयारण्य, नंदनकानन वन्यजीव अभयारण्य

• प्रसिद्ध सण आणि उत्सव : रथयात्रा, दुर्गा पूजा, कोणार्क उत्सव

Bhavasagara Referral Centre

📚 Subject : GS - पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच पर्यावरण, वन आणि हवामान बदल मंत्रालयाने ‘भवसागर रेफरल सेंटर’ला खोल समुद्रातील जीवसंपत्तीचे राष्ट्रीय भांडार म्हणून घोषित केले. तर हे केंद्र कोणत्या राज्यात आहे ?

1. गुजरात

2. महाराष्ट्र

3. केरळ

4. तामिळनाडू

उत्तर : केरळ

📰 बातमी काय ?

• पर्यावरण, वन आणि हवामान बदल मंत्रालयाने (MoEFCC) केरळ राज्यातील कोची येथील ‘भवसागर रेफरल सेंटर’ला जैवविविधता अधिनियम 2002 अंतर्गत खोल समुद्रातील जीवसंपत्तीचे राष्ट्रीय भांडार (National Repository) म्हणून घोषित केले आहे.

• या निर्णयामुळे भारताच्या समुद्री जैवविविधतेच्या संशोधन आणि संवर्धनाला नवे बळ मिळणार आहे.

🤔 ‘भवसागर रेफरल सेंटर’ नेमकं काय आहे ?

• हे एक विशेष वैज्ञानिक केंद्र आहे, जे खोल समुद्रातील जीवसृष्टीचे जतन (Preservation), अभ्यास (Study) आणि नोंदणी (Documentation) करण्यासाठी कार्य करते.

• या केंद्रामध्ये समुद्रातून मिळणाऱ्या विविध जीवांचे नमुने आणि त्यासंबंधित वैज्ञानिक माहिती एकत्रित स्वरूपात सुरक्षित ठेवली जाते.

• सोप्या शब्दात सांगायचे तर, हे केंद्र खोल समुद्रातील जैवविविधतेचे राष्ट्रीय स्तरावरील संग्रहालय आणि संशोधन केंद्र आहे.

🏢 हे केंद्र कुठे आणि कोणाच्या अंतर्गत कार्य करते ?

• हे केंद्र केरळमधील कोची येथे स्थित असून ‘सेंटर फॉर मरीन लिव्हिंग रिसोर्सेस अँड इकॉलॉजी (CMLRE)’ या संस्थेअंतर्गत कार्य करते.

• CMLRE ही संस्था पृथ्वी विज्ञान मंत्रालयाच्या अंतर्गत येते,

• तर या केंद्राला राष्ट्रीय भांडाराचा दर्जा पर्यावरण मंत्रालयाने दिला आहे.

🧐 या केंद्राचा उद्देश काय आहे ?

• या केंद्राचा मुख्य उद्देश खोल समुद्रातील जीवसृष्टीबाबत संशोधनाला चालना देणे आणि वैज्ञानिकांना आवश्यक माहिती व नमुने उपलब्ध करून देणे हा आहे.

• यामुळे समुद्रातील अजूनही अज्ञात असलेल्या जीवसृष्टीचा सखोल अभ्यास करता येतो. 

• तसेच या संशोधनामुळे देशाच्या ब्लू इकॉनॉमीला गती मिळते आणि समुद्री जैवविविधतेचे संरक्षण अधिक प्रभावीपणे करता येते.

⚙️ या केंद्राची वैशिष्ट्ये काय आहेत ?

• सध्या येथे 3,500 पेक्षा जास्त नमुने संग्रहित करण्यात आले आहेत.

• प्रत्येक नमुन्याबरोबर त्याची आनुवंशिक माहिती (DNA) देखील सुरक्षित ठेवली जाते, ज्यामुळे भविष्यातील संशोधनासाठी महत्त्वाचा डेटा उपलब्ध राहतो.

• याशिवाय, भारतीय समुद्री क्षेत्रात एखादी नवीन प्रजाती सापडल्यास तिचे अधिकृत संग्रहण आणि नोंदणी करण्याचे कार्यही हे केंद्र करते.

🎯 याचे महत्त्व काय आहे ?

• या केंद्राच्या स्थापनेमुळे भारताची खोल समुद्रातील जैवविविधता जतन करण्याची आणि तिचा अभ्यास करण्याची क्षमता मोठ्या प्रमाणात वाढली आहे.

• यामुळे संशोधकांना आवश्यक वैज्ञानिक माहिती सहज उपलब्ध होते, ज्याचा उपयोग धोरणनिर्मिती आणि संशोधनात होतो. 

• तसेच समुद्राशी संबंधित आर्थिक विकासाला चालना मिळून देशाची ब्लू इकॉनॉमी अधिक मजबूत होते.

🔑 परीक्षेच्या दृष्टीने IMP रिव्हिजन पॉईंट्स : भवसागर रेफरल सेंटर

• भवसागर रेफरल सेंटर → खोल समुद्रातील जैवविविधतेचे राष्ट्रीय भांडार

• स्थान → कोची (केरळ)

• संस्था → सेंटर फॉर मरीन लिव्हिंग रिसोर्सेस अँड इकॉलॉजी (CMLRE)

• मंत्रालय → पृथ्वी विज्ञान मंत्रालय

• कायदा → जैवविविधता अधिनियम 2002

• वैशिष्ट्य → 3,500 प्रजातींचे नमुने + DNA माहिती

• भूमिका → नवीन प्रजातींचे अधिकृत संग्रहण

Nyaya Setu AI Chatbot and Mascot “DISHIKA”

📚 Subject : GS - सरकारी योजना - उपक्रम

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) नवी दिल्ली येथे आयोजित DISHA कार्यक्रमात ‘न्याय सेतू AI चॅटबॉट’ आणि त्याचा अधिकृत शुभंकर ‘दिशिका’ यांचे अनावरण करण्यात आले. तर या उपक्रमाचे मुख्य उद्दिष्ट काय आहे ?

1. सरकारी रुग्णालयांमध्ये मोफत औषधोपचार पुरवणे.

2. शेतकऱ्यांना पिकांच्या किमतीबाबत बाजारपेठेतील अद्ययावत माहिती देणे.

3. सामान्य नागरिकांना एकाच व्यासपीठावर विविध कायदेशीर सेवा, माहिती आणि कायदेशीर सहाय्य उपलब्ध करून देणे.

4. ग्रामीण भागातील विद्यार्थ्यांना स्पर्धा परीक्षांसाठी मोफत ऑनलाईन मार्गदर्शन करणे.

उत्तर : सामान्य नागरिकांना एकाच व्यासपीठावर विविध कायदेशीर सेवा, माहिती आणि कायदेशीर सहाय्य उपलब्ध करून देणे.

📰 बातमी काय ?

• अलिकडे भारताचे उपराष्ट्रपती आणि कायदा व न्याय मंत्री यांच्या उपस्थितीत DISHA कार्यक्रमात ‘न्याय सेतू AI चॅटबॉट’ आणि त्याचा अधिकृत शुभंकर ‘दिशिका’ यांचे अनावरण करण्यात आले.

• या उपक्रमाचा उद्देश नागरिकांना त्यांच्या कायदेशीर हक्कांविषयी माहिती सहज आणि सोप्या भाषेत उपलब्ध करून देणे हा आहे.

🤔 ‘न्याय सेतू AI चॅटबॉट’ म्हणजे काय ?

• ‘न्याय सेतू’ हा एक कृत्रिम बुद्धिमत्तेवर आधारित डिजिटल कायदेशीर सहाय्यक आहे, जो नागरिकांना कायदे, हक्क आणि न्यायप्रक्रिया समजून घेण्यासाठी मदत करतो.

• हा चॅटबॉट विशेषतः आवाजावर आधारित (Voice-First) असून तो विविध भारतीय भाषांमध्ये संवाद साधू शकतो. त्यामुळे वाचन किंवा भाषा अडचणी असलेल्या लोकांनाही याचा उपयोग करता येतो.

🏢 हा उपक्रम कोणी विकसित केला आहे ?

• हा उपक्रम डिजिटल इंडिया अंतर्गत भाषिणी विभाग (BHASHINI Division) यांनी विकसित केला आहे.

• यामध्ये कृत्रिम बुद्धिमत्ता (AI) आणि भाषिक तंत्रज्ञानाचा वापर करण्यात आला आहे

🧐 हा चॅटबॉट कसा कार्य करतो ?

• या प्रणालीमध्ये वापरकर्त्याने विचारलेले प्रश्न प्रथम आवाज ओळख तंत्रज्ञानाद्वारे (Speech Recognition) समजले जातात.

• यानंतर कृत्रिम बुद्धिमत्तेच्या मदतीने त्या प्रश्नाचे विश्लेषण करून योग्य आणि संदर्भानुसार उत्तर दिले जाते.

👉 यामध्ये भारतीय न्यायसंहिता (BNS) सारख्या कायद्यांवर आधारित माहिती दिली जाते, त्यामुळे उत्तरांची अचूकता आणि विश्वासार्हता टिकून राहते.

⚙️ या चॅटबॉटची वैशिष्ट्ये काय आहेत ?

• हा चॅटबॉट अनेक भारतीय भाषांमध्ये कार्य करण्यास सक्षम असून तो 36 मजकूर (text) आणि 23 आवाज (voice) भाषांमध्ये सेवा देतो, ज्यामध्ये काही जटिल आदिवासी बोलीभाषांचाही समावेश आहे.

• याची रचना अशी आहे की वापरकर्ता आवाजाद्वारे सहज संवाद साधू शकतो, त्यामुळे कमी साक्षरता असलेल्या लोकांनाही याचा उपयोग करता येतो.

• ही प्रणाली मोठ्या प्रमाणावर (Real-Time) प्रश्न हाताळू शकते आणि वापरकर्त्यांना तत्काळ कायदेशीर मार्गदर्शन उपलब्ध करून देते.

🤖 ‘दिशिका’ म्हणजे काय ?

• ‘दिशिका’ हा ‘न्याय सेतू’ चॅटबॉटचा अधिकृत शुभंकर (Mascot) आहे.

• हा एक मैत्रीपूर्ण डिजिटल मार्गदर्शक असून तो वापरकर्त्यांना कायदेशीर प्रक्रियेत मार्गदर्शन करतो.

• विशेषतः प्रथमच न्यायव्यवस्थेशी संपर्क साधणाऱ्या व्यक्तींना तो सोप्या पद्धतीने माहिती समजावून सांगतो आणि त्यांचा विश्वास वाढवतो.

या उपक्रमाचे महत्त्व काय ?

• या उपक्रमामुळे न्यायप्रवेश (Access to Justice) अधिक सुलभ होतो.

• भाषा आणि प्रक्रियेतील अडथळे कमी होतात

• सर्वसामान्य नागरिकांना कायदेशीर माहिती सहज मिळते

• डिजिटल माध्यमातून न्यायव्यवस्था अधिक लोकाभिमुख बनते

🔑 परीक्षेच्या दृष्टीने IMP रिव्हिजन पॉईंट्स :

• न्याय सेतू → AI आधारित कायदेशीर सहाय्यक

• विकसित → भाषिणी (BHASHINI) विभाग

• वैशिष्ट्य → आवाज आधारित + बहुभाषिक

• उद्देश → न्यायप्रवेश सुलभ करणे

• शुभंकर → दिशिका

Specialized Center of Japan in India

📚 Subject : GS - अर्थशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडे जपानने भारतात गुंतवणूक वाढवण्यासाठी विशेष केंद्र स्थापन करण्याचा निर्णय घेतला आहे तर हे विशेष केंद्र प्रामुख्याने कशासाठी कार्य करेल ?

1. जपानी कंपन्यांना भारतात व्यवसाय सुलभ करण्यासाठी

2. भारतासोबत संरक्षण सहकार्य वाढविण्यासाठी

3. सांस्कृतिक देवाणघेवाण वाढविण्यासाठी

4. कृषी निर्यात वाढविण्यासाठी

उत्तर : जपानी कंपन्यांना भारतात व्यवसाय सुलभ करणे

📰 बातमी काय ?

• अलिकडे जपानने भारतात गुंतवणूक वाढवण्यासाठी एक विशेष केंद्र स्थापन करण्याचा निर्णय घेतला आहे.

• हे केंद्र जपानी कंपन्यांना भारतातील कर प्रणाली, राज्यस्तरीय नियम आणि कायदेशीर प्रक्रियांमध्ये मार्गदर्शन करून व्यवसाय सुलभ करण्याचे काम करणार आहे.

🤔 हे केंद्र नेमकं काय करणार ?

• हे केंद्र जपानी कंपन्यांसाठी एक सुविधा दुवा (Facilitator) म्हणून कार्य करेल.

• भारतामध्ये व्यवसाय करताना कंपन्यांना कर प्रणाली, विविध राज्यांचे नियम आणि कायदेशीर प्रक्रियांबाबत अनेक अडचणी येतात.

👉 त्यामुळे हे केंद्र :

• नियम समजावून सांगेल

• प्रक्रिया सुलभ करेल

• गुंतवणुकीला चालना देईल

🧐 हे पाऊल का महत्त्वाचे आहे ?

• भारत आणि जपान यांच्यात चांगले राजनैतिक संबंध असूनही भारतात कार्यरत जपानी कंपन्यांची संख्या तुलनेने कमी आहे.

• 2024 मध्ये भारतात फक्त 1,434 जपानी कंपन्या कार्यरत होत्या, तर थायलंडमध्ये सुमारे 6,000 आणि सिंगापूरमध्ये सुमारे 4,500 कंपन्या आहेत.

👉 त्यामुळे भारतात गुंतवणूक वाढवण्यासाठी हे पाऊल उचलले गेले आहे.

• त्याचबरोबर हा उपक्रम भारत आणि जपानने 2025 मध्ये निश्चित केलेल्या 10 ट्रिलियन येन (सुमारे 62.6 अब्ज डॉलर) गुंतवणूक उद्दिष्टाशी संबंधित आहे.

⚙️ कोणत्या क्षेत्रांवर लक्ष केंद्रित केले जाणार ?

• या उपक्रमात पारंपरिक उत्पादन क्षेत्राबरोबरच आधुनिक आणि धोरणात्मक क्षेत्रांवर भर दिला जाणार आहे.

• जसे की - कृत्रिम बुद्धिमत्ता (AI), स्टार्टअप्स आणि महत्त्वाची खनिजे (critical minerals)

💰 भारतातील जपानची गुंतवणूक स्थिती काय आहे ?

• जपान सध्या भारतासाठी परकीय गुंतवणुकीचा (FDI) 5 वा सर्वात मोठा स्रोत आहे.

• 2000 ते डिसेंबर 2024 या कालावधीत जपानने भारतात सुमारे 43.2 अब्ज डॉलर गुंतवणूक केली आहे.

• ही गुंतवणूक मुख्यतः वाहन (automobile) आणि दूरसंचार (telecom) क्षेत्रात आहे.

🔑 परीक्षेच्या दृष्टीने IMP रिव्हिजन पॉईंट्स : 

• जपान → भारतात विशेष गुंतवणूक सहाय्य केंद्र

• उद्देश → जपानी कंपन्यांना व्यवसाय सुलभ करणे

• गुंतवणूक लक्ष्य → 10 ट्रिलियन येन (2025 करार)

• जपानी कंपन्या → भारतात (1,434) < थायलंडमध्ये (~6000)

• FDI → जपान हा भारताचा 5वा सर्वात मोठा स्रोत

• गुंतवणूक → $43.2 अब्ज (2000–2024)

• क्षेत्रे → AI, स्टार्टअप्स, महत्त्वाची खनिजे

What is Farmer ID ? What is the use of it ?

📚 Subject : GS - अर्थशास्त्र - कृषी

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडे महाराष्ट्रात रासायनिक खतांचे वितरण अधिक पारदर्शक करण्यासाठी कोणत्या तंत्रज्ञानाधारित प्रणालीचा वापर सुरू करण्यात येत आहे ?

1. भू-अभिलेख डिजिटल प्रणाली

2. ई-नाम प्लॅटफॉर्म

3. पीक विमा पोर्टल

4. फार्मर आयडी प्रणाली

उत्तर : फार्मर आयडी

📰 बातमी काय ?

• महाराष्ट्रात शेतकऱ्यांना दिल्या जाणाऱ्या अनुदानित रासायनिक खतांच्या वितरणात पारदर्शकता आणि कार्यक्षमता वाढवण्यासाठी ‘फार्मर आयडी’चा वापर करण्याचा निर्णय घेण्यात आला आहे.

• हा उपक्रम ॲग्रीस्टॅक योजनेअंतर्गत राबवला जाणार असून देशातील पहिला पायलट प्रकल्प म्हणून महाराष्ट्रात याची अंमलबजावणी केली जाणार आहे.

🤔 ‘फार्मर आयडी’ म्हणजे नेमकं काय ?

• ‘फार्मर आयडी’ ही शेतकऱ्यांची एक अद्वितीय डिजिटल ओळख (Unique Digital Identity) आहे.

• या आयडीमध्ये शेतकऱ्याची जमीन, पिके, अनुदाने आणि इतर कृषी संबंधित माहिती एकत्रित स्वरूपात उपलब्ध राहते.

🧐 हा उपक्रम का सुरू करण्यात आला ?

• सध्या खतांच्या वितरणात अचूकता नसणे, अनियमितता आणि काही ठिकाणी गैरव्यवहार दिसून येतात.

👉 त्यामुळे शासनाने तंत्रज्ञानाचा वापर करून -

• योग्य शेतकऱ्याला योग्य लाभ मिळावा

• बनावट व्यवहार थांबावेत

• खतांचे वितरण प्रणाली पारदर्शक व्हावी - म्हणून हा उपक्रम सुरू करण्यात येणार आहे.

⚙️ हा उपक्रम कसा कार्य करेल ?

🎯 फार्मर आयडी'चे महत्त्व (Significance) : 

• फार्मर आयडीच्या माध्यमातून प्रत्येक शेतकऱ्याची माहिती डिजिटल स्वरूपात उपलब्ध असेल.

• फार्मर आयडी हा जमिनीच्या नोंदी (7/12) आणि पिकांच्या माहितीशी जोडलेला असल्याने, कोणत्या शेतकऱ्याला किती खताची गरज आहे याचे नियोजन करणे सरकारला शक्य होणार आहे.

• फार्मर आयडी'मुळे खत वितरणाची साखळी डिजिटल होईल, ज्यामुळे कंपन्यांना दिले जाणारे अनुदान अधिक अचूक होईल आणि शेतकऱ्यांना मिळणाऱ्या खतांचा काळाबाजार थांबेल.

🌱 ॲग्रीस्टॅक (AgriStack) योजना काय आहे ?

• ॲग्रीस्टॅक (AgriStack) ही केंद्र सरकारची 'डिजिटल सार्वजनिक पायाभूत सुविधा' (Digital Public Infrastructure - DPI) योजना आहे.

• यात तंत्रज्ञान आणि डिजिटल डेटाबेसचा समूह असून तो प्रामुख्याने शेतकऱ्यांच्या माहितीवर लक्ष केंद्रित करतो.

• शेतकऱ्यांची डिजिटल ओळख (Farmer ID) तयार करून त्यांना सरकारी सेवा आणि योजनांचा पारदर्शक लाभ मिळवून देण्यासाठी, 

• तसेच सातबारा, आधार आणि पीक माहितीचा समावेश करून डिजिटल शेती स्मार्ट करण्याचा प्रयत्न याद्वारे करण्यात येत आहे. 

🔑 परीक्षेच्या दृष्टीने IMP रिव्हिजन पॉईंट्स : 

• फार्मर आयडी → शेतकऱ्यांची डिजिटल ओळख

• उपयोग → खत वितरण पारदर्शक करणे

• योजना → ॲग्रीस्टॅक

• पहिला पायलट प्रकल्प → महाराष्ट्रात

• उद्देश → गैरव्यवहार कमी करणे + कार्यक्षमता वाढविणे

E20 Petrol 

📚 Subject : GS - विज्ञान आणि तंत्रज्ञान, अर्थशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) E20 पेट्रोलच्या वापरामुळे पेट्रोलच्या 'ऑक्टेन रेटिंग'वर काय परिणाम होतो ?

1. ऑक्टेन रेटिंग वाढते

2. ऑक्टेन रेटिंग कमी होते

3. ऑक्टेन रेटिंगमध्ये कोणताही बदल होत नाही.

4. पेट्रोलचे ज्वलन थांबते.

उत्तर : ऑक्टेन रेटिंग वाढते

📰 बातमी काय ? 

• पश्चिम आशिया युद्धामुळे ऊर्जा संकट वाढत असताना E20 पेट्रोलची चर्चा सुरू आहे. 

• इथेनॉल मिश्रणामुळे भारताचे तेल आयात कमी झाल्याचा पंतप्रधान श्री. नरेंद्र मोदींनी दावा केला. 

✍️ भारताचे E20 धोरण : 

• भारत सरकारने 1 एप्रिल 2025 पासून देशभरातील पेट्रोल पंपांवर E20 पेट्रोलचा वापर अनिवार्य करण्याचा निर्णय घेतला आहे.

⛽️ E20 पेट्रोल म्हणजे नेमकं काय ?

• E20 पेट्रोल म्हणजे एथेनॉल (Ethanol) आणि पेट्रोल यांचे मिश्रण आहे.

• यामध्ये 20% एथेनॉल आणि 80% पेट्रोल असते.

• बायोफ्युएलचा वापर - यातील इथेनॉल हे ऊस, मका, तांदूळ आणि इतर धान्यांपासून मिळवले जाणारे जैवइंधन आहे.

⚙️ E20 पेट्रोल कसे वेगळे आहे ?

• E20 पेट्रोलमध्ये काही विशेष वैशिष्ट्ये आहेत जी ते पारंपरिक पेट्रोलपेक्षा वेगळे बनवतात.

• उच्च ऑक्टेन रेटिंग (High Octane) : सामान्य पेट्रोलचा ऑक्टेन आकडा 91-92 असतो, तर E20 चा ऑक्टेन रेटिंग 95 RON पर्यंत असतो. यामुळे इंजिनमध्ये इंधनाचे ज्वलन अधिक कार्यक्षमतेने होते.

👉 नवीन वाहनांसाठी हे इंधन अधिक योग्य आहे

👉 जुन्या वाहनांमध्ये थोडी fuel efficiency कमी होऊ शकते

🚙 2023 नंतरच्या गाड्या (E20 Compliant) - 

• अंमलबजावणी : भारत सरकारने 1 एप्रिल 2023 पासून BS6 Phase 2 (RDE Norms) लागू केले आहेत. 

• या नियमांनुसार तयार झालेली सर्व नवीन वाहने (उदा. मारुती सुझुकी, टाटा, ह्युंदाई यांसारख्या कंपन्यांची एप्रिल 2023 नंतरची मॉडेल्स) तांत्रिकदृष्ट्या E20 पेट्रोलसाठी अनुकूल आहेत.

• फायदा : या गाड्यांच्या इंधन प्रणालीत (Fuel System) इथेनॉलमुळे होणारी संभाव्य झीज रोखण्यासाठी आधीच बदल केलेले असतात.

👨🏽‍🔧 जुन्या वाहनांवरील परिणाम (Pre-2023 Vehicles) : 

1) रबर आणि प्लास्टिकची झीज : इथेनॉलमध्ये नैसर्गिकरित्या 'कोरोसिव्ह' (Corrosive) गुणधर्म असतात. 

जुन्या गाड्यांमधील रबरच्या नळ्या (Fuel Hoses), प्लास्टिकचे सील आणि गॅस्केट हे इथेनॉलला सहन करू शकत नाहीत, ज्यामुळे ते लवकर खराब होऊ शकतात.

2) गंज लागणे (Corrosion) : इथेनॉल हवेतील ओलावा शोषून घेते (Hygroscopic), ज्यामुळे जुन्या गाड्यांच्या धातूच्या इंधन टाक्यांना आतून गंज लागण्याची शक्यता असते.

3) मायलेजमध्ये कमी : जुन्या गाड्यांमध्ये E20 पेट्रोल वापरल्यास मायलेजमध्ये साधारणतः 6% ते 10% पर्यंत घट जाणवू शकते.

E20 पेट्रोलचे महत्व (फायदे) : 

💰परकीय चलनाची बचत : 

• भारत कच्च्या तेलाच्या आयातीवर दरवर्षी अब्जावधी डॉलर्स खर्च करतो. 

• 20% इथेनॉल मिश्रणामुळे या आयातीत मोठी कपात होऊन विदेशी चलन साठवला जाईल.

🔋 ऊर्जा सुरक्षा : जागतिक राजकारणामुळे तेलाच्या किमतीत होणाऱ्या चढ-उतारांपासून भारतीय बाजारपेठेचे संरक्षण करण्यास मदत होईल.

🌽 कृषी क्षेत्राला चालना : इथेनॉलच्या मागणीमुळे शेतकऱ्यांच्या पिकांना (विशेषतः ऊस आणि मका) हमीभाव आणि नवीन बाजारपेठ उपलब्ध होईल.

🌳 पर्यावरणीय महत्त्व : एथेनॉल हा वनस्पतींमधून तयार होतो, त्यामुळे कार्बन उत्सर्जन काही प्रमाणात कमी होईल.

🔑 परीक्षेच्या दृष्टीने IMP रिव्हिजन पॉईंट्स : E20 पेट्रोल

• E20 — 20% एथेनॉल + 80% पेट्रोल

• अंमलबजावणी — 1 एप्रिल 2025 (भारत)

• उद्देश — Import कमी + Energy Self-Reliance

• इथेनॉल स्रोत — ऊस, मका, तांदूळ (बायोफ्युएल)

• महत्व (फायदे) -

💰परकीय चलनाची बचत

🔋 ऊर्जा सुरक्षा

🌽 कृषी क्षेत्राला चालना

🌳 पर्यावरणीय महत्त्व



Exercise Dweep Shakti

📚 Subject : GS - संरक्षण - युद्ध सराव

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 'द्वीप शक्ती' (Dweep Shakti) सरावाबाबत खालीलपैकी योग्य विधान निवडा :

1. हा केवळ नौदलाचा सराव आहे

2. हा भारत-रशिया द्विपक्षीय सराव आहे.

3. हा त्रिसेवा संयुक्त लष्करी सराव आहे

4. हा भारत-जपान द्विपक्षीय सराव आहे.

उत्तर : हा त्रिसेवा संयुक्त लष्करी सराव आहे

📰 बातमी काय ?

• अलिकडेच भारतीय लष्कर, नौदल आणि वायुसेना या तिन्ही दलांनी मिळून 'द्वीप शक्ती' हा उच्च-तीव्रतेचा त्रि-सेवा (Tri-Service) सराव यशस्वीरित्या पूर्ण केला आहे. 

• या सरावातून सेना, नौदल आणि वायुसेना यांच्यातील समन्वय आणि बेट क्षेत्रांच्या संरक्षणाची क्षमता प्रभावीपणे प्रदर्शित झाली.

🤔 'द्वीप शक्ती' सराव म्हणजे काय ?

• ‘Dweep Shakti’ हा भारताचा एक मोठ्या प्रमाणावर होणारा त्रिसेवा (भारतीय लष्कर, नौदल आणि वायुसेना) संयुक्त सराव आहे. 

• या सरावाचा मुख्य उद्देश किनारी आणि बेट भागातील युद्धसज्जता तपासणे हा आहे. 

• विशेषतः दूरस्थ बेटांचे संरक्षण आणि जलद सैन्य तैनाती (rapid deployment) यावर भर दिला जातो.

📍 'द्वीप शक्ती' सराव कुठे आणि कोणाच्या नेतृत्वाखाली झाला ?

• आयोजक : हा सराव अंदमान आणि निकोबार कमांड (Andaman and Nicobar Command) च्या नेतृत्वाखाली आयोजित करण्यात आला होता.

• ठिकाण : अंदमान आणि निकोबार द्वीपसमूह.

• महत्त्व : अंदमान आणि निकोबार कमांड ही भारतातील एकमेव थिएटर कमांड (Theater Command) आहे, जिथे तिन्ही दले एकाच नेतृत्वाखाली काम करतात.

⚙️ 'द्वीप शक्ती' सरावाची उद्दिष्टे आणि संकल्पना स्पष्टता : 

• या सरावाचा मुख्य हेतू म्हणजे तीनही दलांनी एकत्रितपणे काम करताना त्यांच्या समन्वय क्षमतेत वाढ करणे. 

• जल-स्थल (Amphibious) हल्ल्यांमध्ये अचूकता आणणे, 

• जलद प्रतिसाद यंत्रणा विकसित करणे आणि 

• वास्तविक युद्धस्थितीत एकसंध (Cohesive) दल म्हणून कार्य करणे - हे या सरावाचे केंद्रबिंदू आहेत.

🚀 'द्वीप शक्ती'  सरावाची वैशिष्ट्ये : 

• या सरावात समुद्रातून जमिनीवर सैनिक उतरवण्याचा (amphibious assault) सराव करण्यात आला. 

• समुद्री मार्गांवर नियंत्रण प्रस्थापित करण्यासाठी विविध ड्रिल्स घेतल्या गेल्या.

• किनाऱ्यावर टँक आणि बख्तरबंद वाहने उतरवून लॉजिस्टिक क्षमतांची चाचणी घेण्यात आली. 

• याशिवाय ड्रोन स्वार्मिंग आणि इलेक्ट्रॉनिक युद्ध प्रणालींचा वापर करून आधुनिक तंत्रज्ञानाचीही चाचणी घेण्यात आली. 

• युद्धभूमीवर किंवा कोणत्याही मोहिमेत जमीन, पाणी आणि आकाश या तिन्ही ठिकाणांहून काम करणाऱ्या दलांना एकमेकांशी एकाच वेळी (तातडीने) संपर्क साधता यावा आणि माहितीची देवाणघेवाण करता यावी, यासाठी विशेष सराव करण्यात आले.

🌍 'द्वीप शक्ती' सरावाचे महत्त्व : 

• हा सराव भारताच्या बेट क्षेत्रांच्या संरक्षणासाठी अत्यंत महत्त्वाचा आहे. 

• भारताची सागरी सीमा आणि विशेष आर्थिक क्षेत्राचे (Exclusive Economic Zone - EEZ) सुरक्षित ठेवण्यासाठी जलद प्रतिसाद देण्याची क्षमता यातून वाढते. 

• इंडो-पॅसिफिक क्षेत्रातील वाढत्या स्पर्धेच्या पार्श्वभूमीवर हा सराव भारताची सागरी ताकद (maritime power) मजबूत करतो. 

• भारताच्या बेटांना 'अनसिंकेबल एअरक्राफ्ट कॅरियर्स' (कधीही न बुडणाऱ्या विमानवाहू नौका) मानले जाते; त्यांचे संरक्षण करण्याची भारताची तयारी यातून सिद्ध झाली.

🔑 परीक्षेच्या दृष्टीने IMP रिव्हिजन पॉईंट्स : Exercise Dweep Shakti

• 'द्वीप शक्ती'— भारतीय लष्कर, नौदल आणि वायुसेना यांचा संयुक्त लष्करी सराव

• आयोजक — अंदमान आणि निकोबार कमांड

• स्थान — अंदमान आणि निकोबार द्वीपसमूह

• मुख्य फोकस — बेट संरक्षण + जलद सैन्य तैनाती

Samrat Samprati

📚 Subject : GS - प्राचीन भारताचा इतिहास

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ‘सम्राट सम्प्रती’ प्रामुख्याने कोणत्या धर्माच्या प्रसारासाठी ओळखले जातात ?

1. जैन धर्म

2. बौद्ध धर्म

3. हिंदू धर्म

4. शीख धर्म

उत्तर : जैन धर्म

📰 बातमी काय ?

• पंतप्रधान श्री. नरेंद्र मोदी यांनी ‘महावीर जयंती’च्या निमित्ताने गुजरातमधील कोबा, गांधीनगर येथे ‘सम्राट सम्प्रती’ संग्रहालयाचे उद्घाटन केले.

👑 सम्राट सम्प्रती कोण होते ?

• सम्राट सम्प्रती हे मौर्य साम्राज्याचे पाचवे सम्राट होते.

• ते महान सम्राट अशोक यांचे नातू आणि सम्राट कुणाल यांचे पुत्र होते. 

• सम्राट अशोक यांच्या मृत्यूनंतर मौर्य साम्राज्य त्यांच्या नातवांमध्ये विभागले गेले, त्यामध्ये सम्राट सम्प्रती यांचाही समावेश होता.

📜 धार्मिक भूमिका आणि ओळख :

• मौर्य काळात विविध धर्मांना महत्त्व मिळाले होते.

• जसे चंद्रगुप्त मौर्य जैन धर्माशी, सम्राट अशोक बौद्ध धर्माशी संबंधित होते, तसेच सम्राट सम्प्रती हे जैन धर्माच्या प्रसारासाठी ओळखले जातात.

• सम्राट सम्प्रती यांना अनेकदा “जैन धर्माचे अशोक” (Jain Ashoka) असेही म्हटले जाते.

🛕 सम्राट सम्प्रती यांचे जैन धर्माच्या प्रसारातील योगदान :

• सम्राट सम्प्रती यांनी जैन धर्माचा प्रसार केवळ विचारांपुरता मर्यादित ठेवला नाही, तर त्याला भौतिक स्वरूप दिले.

• त्यांनी भारतातील अनेक भागांमध्ये जैन धर्म रुजवण्यासाठी सक्रिय प्रयत्न केले. 

• विशेषतः आंध्र प्रदेश, तमिळनाडू, कर्नाटक, महाराष्ट्र, गुजरात आणि राजस्थान या भागांमध्ये जैन धर्माचा प्रभाव वाढवण्यात त्यांची मोठी भूमिका होती.

• यासोबतच, परंपरागत जैन ग्रंथांनुसार त्यांनी सुमारे 1,25,000 नवीन जैन मंदिरे (Derasars) बांधली आणि 36,000 जुन्या मंदिरांचे पुनरुज्जीवन केले.

• यामुळे जैन धर्माला एक स्थिर आणि दृश्यमान ओळख मिळाली.

🌍 या संग्रहालयाचे महत्त्व :

• गांधीनगर येथील ‘सम्राट सम्प्रती संग्रहालय’ हे जैन इतिहास आणि संस्कृती जतन करण्यासाठी तयार करण्यात आले आहे.

• यामुळे -

👉 जैन धर्माच्या इतिहासाची माहिती लोकांपर्यंत पोहोचेल

👉 सम्राट सम्प्रती यांच्या कार्याची जाणीव वाढेल

👉 सांस्कृतिक वारसा जपण्यास मदत होईल

🔑 परीक्षेच्या दृष्टीने IMP रिव्हिजन पॉईंट्स : सम्राट सम्प्रती

• सम्राट सम्प्रती — मौर्य सम्राट (सम्राटअशोक यांचे नातू)

• कालखंड — सु. 224–215 BCE

• धर्म — जैन धर्म (श्वेतांबर परंपरा)

• उपाधी — “जैन धर्माचे अशोक”

• कार्य — जैन धर्माचा व्यापक प्रसार

• मंदिरे — 1,25,000 नवीन + 36,000 पुनरुज्जीवित

Who is the first woman commissioner of BMC ?

📚 Subject : GS - नियुक्ती

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) बृहन्मुंबई महानगरपालिकेच्या (BMC) इतिहासात पहिल्या महिला महानगरपालिका आयुक्त (Municipal Commissioner) म्हणून कोणाची नियुक्ती झाली ?

1. स्मिता सभरवाल

2. दुर्गा शक्ती नागपाल

3. इरा सिंघल

4. अश्विनी भिडे

उत्तर : अश्विनी भिडे

📰 बातमी काय ?

• भारतीय प्रशासकीय सेवेतील (IAS) वरिष्ठ अधिकारी अश्विनी भिडे (Ashwini Bhide) यांची बृहन्मुंबई महानगरपालिकेच्या (BMC) महानगरपालिका आयुक्त म्हणून नियुक्ती करण्यात आली आहे. 

• या नियुक्तीमुळे त्या BMC च्या 160 वर्षांच्या इतिहासातील पहिल्या महिला आयुक्त ठरल्या, ज्यामुळे हा एक ऐतिहासिक टप्पा मानला जातो.

🤔 BMC आयुक्त पदाचे महत्त्व काय आहे ?

• महानगरपालिका आयुक्त हे शहर प्रशासनाचे प्रमुख अधिकारी असतात. 

• मुंबईसारख्या मोठ्या महानगरात हे पद अत्यंत महत्त्वाचे मानले जाते, कारण शहरातील पायाभूत सुविधा, स्वच्छता, वाहतूक व्यवस्थापन, आपत्ती व्यवस्थापन आणि नागरिकांना दिल्या जाणाऱ्या सेवा या सर्व जबाबदाऱ्या या पदावर असतात.

✍️ अश्विनी भिडे यांचा प्रशासकीय प्रवास : 

• अश्विनी भिडे यांनी महाराष्ट्रातील विविध महत्त्वाच्या पदांवर काम केले आहे. 

• त्यांनी कोल्हापूरपासून आपल्या सेवेला सुरुवात केली आणि नागपूर व सिंधुदुर्ग जिल्हा परिषदांच्या CEO म्हणूनही काम केले. 

• तसेच त्यांनी मुंबई महानगर क्षेत्र विकास प्राधिकरण (MMRDA) येथे अतिरिक्त आयुक्त (Additional Commissioner) म्हणून काम केले आहे. 

• त्या मुख्यमंत्री कार्यालयात अतिरिक्त मुख्य सचिव (Additional Chief Secretary) पदावरही कार्यरत होत्या.

🚇 मुंबईची मेट्रो वुमन' (“Metro Woman of Mumbai”) का म्हटले जाते ?

• अश्विनी भिडे या मुंबई मेट्रो रेल कॉर्पोरेशन (MMRC) च्या प्रमुख म्हणूनही काम पाहत आहेत. 

• त्यांच्या नेतृत्वाखाली मुंबईतील पहिल्या भूमिगत मेट्रो कॉरिडॉर (कुलाबा ते सीप्झ) चे काम अत्यंत प्रभावीपणे राबवण्यात आले.

• त्यामुळे अश्विनी भिडे यांना मुंबईची मेट्रो वुमन' (Metro Woman of Mumbai) म्हणून ओळखले जाते.

🏛️ बृहन्मुंबई महानगरपालिका (BMC) — 

• बृहन्मुंबई महानगरपालिका ही भारतातील सर्वात श्रीमंत आणि महत्त्वाच्या महानगरपालिकांपैकी एक आहे. 

• तिचे कामकाज Brihanmumbai Municipal Corporation Act 1888 अंतर्गत चालते.

• महानगरपालिकेचे प्रशासकीय प्रमुख म्हणून 'महानगरपालिका आयुक्त' काम पाहतात, ज्यांची नियुक्ती राज्य सरकार करते.

🔑 परीक्षेच्या दृष्टीने IMP रिव्हिजन पॉईंट्स :

• अश्विनी भिडे — BMC च्या पहिल्या महिला आयुक्त

• ओळख — “मुंबईची मेट्रो वुमन”

• BMC (बृहन्मुंबई महानगरपालिका) — भारतातील सर्वात महत्त्वाची/श्रीमंत महानगरपालिका

• 160+ वर्षांचा इतिहास — पहिली महिला आयुक्त (Historic Milestone)

• कायदा — Brihanmumbai Municipal Corporation Act 1888

Sadhna Saptah 2026

📚 Subject : GS - शासन व्यवहार (Governance), सरकारी योजना - उपक्रम

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच ‘साधना सप्ताह 2026’ (Sadhna Saptah 2026) या देशव्यापी मोहिमेचा प्रारंभ करण्यात आला तर ही मोहिम खालील पैकी कशाशी संबंधित आहे ?

1. कृषी उत्पादन वाढवण्यासाठी

2. सरकारी कर्मचाऱ्यांच्या क्षमता बांधणीसाठी

3. योग आणि आयुर्वेद विकासासाठी

4. महिल आरोग्य सेवा सुधारण्यासाठी

उत्तर : सरकारी कर्मचाऱ्यांच्या क्षमता बांधणीसाठी

📰 बातमी काय ?

• पंतप्रधान श्री. नरेंद्र मोदी यांनी 'मिशन कर्मयोगी' अंतर्गत सरकारी कर्मचाऱ्यांच्या कार्यक्षमतेत वाढ करण्यासाठी 'साधना सप्ताह 2026' या देशव्यापी मोहिमेचा प्रारंभ केला आहे.

🤔 ‘साधना सप्ताह 2026’ म्हणजे काय ?

• हा केंद्र सरकारच्या कार्मिक आणि प्रशिक्षण विभागामार्फत (Department of Personnel and Training - DoPT) राबवला जाणारा एक आठवडाभराचा राष्ट्रीय क्षमता बांधणी कार्यक्रम आहे. 

• केंद्रीय मंत्रालये, विभाग, संस्था आणि राज्य सरकारांमधील सनदी सेवक (Civil Servants) यामध्ये सहभागी होतात.

• हा कार्यक्रम 'मिशन कर्मयोगी' या राष्ट्रीय कार्यक्रमाचा एक भाग आहे.

⚙️ ‘साधना सप्ताह 2026’ चे उद्दिष्टे : 

• नागरी सेवकांची कार्यक्षमता, कौशल्ये आणि निर्णयक्षमता वाढवणे.

• “विकसित भारत” या दृष्टीकोनाशी सुसंगत अशी प्रशासन व्यवस्था तयार करणे आणि 

• भविष्यासाठी सज्ज आणि 'नागरिक-केंद्रित' प्रशासन घडवणे. हे या मोहिमेचे मुख्य उद्दिष्टे आहेत.

💻 ‘साधना सप्ताह 2026’ कार्यक्रमाची रचना : 

1) सहभाग - या उपक्रमात देशभरातील केंद्र आणि राज्य अशा दोन्ही स्तरांवरील अधिकारी सहभागी होतात, त्यामुळे प्रशासनात एकसमान दृष्टिकोन तयार होतो. 

2) iGOT प्लॅटफॉर्मचा वापर - प्रशिक्षणासाठी iGOT Karmayogi या डिजिटल प्लॅटफॉर्मचा वापर केला जातो, ज्यामुळे ऑनलाइन आणि सतत शिक्षणाची सुविधा मिळते. 

3) विविध विषयांचे प्रशिक्षण - 

• या कार्यक्रमात वर्तनात्मक (Behavioural), कार्यात्मक (Functional) आणि विषय-विशिष्ट (Domain) असे विविध प्रकारचे कोर्सेस समाविष्ट आहेत. 

• याशिवाय तंत्रज्ञान, कृत्रिम बुद्धिमत्ता (AI), प्रशासन सुधारणा आणि भारतीय ज्ञान प्रणाली यांसारख्या भविष्योन्मुख विषयांवरही विशेष भर दिला जातो.

✍️ ‘साधना सप्ताह 2026’ उपक्रमाचे महत्त्व : 

• हा उपक्रम प्रशासन अधिक कार्यक्षम आणि उत्तरदायी बनवण्यासाठी महत्त्वाचा आहे. 

• प्रशिक्षित आणि कौशल्यपूर्ण सनदी अधिकारी असल्यास शासन सेवा अधिक वेगाने आणि पारदर्शकपणे नागरिकांपर्यंत पोहोचतात. 

• त्यामुळे नागरिक-केंद्रित (Citizen-Centric) प्रशासनाची संकल्पना अधिक मजबूत होते.

🔑 परीक्षेच्या दृष्टीने IMP रिव्हिजन पॉईंट्स : ‘साधना सप्ताह 2026’

• योजना : मिशन कर्मयोगी अंतर्गत

• विभाग : DoPT (कार्मिक आणि प्रशिक्षण विभाग).

• मुख्य उद्दिष्टे : भविष्यासाठी सज्ज आणि 'नागरिक-केंद्रित' प्रशासन घडवणे

• सहभाग : केंद्र आणि राज्य सरकारांमधील सनदी सेवक